🇺🇿🇦🇫O‘zbekiston TIV Afg‘onistonda Alisher Navoiy haykali buzilganiga munosabat bildirdi

Ma'lum qilinishicha, Afg‘onistonning Mozori Sharif shahridagi Alisher Navoiy haykali buzilgani haqida xabar topgach, Tashqi ishlar vazirligimiz mazkur masalada rasmiy izoh olish maqsadida Afg‘oniston tomoni bilan bog‘langan.

Olingan maʼlumotlarga ko‘ra, Alisher Navoiy haykali o‘rnatilgan joy buyuk alloma xotirasiga yetarlicha munosib emasligi, shoir va mutafakkir uchun yanada ko‘rkam majmua qurilishi lozimligi bois yodgorlik mahalliy hokimiyat tomonidan olib tashlangan.

Shu bilan birga, buzish ishlari Afg‘oniston Madaniyat va axborot vazirligi hamda keng jamoatchilik bilan kelishilmagani alohida taʼkidlanib, afg‘on tarafi holat yuzasidan taassuf bildirgan.

Afg‘oniston hukumati vakillari Alisher Navoiy xotirasi munosib tarzda abadiylashtirilishini tasdiqlab, uning sharafiga alohida yodgorlik barpo etishga vaʼda bergan.

Jumladan, hududni obodonlashtirish, shoir hayoti va ijodiy merosiga oid maʼlumotlarni o‘z ichiga olgan yozuvlarni tiklash hamda yangi yodgorlik barpo etilib, u joylashgan maydonga Alisher Navoiy nomi berilishi rejalashtirilgani maʼlum qilingan.


🔵🔵🔵🔵🔵🔵🔵🔵

📱 Uy-joy masalalarida optimal yechim - @ZarReklama_bot
📋 foydalanish bo'yicha qo'llanma va narxlar