.

وسط حركة السوق العاديه وأصوات التكاتك والركشات كنت ماشي في السوق مطمئن ما عارف إنو في لحظة كل حاجة ح تتقلب.
فجأه وبدون مقدمات مجنون فلقني بحجر الحمد لله جلت مني بسنتي
لحظة واحدة كانت كافية تغيّر يومي.

واضح إنو المجانين بقوا أكتر من الزباين في السوق ودي حاجة تخليك تمشي وانت لابس خوذة ودروع!

#واخيراً

خلو مسافة أمان وافتكروا إنو السوق ما بقى بس غالي؛ بقى خطير كمان!

#الاسكندر

.

الزوجة الصالحة لا تأتي بكثرة البحث ولا بحسن اختيارك الزوجة الصالحة رزق يسوقه الله لك مكافأة على عفتك وبرك بأبويك وطيب منشأك فاتقِ الله يجزك خيراً ويحسن لك الإختيار.

#الاسكندر

.

كنت في فترة عزوبية طويلة جدًا… لدرجة لو سألتني عن أقرب شخص لي حأقولك "بتاع الدكان
العزوبية دي خلتني فاقد أي خبرة في التعامل مع الجنس اللطيف… ما بعرف أقول كلمة مناسبة، ولا أفهم التلميحات… يعني ممكن البنت تقول لي "مشتاقه ليك " أقول ليها يشتاق ليك العافيه

قررت أدخل علاقة… قلت يمكن ألقى الدفء العاطفي البقولوا عليها ديك ..
المهم إتعرفت على بنت جميلة جدًا… من النوع البتخليك تعيد ترتيب أولوياتك في الحياة كلها.

لكن المشكلة إني كنت تايه… كل كلمة بقولها بتطلع غلط، وكل تصرف بيظهر تصرف غريب. هي كانت عايزة رومانسية… وأنا كنت فاهم الرومانسية يعني أرسل ليها صور الفطور الصباحي وأكتب:

"عشان تعرفي إنك السبب الوحيد البخليني آكل."

الموضوع بدأ يكبر… بقت تفتش عن مشاكل من لا شيء، وأنا أحاول أصلّح وأضحك… لكن واضح إنو طول فترت عزوبيتي الفاضحة كانت مخربة كل شيء.
أذكر مرة زعلت مني لأني ما كتبت بوست رومانسي عنها… حاولت أشرح ليها إنو خبرتي مع البنات زي خبرة وزير المالية مع الوزاره : صفر كبير! لكنها ما اقتنعت.

آخر محاولة كانت يوم ميلادها… جبت ليها هدية معتبرة… فتحتها قدامي وقالت:

"شكراً… لكن كنت متوقعة حاجة فيها مشاعر أكتر."
قلت ليها: "يا أختي المشاعر دي ما بتتباع في مول العرب!"

بعدها بدأت العلاقة تنهار… حاولت أتمسك بيها وأعتذر وأثبت إني ممكن أتعلم وأتغير، لكن كل محاولاتي كانت بتفشل.
رسلت لها رسالة أخيرة أطلب فرصة جديدة… لكن الرد كان بارد جدًا:

"أنا محتاجة شخص يقدّرني… وأنت ما قادر تقدّرني."

انتهت العلاقة رسميًا، وخلتني أفكر في كل حاجة:
هل المشكلة فيني؟ في عزوبيتي الطويلة؟ في عدم خبرتي؟ ولا أنا محتاج كورسات مكثفة في فن التعامل مع البنات؟

في النهاية قلت خلاص… المرة الجاية أبحث عن حب جديد… لكن لازم تكون البنت عندها شوية صبر على شطحاتي وعيوبي… وتقدر تتحمل زول لسه بيتعلم الأبجديات في عالم الرومانسيه 😅.

و أخيرًا ..

العزوبية الطويلة بتخليك لما تدخل علاقة كأنك سواق جديد في شارع مزدحم… كل خطوة محسوبة عليك، وغلطة صغيرة ممكن تعمل حادث كبير!

#الاسكندر

.

‏وكأنك في خلافٍ أبديٍّ مع الحُب
‏ إما أن تجد من ‌ يُحبك ⁩ وأنت لا تُحبه
‏أو أنك تُحب من لا ‌ يحبك ⁩
‏ولو التقيتَ بمن تحبه ويحبك
‏فقد لا تحبكما الحياة معاً ! 💔
‏
‏‌ #اقتباس ⁩

#الاسكندر