ቅዱሳት ስዕላትን በመቅደድ በማኅበራዊ ሚዲያ ላይ ስታሰራጭ የነበረችው ግለሰብ በቁጥጥር ስር ዋለች !

መስከረም 16 ቀን 2018 ዓ.ም (ተ.ሚ.ማ/ አዲስ አበባ)

ቅዱሳት ስዕላትን በመቅደድ በማኅበራዊ ሚዲያ ላይ ስታሰራጭ የነበረችውን ግለሰብ በቁጥጥር ስር ማዋሉን የአዲስ አበባ ፖሊስ ጠቅላይ መምሪያ አስታውቋል ።

ቤተልሄም ሚሊዮን ሣህሉ ሰሞኑን ቅዱሳት ስዕላት( የእመቤታችን ቅድስት ድንግል ማርያም እንዲሁም የቅዱሳንን ስዕል) በመቅደድ በማኅበራዊ ሚዲያ ማሰራጨቷ ይታወቃል፡፡

ሃይማኖትን ማንቋሸሽ እና ማዋረድ ተገቢነት የሌለው እና በህግ የሚያስጠይቅ ህገ-ወጥ ተግባር  በመሆኑ ፖሊስ ግለሰቧን በፈፀመችው ድርጊት መስከረም 16 ቀን 2018 ዓ.ም በቁጥጥር ስር በማዋል ምርመራ እያጣራ መሆኑን የአዲስ አበባ ፖሊስ ጠቅላይ መምሪያ አስታውቋል፡፡

©አዲስ አበባ ፖሊስ
@Eotclibilery
@Eotclibilery
@Eotclibilery

በምሥራቅ አርሲ ሮቤ ወረዳ ኦርቶዶክሳውያን ተገደሉ !

መስከረም 7 ቀን 2018 ዓ.ም (ተ.ሚ.ማ/አዲስ አበባ)

በምሥራቅ አርሲ ሀገረ ስብከት በሮቤ ወረዳ በእንደቶ 01 ቀበሌ መስከረም 05 ቀን 2018 ዓ.ም ሰኞ ከሌሊቱ 5፡00 ለማክሰኞ አጥቢያ ሁለት ኦርቶዶክሳውያን በታጣቂ  ኃይሎች ተገድለዋል።

አቶ ከበደ ማሞ እሸቱ የተባሉ የ65 ዓመት አዛዉንትና የ6 ልጆች አባት እንዲሁም ወ/ሮ አበሬ ስዩም የተባሉ የሁለት ልጆች እናት በጥይት መገደላቸውን ከአካባቢው ነዋሪዎች የደረሰን መረጃ ያመላክታል።

በተጨማሪም  የወ/ሮ አበሬ ስዩም የ 15 ዓመት ወንድ ልጅ ተማሪ እሱባለዉ ስዩም በታጣቂዎቹ በጥይት ተመትቶ በሕክምና ላይ ይገኛል ሲሉ የአካባቢው ነዋሪዎች  አሳውቀዋል።

በሮቤ ወረዳ በተደጋጋሚ በምእመናን ላይ ጥቃት፣ ሞት ፣ ዘረፋ እና ስደት እየደረሰ ስለመሆኑ መዘገቡ ይታወሳል ።

በተለይም የሮቤ እንደቶ 01 ቀበሌ  ከሮቤ ከተማ 60 ኪ.ሜ ርቀት ላይ የሚገኝ መሆኑን ተከትሎ ምእመናን ከፍተኛ ችግር ውስጥ እንደሚገኙም በተደጋጋሚ  ለጣቢያው ተናግረዋል ሲል  የማኅበረ ቅዱሳን ቴሌቪዥን ዘግቧል።
@Eotclibilery
@Eotclibilery
@Eotclibilery