◾️QDUda Xalqaro reyting ko‘rsatkichlariga erishish bo‘yicha uchrashuv bo‘lib o‘tdi
🟢Bugun, 15-avgust kuni Berdaq nomidagi Qoraqalpoq davlat universitetida xalqaro reyting ko‘rsatkichlarini oshirish hamda ilmiy-tadqiqot va ta’lim sifatini xalqaro talablarga moslashtirish maqsadida O‘zbekiston Milliy universiteti bilan hamkorlik bo‘yicha muhim uchrashuv tashkil etildi.
🟢Uchrashuvda O‘zbekiston Respublikasi Oliy ta’lim, fan va innovatsiyalar vaziri Q.Sharipov, Qoraqalpog‘iston Respublikasi Oliy ta’lim, fan va innovatsiyalar vaziri A.Ayapov, O‘zbekiston Milliy universiteti rektori, professor I.Madjidov va ushbu universitetning yetakchi professor-o‘qituvchilari ishtirok etdi. Tadbirni Berdaq nomidagi Qoraqalpoq davlat universiteti rektori, akademik A.Reymov olib bordi.
🟢Dastlab, rektor A.Reymov mehmonlarni samimiy kutib olib, universitetning xalqaro reytinglarda munosib o‘rin egallash borasidagi asosiy yo‘nalishlari, amalga oshirilayotgan islohotlar va erishilgan yutuqlar haqida ma’lumot berdi. Shuningdek, xalqaro ilmiy bazalarda maqolalar chop etish, xorijiy universitetlar bilan qo‘shma ta’lim dasturlarini yo‘lga qo‘yish, akademik almashinuv dasturlarini kengaytirish kabi masalalar bugungi kunning dolzarb vazifalari sifatida qayd etildi.
🟢Uchrashuvda Vazir Q.Sharipov so‘zga chiqib, O‘zbekiston oliy ta’lim muassasalarini xalqaro miqyosda tanitish, ilm-fan va innovatsiyalarni rivojlantirish bo‘yicha davlat darajasida amalga oshirilayotgan chora-tadbirlarni alohida ta’kidladi. U, jumladan, professor-o‘qituvchilar va talabalarning ilmiy faoliyatini rag‘batlantirish, xorijdagi nufuzli ilmiy markazlar bilan hamkorlikni kengaytirish va ta’lim sifatini oshirishga qaratilgan strategik yo‘nalishlarni ilgari surdi.
🟢Shundan so‘ng, O‘zbekiston Milliy universiteti rektori, professor I.Madjidov so‘zga chiqib, hamkorlik istiqbollari, xalqaro reytinglarga chiqish yo‘lida o‘z universitetida to‘plangan tajriba va yutuqlar haqida gapirib, bu tajribalarni Qoraqalpoq davlat universiteti bilan hamkorlikda amaliyotga joriy etish zarurligini ta’kidladi.
🟢Uchrashuv yakunida ikki universitet o‘rtasida qo‘shma ilmiy loyihalar, seminar-treninglar, ilmiy konferensiyalar va o‘quv-uslubiy almashinuvlarni amalga oshirish bo‘yicha kelishuvlarga erishildi. Bu esa kelgusida Berdaq nomidagi Qoraqalpoq davlat universitetining xalqaro reytinglardagi o‘rnini mustahkamlash va ta’lim sifatini yangi bosqichga olib chiqishga xizmat qiladi.
➡️Batafsil
Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin
0
Показать ещё
