ما وافيت اهي عشره گصيره و انتهى كل شي
بعد ظلت لي بس چلمه تعال انعاتبك و امشي
بعد هسه شيفيد الماي ذابل من امس هرشي.




الراحل محسن الخياط 💔

وگلت للـ الزاعلين عليك
شيضره النهر من تزعل الچيحه
واخاف توهمت وياي
من تشابه البيبان
كل باب ومفاتيحه. !




الراحل محسن الخياط💔

سوله اشيفضها اويه الگلب يهو الترف بي حاله
حاصود يلهث منجله ورد خالي مدري اشماله
لا حصد هرفي اولا بطي ومتهوم ذيب اچماله
طري ينجمة الصبح بعد ليل يولاله
طري ينجمة الصبح بعد ليل لو مامش
من ضيعت سيف الصبر چا گلي بيش تقارش
ضل عمري سباح بحر والموج كلش دايش
يحبابي يا شط السمچ
بالزورق ادخال الشبچ
رگاع وبديرة عفچ
أمري ويهد برحاله
طري ينجمة الصبح بعد ليل يولاله
طري ينجمة الصبح بلچي الحزن يتشاوه
انه الضعيف اويه العشگ بالله شجاني اتلاوه
يا ليل خطيت الشعر مذبوح موش ادفاوه
ما گلت حچيي الوافي
عجزت تنگله اشفافي
فز منه حرفي الغافي
من گد ندس عذاله
طري ينجمة الصبح بعد ليل يولاله
*********
الراحل محسن الخياط 💔