Аслида, ТИФ қатнашчилари барча божхона режимларида божхона юк декларацияларини Интернет тармоғи орқали реал вақт режимида тўлдириш ва божхона органларига тақдим этиш ҳуқуқига эга эканлиги қонунчиликда мустаҳкамланиб қўйилган эди. Амалда фақатгина "Экспорт" божхона режимига БЮДларни онлайн тўлдириш имкони бор, "Импорт" ва бошқа режимларда ҳозирча офлайн тўлдирилади ва божхонага юборилади...

🕊 @rastamojka_uz

Божхона ҳудудида қайта ишлаш режимидан сўнг, қайта ишланган маҳсулотни экспортга декларация қилишда "экспорт уч қадамда" дастури ёрдамида декларация юбориш имкони йўқлиги тўғрисида кўплаб мурожаатлар келиб тушяпти, асосий сабаб, БЮДнинг 40-графасига маълумот акс эттириш имкони йўқлигида.

Шунингдек, қайта ишловчи ва шартнома тузувчилар турли юридик шахслар бўлган ҳолатларда, қайта ишлаш божхона режимига рухсатнома олиш учун ариза юбориш имконияти бўлмаётган экан.

Мутасаддилардан ушбу камчиликларни бартараф этишда амалий ёрдам сўраб қоламиз.

🕊 @rastamojka_uz

Ҳукуматнинг "Об утверждении Общего технического регламента о безопасности колесных транспортных средств, выпускаемых в обращение" номли қарори (25.04.2017 йилдаги 237-сонли)нинг қисқача мазмуни (норасмий таржима):

Автотранспорт воситаларининг Ўзбекистон Республикаси ҳудудида ҳаракатланишига, агар улар техник регламентга мувофиқ бўлса, рухсат этилади.

Мувофиқлик сертификати - ягона транспрот воситасининг техник регламент талабларига мувофиқлигини тасдиқловчи ҳужжат.

Ягона транспорт воситаси - жисмоний ёки юридик шахс томонидан ўз эҳтиёжи учун бир йилда кўпи билан бир маротаба Ўзбекистон Республикаси ҳудудига олиб кирилган транспорт воситаси.

PS. Айнан шу ҳужжат, транспорт воситаларининг импортида қуйидаги тўсиқларга сабаб бўлади:

- Юридик шахслар ўз эҳтиёжи учун йил давомида бир донадан ортиқ автотранспорт воситалари олиб кира олмайди. (Бирон бир қурилиш ташкилоти, 5 та самосвал, 2 та бетонаралаштиргич олиб кирмоқчи бўлса, 7 йил давомида хар йили бир донадан транспортга мувофиқлик сертификати олади ва божхона расмийлаштирувидан ўтказади. )

- Жисмоний шахслар ўз эҳтиёжи учун бир йилда битта донадан ортиқ автотранспорт воситаларини олиб кира олмайди. Чунки мувофиқлик сертификати йилига 1 дона берилади. (Бирон жисмоний шахс ўзи учун 2 та енгил автомашина олиб кирса, бу йил 1 тасини, келаси йил иккинчи автомашинани растаможка қилади. Чунки мувофиқлик сертификатини олиш тартиби шунақа)

🕊 @rastamojka_uz

⚡️ Транспорт воситаларининг импортида экологик сертификатни олиш бекор қилинди.

Ҳукумат қарорига кўра, янги транспорт воситаларининг экологик тоифа талабларига мувофиқлигини экологик сертификатлаштириш тартиби бекор қилинди.

🕊 @rastamojka_uz

Божхона брокерлари диққатига: "Лицензия" АТдаги шахсий кабинетга тез-тез кириб туринглар, хабардор қилиш тартиби юзасидан аниқланган камчиликлар шахсий кабинетда бўлади.

🕊 @rastamojka_uz