#Mening_birinchi_kitobim
#Ijod_maktabi

Bugun biz faxr bilan ta’kidlaymiz — ijod maydonida ilk qadamini qo‘ygan, o‘z kitobiga ega bo‘lgan yoshlarimiz safi tobora kengaymoqda!

Muhtaram Prezidentimiz tashabbusi bilan tashkil etilgan ijod maktablari nafaqat bilim, balki ijod va tafakkur maskaniga aylandi. Endi esa bu maskanlarda o‘qiyotgan iqtidorli o‘quvchilarning mehnati o‘z samarasini bermoqda.

📖An’anaviy “Zomin seminari” g'olibi bo'lgan 18 nafar ijodkor o'quvchilarimizning “Mening birinchi kitobim” loyihasi doirasida ijodiy to'plamlari nashr etilmoqda.

❗️Bugunga qadar 27 nafar yosh ijodkor o‘zining dastlabki mualliflik kitobiga ega bo‘ldi!

📜Bu — yoshlarimiz uchun katta rag‘bat, kelajakdagi adib va jurnalistlar uchun esa ilhom manbai. Ularning ilk asarlari she’r, hikoya, esse va turli janrlardagi ijod namunalaridan iborat bo‘lib, barchasida samimiyat, orzu va yurtga muhabbat mujassam.

📆Joriy yil ham loyiha doirasida yangi nomlar, yangi ovozlar paydo bo‘ldi. Ular orasida adabiyot, san’at va jurnalistikaga qiziqadigan o‘quvchilar o‘z asarlari bilan tanildi.

Har bir chop etilgan kitob — yosh ijodkorning orzusi ro‘yobi, ustozlar mehnatining mevasi, ijod maktablarining yutug‘idir!

Bizni kuzating

Barchangizni bugungi kasb bayramingiz — 1-oktabr — Oʻqituvchi va murabbiylar kuni bilan samimiy tabriklayman.

Hurmatli Prezidentimiz boshchiligida yurtimizda taʼlimni rivojlantirish, pedagoglar maqomini yuksaltirish yoʻlida havasga loyiq islohotlar amalga oshirilyapti.

Yaqinda Davlatimiz rahbarining BMT minbaridan turib Yangi Oʻzbekistonda oʻqituvchilik kasbining nufuzini keskin oshirishga hal qiluvchi masala sifatida qaralayotganligini alohida taʼkidlab oʻtganliklari bizga faxr-iftixor bagʻishlaydi. Ayni paytda yanada masʼuliyat bilan ishlashga undaydi.

Muhtaram ustozlar!

Kelajak avlodimizni bilimli, vatanparvar va barkamol shaxslar boʻlib voyaga yetishida sizlarning mehnatlaringiz beqiyosdir. Oʻgʻil-qizlarga taʼlim berish, ota-onalardek gʻamxoʻrlik qilish barobarida yurtimizdagi tarixiy islohotlarda faol ishtirok etayotganingiz barchamizni quvontiradi, albatta. Xalqimiz ertasini, millat kelajagini sizlar sadoqat bilan yaratyapsiz, yuksaltiryapsiz.

Aziz pedagoglar!

Sizlarga yana bir bor oʻzimning eng ezgu tilaklarimni bildirgan holda, barchangizga sihat-salomatlik, oilaviy xotirjamlik, sharafli va masʼuliyatli kasbiy faoliyatingizda ulkan zafarlar tilayman.

Bayramingiz muborak boʻlsin, qadrli ustozlar!

Eʻzoza Karimova,
Maktabgacha va maktab taʻlimi vaziri

Sizlar jamiyatimizning ma’naviy ustunlari, har bir inson qalbiga ezgulik urug‘ini sochuvchi buyuk fidoyilarsiz. Sizlar tufayli yoshlarimiz bilimli, tarbiyali va yurtiga sadoqatli bo‘lib ulg‘aymoqda.

Sizning fidokorona mehnatingiz, har bir dars ortidagi mashaqqat va mehr, har bir o‘quvchiga bag‘ishlangan e’tibor — bu millatning kelajagini yoritayotgan nurdir.

Bugungi bayram munosabati bilan siz, aziz ustozlarimizga, chuqur hurmat va samimiy minnatdorchiligimni bildiraman.
Yurtimiz ravnaqi, yoshlar kamoli yo‘lidagi mehnatingiz hech qachon e’tibordan chetda qolmaydi.

Sizlarga sog‘lik, bardamlik, oilaviy farovonlik, mehnatingizda bardavom yutuqlar va sadoqatli shogirdlar tilayman.
Har bir kuningiz quvonchga, faxrga va shogirdlaringiz muvaffaqiyatlaridan g‘ururlanish lahzalariga boy bo‘lsin!

Siz – o‘z hayotini boshqalarga baxshida etgan eng ulug‘ insonlarsiz.
Bayramingiz muborak, aziz ustozlar!

🖋 Hurmat bilan,
Sevara Shakirova
Ixtisoslashtirilgan ta’lim muassasalari agentligi direktori

Bizni kuzating
Telegram | Facebook | Instagram | YouTube | Portal

blockquote>

Siz azizlarni 1-oktabr — O‘qituvchi va murabbiylar kuni munosabati bilan chin qalbimdan samimiy muborakbod etaman.

Bugun yurtimizda ta’lim-tarbiya tizimiga, ustoz va murabbiylarga bo‘lgan e’tibor yangi bosqichga ko‘tarilmoqda. Jamiyatimizda o‘qituvchining o‘rni va ta’siri tobora ortib, maqomi yanada mustahkamlanmoqda. Bu esa Davlatimiz rahbari boshchiligida amalga oshirilayotgan izchil islohotlarning amaliy samarasidir.

Prezidentimizning shu yilning sentabr oyida ustozlar bilan qilgan muloqotida ham siz azizlar uchun yangi imtiyozlar va yangiliklar e'lon qilindi. Bu tarixiy yangiliklar va o‘zgarishlarga esa pedagoglarimiz doimo fidoyilik va yuksak mas’uliyat bilan javob berib kelmoqda.

Aziz pedagoglar!

Sizlar — jamiyatimizning tayanchi, kelajak bunyodkorlari bo‘lgan yosh avlodni tarbiyalovchi ulug‘ zotlarsiz. Sizning mehringiz va saboqlaringiz tufayli yoshlarimiz barkamol inson, Vatanimizga sadoqatli farzand bo‘lib ulg‘aymoqda.

Sizlarga sihat-salomatlik, oilaviy xotirjamlik, ijodiy yutuqlar, sharafli va mas’uliyatli kasbingizda zafarlar tilayman.

Kasb bayramingiz muborak bo‘lsin!

Hilola Umarova,
O‘zbekiston Respublikasi Prezidenti Administratsiyasi rahbari o‘rinbosari