#InnoWeek_2025

📣 Hurmatli InnoWeek–2025 mehmonlari!

2025-yil 9–11-oktabr kunlari bo‘lib o‘tadigan Innovatsion g‘oyalar xalqaro haftaligi — “InnoWeek–2025” doirasida ishtirokchilar va mehmonlar hamda OAV vakillariga qulaylik yaratish maqsadida Toshkentning bir nechta hududidan “CAEx Uzbekistan” xalqaro ko‘rgazmalar majmuasiga bepul avtobus qatnovi yo‘lga qo‘yiladi.

“InnoWeek–2025” — bu ilm-fan, texnologiya va innovatsiyalar sohasidagi eng ilg‘or ishlanmalarni namoyish etish uchun muhim platforma. Sizni ko‘rgazmalar, panel sessiyalar, startaplar taqdimotlari, xalqaro ekspertlarning chiqishlari hamda keng ko‘lamli networking imkoniyatlari kutmoqda.

❗️Diqqat! Tadbirda ishtirok etish uchun oldindan ro‘yxatdan o‘tish lozim.

📱Ro‘yxatdan o‘tish uchun: www.innoweek.uz

🤔 Yilning eng yirik innovatsion voqeasida ko‘rishguncha!

Bizni kuzating

| Instagram | Facebook | YouTube

#amaliyot

Ayni paytda San’atshunoslik fakulteti musiqa ta’limi yo‘nalishi 2–3-bosqich talabalariga haftalik o‘quv mashg‘ulotlari “4+2” tizimi asosida olib borilmoqda. Ya’ni, darslarning 4 kuni universitetda, 2 kuni esa umumiy o‘rta ta’lim muassasalarida amaliy mashg‘ulot sifatida tashkil etilmoqda.

Xususan, musiqa ta’limi yo‘nalishi 2-bosqich talabalari Qarshi shahridagi 29-maktabda amaliyot rahbarlari L.Pirnazarov va A.Sohibov boshchiligida amaliyot o‘tamoqda. Talabalar ushbu jarayonda maktabda o‘tkazilayotgan turli ma’naviy-ma’rifiy tadbirlar hamda ochiq darslarda ishtirok etib, nazariy bilimlarini amaliyotda qo‘llash, shu orqali esa o‘quv-tarbiyaviy jarayonda muhim tajriba to‘plash imkoniyatiga ega bo‘lmoqdalar.

Bizni kuzating

|Facebook|Veb-sayt

Qarshi davlat universiteti xotin-qizlar masalalari bo‘yicha rektor maslahatchisi Sh.Karamova, profilaktika inspektori D.Ro‘ziyeva, Kimyo-biologiya fakulteti xotin-qizlar masalalari bo‘yicha dekan maslahatchisi R.Yo‘ldosheva hamda Yoshlar bilan ishlash bo‘limi tyutori Sh.Ernazarova tomonidan kimyo ta’lim yo‘nalishida tahsil olayotgan talabalar yashab turgan Qarshi shahar Beklar va Mahallot mahallalaridagi ijara xonadonlari o‘rganildi.

Tashrif davomida talabalarning yashash sharoitlari bilan yaqindan tanishildi, talabalar hamda uy egalaridan mavjud imkoniyat va muammolar haqida batafsil ma’lumot olindi. Shuningdek, turli huquqbuzarliklarning oldini olish, sanitariya-gigiyena talablariga rioya qilish, ovqatdan zaharlanishning oldini olish hamda texnika xavfsizligi qoidalariga amal qilish masalalari yuzasidan tushuntirish ishlari olib borildi.

Bizni kuzating

|Facebook|Veb-sayt

1️⃣1️⃣1️⃣ 🏆🏆🏆

20–21-sentyabr kunlari Rossiya Federatsiyasining Sankt-Peterburg shahridagi “Yubileyniy” sport majmuasida V.N.Konev xotirasiga bag‘ishlangan “Peterburgskaya osen” xalqaro va umumrossiya karate musobaqalari bo‘lib o‘tdi.

Musobaqada 9 ta davlat (Belarus, Armaniston, Qozog‘iston, O‘zbekiston, Eron, Bangladesh, Turkiya, Moldova) va 33 ta Rossiya regionidan sportchilar qatnashdi. Yuzlab mahoratli karatechilar o‘z ustaligi va sport xarakterini namoyish etdi.

Shu nufuzli turnirda Qarshi davlat universiteti Sport fakulteti 1-bosqich talabasi Azizbek Qobilov -67 kg vazn toifasida faxrli 3-o‘rinni qo‘lga kiritdi.

Azizbek, yutug‘ingiz muborak bo‘lsin! Kelgusida ham katta g‘alabalar sari dadil odimlashingizni tilaymiz.

Bizni kuzating

|Facebook|Veb-sayt

O‘zbekiston Respublikasi Prezidentining “Neft va gaz sohasida ta’lim–ishlab chiqarish klasterini tashkil etish chora-tadbirlari to‘g‘risida”gi PQ-309-son qarori ijrosi doirasida oliy ta’lim muassasalari professor-o‘qituvchilarini qo‘llab-quvvatlash hamda munosib rag‘batlantirish maqsadida 2025–2026 o‘quv yili uchun “Eng Fidoyi Ustoz – IV” tanlovi e’lon qilinmoqda.

✅Tanlovda Respublikamizdagi oliy ta’lim muassasalarida faoliyat yuritayotgan, ishlab chiqarish sohasiga oid mutaxassisliklar bo'yicha ta'lim berayotgan kamida 2 yillik pedagogik tajribaga ega o‘qituvchilar qatnashishi mumkin.

❗️Nomzodlar talabalarning o‘z ustozlariga bo‘lgan ishonchi va hurmati asosida, shuningdek, korxona xodimlari hamda iqtidorli yoshlar tomonidan taqdim etiladi.

Baholash mezonlari: ustozning ilmiy-pedagogik yondashuvi, dars jarayonida talabalarga tushuntira bilish qobiliyati, halolligi va fidoyiligi.

G‘oliblar pul mukofotlari, faxriy e’tirof va ta’lim sifatini yuksaltirishga xizmat qiluvchi yangi imkoniyatlar bilan rag‘batlantiriladilar.

So‘rovnomada ishtirok etish havolasi: https://forms.gle/JsdMdrDd4tkJ7UuN8

Qabul muddati: joriy yil 15-oktabr soat 23:59 gacha.

👉 Batafsil

Bizni kuzating
Facebook | Instagram | YouTube | Telegramget="_blank" rel="nofollow.instagram.com/eduuzofficial/" target="_blank" rel="nofollow">">ong>