شهادة الإمام الرضا عليه السلام ١٤٤٧هـ

عتره ومصايبهم غدت مثل الرحى تدور
ومن دفنت الزهره بدت تخفى إلهم قبور
وجسم الرضا بات ابليّا موارات
وتشيّع بليل
.....
حال الرضا منّ الجواد الليله سمعوه
بسيوف رادو مثل أبواليمّه يقطعوه
ولحمه وعظمه وي دما جسمه يخلطوه
وللزهره بغضاً لو قضى نعشه يعطلوه

طلعت على افراق الرضا تتصارخ حشود
وظلّت على اچفوف الولي آثار لقيود
اتعالت هتافاة ابليّا موارات
وتشيّع بليل
.....
يبچي الجواد اعلى الأبو ويصعّد أنفاس
وجت شيعته بالنايحه تلطم على الراس
اتنادي الرضا مسموم ويلي ابفعل لارجاس
وآمر عدوّه تبتعد عن نعشه الناس

ماتندفن هالجثّه ناده اليوم بنهار
قصده يجدّد دفنة الصوّبها مسمار
بظَلْمَه وظُلامات ابليّا موارات
وتشيّع بليل
.....
صاح الجواد ابلوعته ابليل الرزيّات
تخلص جنايه وتبتدي منهم جنايات
لوعة دفن بويه الرضا ماهي النهايات
ابتشييعه أنظر رميتي ابسطح العذابات

أبقى ثلاثاً عالسطح مرمي ولا انشال
سمّ او عطش منها أعاني ابيوم لاجال
حسره اعلى حسرات ابليّا موارات
وتشيّع بليل
.....
شيّبني تغسيل الأبو يايوم الاحزان
ماظل بعد بيّه جلد لفّيته بچفان
ونزّلته بيدي للقبر وبروحي أشجان
صوب المدينه اتوجهت ودموعي غدران

وينچ يايمّه بالعجل حالتنا قشره
بالليل إبنچ مندفن مثلچ يازهره
أصعب معاناة ابليّا موارات
وتشيّع بليل
.....
بقلب البتوله قتلة الأولاد غصّات
ومن يوم مدفنها العدا أبدت عداوات
حقد اوقتل ضدها اوعلى ابناها علامات
واللّي ابمباني تندفن أحياء واموات

بالطف جنايز عالثرى ظلّو بلا روس
وقفت رحاها للرضا من زارته بطوس
وعادوها مأساة ابليّا موارات
وتشيّع بليل
.....

تمت بحمد الله ومنّه ١٤٤٧/٢/١١هـ
نظم خادم السيدة الزهراء عليها السلام
ياسين جواد العبدالرضا

مصدر
دفن الإمام الرضا عليه السلام ليلاً
كتاب بحار الأنوار
الجزء ٤٩ ص ٢٩٩-٣٠٠

جديد صفر ١٤٤٧هـ
نخوه بالسيدة رقيه عليها السلام

نخوه يامولاتي يابنت الذبيح
يارقيّه واقف ابـ بابچ أصيح
.....
يالتي حبل السبي چفّچ يحز
والقلب باشواقه كل ساعه يفز
لَچَن آه الخيل ماخَلَّت حِرز
حرزچ اعلى القاع مذبوح وطريح
.....
جيت بمصابچ رقيّه أنتخي
حين صحتي وينه بويه ياأخي
جاوبچ سوط العدا وله تصرخي
بويه جسمي امن الضرب مايستريح
.....
ياللّي جدمچ تعب من كثر الركض
ابكل شدد إسمچ صبح إلنه النبض
كل حوايجنا إلچ من تنعرض
تنقضي ومَيْظَلْ بَعَد قلبٍ جريح
.....
يالجليله بابكم بس نعرفه
ولچ قصدت ابكل عقيده ومعرفه
ياللي صرتي الكل علل آية شفا
بجاهچ أسوار المحن عنّا تطيح
.....
صرتي باب الحاجه إنتي والدوه
ونورچ ايبدّل ظلامي بالضوه
يارقيّه بسمچ انشيل اللوه
وذكرچ الهم والبلا عنّا يزيح
.....
اعليچ أقسم بالذي ضامي قضى
ياعزيزة فاطمه والمرتضى
كلمن ايعاني مَرَضْ إشفي امْرِضَه
بالقمر أنخاچ والمدمع يسيح
.....
للأبو متعالي ونّچ مايهيد
وانفجع دلاّلچ ابفعلة يزيد
وانخِتَم عمرچ على راس الشهيد
وبرحيلچ ضاق بالعيله الفسيح
.....
يالوسيله لله إنتي بحاجتي
يمتى أتعنّه إلچ بزيارتي
يارقيّه اوياچ تعله ندبتي
باللطم والآه من حول الضريح
.....

تمت بحمد الله ومنّه ٣٠محرم١٤٤٧هـ
نظم خادم السيدة الزهراء عليها السلام
ياسين جواد العبدالرضا

نعي يوم الاربعين ( حدي )





جابر وصل وكت الظهر
يم قبر ابو اليمه ويون

ايشم بقه اتراب القبر
وعيونه يجارن حزن

خده على قبره انطبع
محني الظهر وي المتن

ساعه ولفه ضعن السبي
لاحت غمامه اعله الجفن

ناده غلامه من دِنـو
وادموعه سالن بالوجن

هالوصلت العيله واجت
جابر سمع زينب توون

ناده يزينب بت علي
صوتچ سحن قلبي سحن

نادت يعمي لوشفت
طحنو تره ضلوعه طحن

جسمه بقه فوگ الثره
ابلايه غسل وبلا دفن

وطيحت كفيلي عالنهر
تركت الف جرح وطعن

اهلي گضو كلهم ذبح
وضحگت شمر بذني ترن


فرحت الـوادم يجابـر بچتـلاه
واخوي السبعه والبيهه بچتلاه
لو تنشد عن الزهره بچت.. لا
شفتهه بكربله اتنوح الزچيه


___
حيدر العمار الخزعلي
.

يامن تـخـدم حـسين * بـاجـر تـفـرح الـعـيـن
لـو حـل يـوم الحـساب* شوف اشحاوي الكتاب
بـاجـر تـفـرح الـعـيـن
* 
يـامـن اتـكـظـي حياتــك     خادم وتـاجـــك كـرامـــه
ودمعـك ابـحسره تهله      تواسي لـدمـوع الـيـتـامـه
تعـتـني درب المخاطـر      تـحـمـل الـجـوره وسهامه
ياحسين اصبح شعارك      تهتـــف الـيـوم الـقـيـامــه
أسمـه يهـدم الاصـنام * وتشهـد لـيـه الايام 
ويـنـجـي المحـبـين * باجر تفرح العين
****                                                                  تخـدم وماترجـه دنـيـا      لا مـصـالـح لا خــــواطـــر
تـفـتخـر لو صاحوا اسمك      خادم حسين وتـفـاخــر
بـالتواضع صون اسـمـك       والتـكـبـر صـار خاســر
تـاج هـاي الخدمه تـدري       كـالـو اصحاب الضماير
وتاجـك لايـك اعـلـيـك * بس هالخدمه تنجيك
بدرب الخدمه ماشين * باجر تفرح العين
** 
عـيـنـك أيـسـبح دمعـهـه         والكـلـب كـبـر أنـيـنـــه
وانـتـه تـخـدم بالمجالس         تسمع آهــآت الحـزيـنـه
وصدرك ابجفك توسمـه        تذكر ايـــساره الظـعـيـنه
وزيـنـب الراحـت سبـيه        اتـنادي ياخـويـه انـولينه
يحني الحزن الاضلوع * وعينك تهمل أدموع
وهاذي دمعتك دين * باجر تفرح العين
** 
اتـصـور ابـدور الهـواشم        غـابـت ابحـر المنـايـه
يـابـدر مـنهـم تـنضره         لـلشـهـاده بـنـحـره آيـــــه
جـمـره يصـبـح هلتصور        وبلكلـب هـلجمره هـايـه
بـاقـيـه لأعـظـم مـصـيـبـه        ولامـثلـهـه اتمر رزايه
زيـنـب ترفــع ابـدان***اتــقـبــل ربــي قـربـان
ابدمهه ثابت الدين * بـاجـر تـفـرح العين
**
تـضـهـر اكـبـالـك مـآسي       من جـراح الغاضـريــه
صـدر ابـوالـيـمـه تـهشـم        بالحـوافـر الاعـوجـيـه
وجـنـك اتـشاهـد ظـعـيـنـه        بيهه مجتوفه رقـيـــه
اتعاين الروس الهواشم         عالعوالي السمهريـــــه
اتعاتب نحـرمكطـوع * ابعالي الرمح مرفوع
وكلبك ليها نصين * بـاجـرتفـرح العين
**
لخادم خدمة الحسين ع
ابو عمار الدراجي

نعي ع شباب


بهداي بهداي
اريد اگعد واون عليك… بهداي
وياي وياي
عوف الگبر بس كوم .. وياي
ياراي ياراي
بعدك يئي.مه وكلي ..ياراي

ملجوم ملجوم
ظل الگلب بجفاك… ملجوم
وتحوم وتحوم
صورك بعدهي بعيني.. وتحوم
وهدوم وهدوم
هل حضرت والعرسك ..هدوم

اول خميس يمر عليه
مضيعه الولد وفرك بديه
وتلومني الماتدري بيه

لشاب يا ونتي عله الشاب
خله الگلب بسهام يناصب
شيفيد كون الدمع سجاب

شيفيد دمعي الما يرده
وباب الگبر بتراب سده
وشلون احط لبني مخده

شلون نام ويهده نومه
تراب الگبر خرب رسومه
من راح شو ماخذ هدومه

راح ويضل گلبي ويغيضه
وبدل القاط بگطه بيضه
شنهو الدمع لو كثر فيضه

شنهو الدمع يمسح ضحكته
البعيني اشوفنها ودفنته
مو هينه اعيش انه فركته

ابو سلام الجابري

https://t.me/jjdicjcsk

على الباب تلگتها بحزن زينب على الباب
على الباب اجت ام الوفه تنحب على الباب
اجت بدمعة العين
زينب تنعه الحسين
على الباب على الباب
@@
اجت ام البنين اتصيح يا زينب
چه سوا الدهر يم عون چم عذب
مصفره الوجه والگلب هالينحب
اشعدها طفها كربله وياج يا مطلب

عذابات شگلج كربله شسوت عذابات
عذابات صيحة كل طفل دوت عذابات
گلبي انجسم نصين
زينب تنعه الحسين
على الباب على الباب
@@@
شگلج بالجرا وبطفنا شنهو الصار
هجموا علينا بالغدر بواغي والكفار
گالوا نطالب حيدره وياه جم ثار
شبوا هالخيم والگلب ظل محتار

يشب نار گلبي بالحزن يلهب يشب نار
يشب نار متنج ينضرب زينب يشب نار
وانا اصفج بالايدين
زينب تعنه الحسين
على الباب على الباب
@@@
خبريني زينب من اجت هاي الناس
من صرتوا بذيج المعاره وسطت الارجاس
هل وفه بعهوده البطل ابني العباس
هل ضحى بچفوفه الوفي وياهم هالراس

ابوالغيره زلزل كربله برجله ابوالغيره
ابوالغيره بضرباته صفوا قتله ابوالغيره
گطعوا منه چفين
زينب تنعه الحسين
ورا الباب ورا الباب
@@@
ظل حسين وحده بكربله ابيوم العاشر
لا اخوان عنده لا سند وياه لا ناصر
صرعه عالثرى وگليبي هالصابر
حز راسه الشمر ابخسه هالكافر

والحسين صحيح الشمر داسه والحسين
والحسين فوگات الرمح راسه والحسين
ناشدته بالونين
زينب تنعه الحسين
على الباب على الباب
@@@
تجرعتي السبي يا زينب ابحسرات
دروب الشام ذله ابنايبه او ويلات
يسيره مگيده والگلب بيه آهات
يسبچ هالدعي وابخسة الشمات

تاذيت من صاحت رقيه يا بابا تاذيت
تاذيت ابمجلس يزيد والخرابه تاذيت
ونيني وجمرة البين
زينب تنعه الحسين
على الباب على الباب
@@@

[[💔 قصيدة رئيسيه للرضا ع💔]]

☆۰☆۰☆۰☆۰☆۰☆۰☆۰☆۰☆۰☆۰☆۰

تبچي تنادي كل ارض طوس

مات الانيس   لهاي   النفوس

نعش الرضا  شالوه  الاحباب

ما ظل سليب  وفوگ التراب

   واحسيناه  واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هذا ابن موسى الذي     ما صح مثاله

نسخه    محمد يا بشر جمله   خصاله

بديرة غرب سهم الغدر وسفه اعتناله

بس الجواد    بمعجزه   حاضر  اجاله

غابت يوسفه شمس الشموس

مات الانيس      الهاي  نفوس

ينادي الجواد وگلبه ‌ انصاب

ما ظل سليب وفوگ التراب

واحسيناه    واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مثل الشمس يشرق  اذا عينك تشوفه

وعينك اذا شافته    ما    تقدر  تعوفه

بحر  العلم و  تباعدن   جداً   جروفه

يشبه محمد مبتسم بأصعب   ظروفه

بس الألم في صدره محبوس

مات الانيس    الهاي  النفوس

بالسم غدر صح  كالبدر  غاب

ما ظل سليب  وفوگ  التراب

واحسيناه    واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لو ندرس الحاله بعمق  نفهم   قضيه

كل البدايه     من   ضلع   أمه الزچيه

نفس المخطط والفكر   نفس  الاذيه

مصاب الرضا الليله امتداد الغاضريه

بس اشوه اگولن ظله ملبوس

مات الانيس   الهاي النفوس

شگد ظل يعاني والقلب ذاب

ما ظل سليب وفوگ  التراب

واحسيناه واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هذا الرضا بدیرة غرب  ضحى  بحياته

وثبت   شعایرنا رمح     بعين  الشماته

تغمض عيونه اعلى الترب هاي امنياته

مثل الذي بلطف گضى  و هامن  بناته

ويتذكر إهوه الخيل التدوس

مات الانيس  لهاي  النفوس

حسره بدليله  لحد   ما غاب

ما ظل سليب وفوگ التراب

واحسيناه واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ركز حياته     بالوصايه    اعله   الامامه

ولشيعته  التحیي الإمر   و صل  سلامه

گلهم ارید انا    الدمع     بالخد   علامه

والطف يظل  ذكرى   الى  يوم  القيامه

مصاب الحسين بگلبه مغروس

مات الانيس  الهاي     النفوس

مثل الحسين ولا جرى مصاب

ما ظل سليب  وفوگ  التراب

واحسيناه واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ويبن   شبيب   انته  اذا  تبچي لمصيبه

ابچي على الجثته بقت   بلطف   سليبه

وابچي على الراحت سبي إخته الغريبه

واعله گمر    يم   النهر   صاير     مغيبه

وجسمه بسهام الموت متروس

مات     الانيس  لهاي  النفوس

حتى اليموت    إبين  الاغراب

ما ظل سليب وفوگ   التراب

واحسيناه  واحسيناه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

✨يهدى ثواب هذه الكلمات✨

الى روح شهيد الخدمة الحسينيه
الشاب (حسين عبد الحسن الراشد)

والى اموات المؤمنين كافة
مع الفاتحه والصلوات
من طريق ياحسين
خادم أنيس النفوس (ع)

▪️▪️▪️
جهاد البصراوي
يسألكم الدعاء

شكــــراً    يــا زينــب الثــوريه
شكـــراً    أنتي النصــر راعيه
يا بت علي الضرغام      ذليتي كــل الشـــام
شكـــــــــــــــــــــراً

*

الف شكـــرا يالعقيله عــالاباء وعالنصــر
الف شكـــرا للتحدي والبطولـــه والخـــدر
من دخلتي الشام ثوره هزت أركان القصر
يالعقيله لهذا يومچ كل ظلم مـــا مستقـــر
ظنــــوا     زينب مشـت مسبيه
ظنــــوا     بس للمــدامع هيـه
ثـــوره مشت بأيتام      ذليتي كــل الشـــام

*

ألف شكرا يالعظيمـه للنصـر فــي كـــربــلاء
أنتــي حققتــي ابنظالــچ حـلم كــل الأنبيــــاء
شگــد قــرابين بعقيــده قــدميتــي للسمــــاء
وثوره بعد الطف صبحتي حاربيتي الأدعياء
ثـــوره     بت حيدره معروفــه
ثـــوره     بالشام وي الكوفــه
شما جارت الأيام      ذليتي كــل الشـــام

*
شكـرا نگــول أبمــدامع ويــه يــوم الأربعيـن
يا نصــر حققتي بالطــف يكبــر بمــر السنين
هل النصر رادوه خساره يصير كل الظالمين
حاولوا لكنه عجيبه مستمـر نصـــر الحسين
نصـــره      بصوتــچ بقى للتالي
نصـــره      خليتي راسچ عــالي
ظل عالي دوم الهام     ذليتي كــل الشـــام

*

شكـــراً وعـــذراً يحره انگولها بــآه ونـــدم
احنه وصفنـاچ زينب بس مــآسي وبس ألم
ومــن قرينــاچ ابحقيقه انته ثوره من القَيّم
چنّــچ العباس واگــف للنصــر رافــــع علم
زينـــب     ثــوره فــــلا ذليتــي
زينـــب    منذوره الـــچ قافيتي
شما تكتب الأقـــلام       ذليتي كــل الشـــام

* 

كــدْ بكيدك من هتفتي رجفيتي ابــن الــدعــي
آنـــه بت آيـــة محمد انتـــه ابن مــن تــدّعـي
آيــه صوتــچ يالعقيله لهسه يـــدوي بمسمعي
مــن نوصّفــچ كـون نخجل نكتب أبعفه أوعي
حـــره      ذليتـي  قصــر الجائـر
حــره       بيها الــزمن ظل حاير
مـــا همتـــچ ظلام      ذليتي كــل الشـــام

۩•••۩•••۩•••۩•••۩

الشاعر
موسى البديري

الى الحسين
كل سنه بهذا الدرب
الى الحسين
احنه گلب اعلى گلب

هذا عهد ومانعوفه وخل ترف الرايه
والله شايبنه وطفلنه الكربله مشايه
الوسيله حسين هوه رضا الله الغايه
اشما نسوي اصلا قليل ومانكول اهوايه

الى الحسين
مثل بالحق ينضرب
الى الحسين
احنه گلب اعلى گلب

الوفاء مو كلمه عدنه لافعل والشاهد
ابهالطريق يظل مشينه لو بقه بس واحد
المدير المشرف ايظل احسين هوه القائد
حتما ايقبله التعنه ايواسي نيته الگاصد

الى الحسين
ماكو شي اسمه صعب
الى الحسين
احنه گلب اعلى گلب

صور نرسم للبطوله للكرم للغيره
الكاع بالمشايه هيه حيل والله ازغيره
العدو كل سنه هوه يصير ليش بحيره
هالدرب خلا مسودن عبر حد تفكيره

الى الحسين
لم شمل مابي غرب
الى الحسين
احنه گلب اعلى گلب

كل سنه الاعداد هيه اتزيد ونشاركهه
والايادي امن الله هيه الزارته اتحركهه
بكل نظام وماهي فوضى حسينهه يحركهه
المبارك ابو اليمه طبعا يباركهه

الى الحسين
هذا دين وهذا حب
الى الحسين
احنه گلب اعلى گلب

العنده خرجيه صرفهه وهذا يوم العازه
ماتظل زواره هيه بلايه شك معتازه
الموكب الخلصت خدمته عنده دوم اعوازه
ابوكته كلشي الي يقدمه هوه تازه بتازه

الى الحسين
مدمع الزينب نصب
الى الحسين
احنه گلب اعلى گلب

اهلا بكل قادم النه غطه فراش عيونّه
كل فرق مابينّه احنه احسين اصبح لونّه
بخدمة الزاير فتحنه كلوبنه وبيوتنه
تفضل شمحتاج ابشر اتقبل الله صوتنه

الى الحسين
ثوره والهه نرتقب
الى الحسين
احنه گلب اعلى گلب

.

▪️قصيدة الأربعين

يابويه سكينه وهالجيتك يابويه تعنيت
لو تدري شكد اشتاكيتك اهواي اشتاكيت

ملهوفه بيا حال
والهم ماينشال

على كبرك اريد اكعد واريد انعه
على خدودي يبه مانشفت الدمعه
الروحه اوياك وبلياك يارجعه
اليشتم بيه راسك عالي ويسمعه

تذكر من زغيره بايدك تمسح ليه متون
فوك اثار ايدك سوط الهم خلوه اليسبون

خصمك صال وجال
والهم ماينشال

دموهه العبايه من كثر طكهم
چني جاريه مو بت علي عدهم
بعد عباس ياهوه يصير الهم
ابخياله بس ابو الغيره يخوفهم

ماشوف بعيني امن ادموعي كافي بويه افرااگ
اخيال الراس اركضله بلهفه احضن بي واشتاگ

يل بعدك چتال
والهم ماينشال

يبويه شاهد ازنودي شجره بيهه
ورموهن سكينه اتخبرك اعليهه
ذباحك لطمني المثلي ياذيهه
الماعدهه ابو بس دمعه تكضيهه

السيف البي كطعو نحرك بي ضربوني هواي
عطشانه الوجهك حته اروه وتسكت اه ضماي

والمدمع همال
والهم ماينشال

التراچي انته الجبتهن يالابو انجرن
ظلن بس دمه اذاني دمه يصبن
احبهن انه لكن مني انسلبن
اليضربوهه درو لو لا اهي بت من

وصراخ ونوح الطف هذا صوته يطلع الروح
والمجروحه اتاني الينغر والينغر مذبوح

صوت يهد اجبال
والهم ماينشال


اجه السجاد يحفر تربتك لنه
مع كل ذره من كبرك يجر ونه
الابو يرتاح لمن يوصله ابنه
شال الراس ابنك رايد ايدفنه

شمك شمه بنحرك دمعه نگع كل الكاع
الرد راسك اهاته تكلك بويه اليوم اوداع

محني اعليك ومال
والهم ماينشال

زينب عمتي راسك كامت اتقبله
ماخلاهه ظل وياهه بالرحله
الونين بزينب المسبيه ظل يعله
حبيبي يااخي والمثلك اتكله

امودع بالله ياضي عيني يادنيا بلياك
ماتسوه اللحظه امن اكضيهه وانه موش اوياك


ياهضم الدلال
والهم ماينشال

لسان حال العقيلة زينب عليها السلام

يهل المدينه بحالتي شلون
بتكم سبيه   لوتفزعون
(ماظن على زينب تلحگون )
★★★★★
يهل المدينه حالي موحال
طاحوا على التربان الرجال
كلهم گضوا بس ضلوا اطفال
محتاره وين امشي بالعيال
بعاشر محرم كون تدرون
(ماضن على زينب تلحگون )
★★★★★
يهل المدينه رحت للشام
حرمه وسبيه وياي الايتام
ذاك الشمل ياحيف مادام
يوم على روحي  يمر مثل عام
من كثر نوحي ودمع العيون
(ماضن على زينب تلحگون )
★★★★★
بعاشر محرم ذبحوا حسين
بلطف واهل بيته الميامين
من يوم صار الجيش صوبين
ضليت اناطر شابحه العين
مذبوح اخوي وشابح اللون
(ماضن على زينب تلحگون )
★★★★★
رماد الخيم محروگه بالنار
وين الهواشم عدهم أخبار
يشوفون بينه شماجره وصار
وين اليجينه وياخذ الثار
بعيوني مظلم اصبح الكون
(ماضن على زينب تلحگون )
★★★★★
شلون الگلوب الذابله اتهيد
عيون الشماته بنارها تزيد
ذلتنا هاي الوادم تريد
عدهم فرح بمصابنا وعيد
ياخبر عن حالي تريدون
(ماضن على زينب تلحگون )

الشاعر حسن لعيبي الحريشاوي

حسين گال بكربلاء

حسين گال بكربلاء
گال لأخته بهلنداء
استعدي للبلاء   آه يزينب
★★★★★
گال يازينب يبت خير العمل
باالله يااختي تره دوم الامل
صبري علمكتوب والبينه حصل
لكل أجل حتماً كتاب الكل أجل
نايبتنه ابكربله
اعلينه يختي امسجله
عينچ على العايله   آه يزينب
★★★★★
صبري يوم الطف إذا مسچ قهر
وگلبچ من الفاجعه المره انكسر
الله حاميكم اذا يلفي الخطر
والله حافظكم يبت خير البشر
تگضي هاي الموزمه
الصبر احسن خاتمه
يبت حماي الحمه   آه يزينب
★★★★★
صبري يابت علي ويابت  فاطمه
الله ينجيكم وحگ رب السمه
ومايمسكم شر بعد لاموزمه
عاقبتكم خير وانتي عالمه
ربچ الباري الجليل
يعوفكم لامستحيل
والخصم باچر ذليل    آه يزينب
★★★★★
صح يزينب باچر يمرچ عسر
وتمشي وياچ الحراير للأسر
وعينچ تشوف  الزمان المايسر
يكسر الريح الجبل ماينكسر
جبل انتي من الصبر
بوجه كل شده تمر
ولله تاليته  الأمر   آه يزينب
★★★★★
صح تمرچ باچر هموم السبي
وبلضعن حداي يمشي الأجنبي
صبرچ على الهظم يابنت النبي
باچر اگبالچ ذليل   الناصبي
والنصر يصبح حليف
وموقف الظالم ضعيف
وموقفچ بالغربه سيف    آه يزينب

الشاعر حسن لعيبي الحريشاوي