"Омбудсман мактаби" лойиҳаси доирасида ҳудудларда ўтказилаётган очиқ мулоқотларда ушбу ҳудуддан сайланган Олий Мажлис Қонунчилик палатаси депутатлари ҳам иштирок этиб, аҳоли мурожаатларини ўрганишмоқда. Бундай ҳамкорлик фуқароларнинг муаммоларини самарали ҳал этиш, уларнинг ҳуқуқ ва қонуний манфаатларини таъминлаш, давлат органлари билан аҳоли ўртасидаги мулоқотни кучайтиришга хизмат қилади.

Шундай тадбирларнинг навбатдагиси Андижон вилояти Марҳамат туманида  Олий Мажлис Қонунчилик палатаси депутати Г.Абдувоҳидова ҳамда Омбудсманнинг Андижон вилоятидаги минтақавий вакили ҳамкорлигида ўтказилди. Унда “Алитепа”, “Миришкор”, “Чилон” ва “Ўқчи” маҳаллаларида яшовчи 53 нафар фуқаро иштирок этди.

📎батафсил     🗣lotin yozuviga o'tish

🌐Cайт |🔵Telegram | 🔵Facebook |📷Instagram | 🌐X | 🎞Youtube

✅Навбатдаги тиббий кўрик Самарқанд вилоятидаги 37-сон манзил колониясида ўтказилди

Ўзбекистон Республикаси Олий Мажлиси Инсон ҳуқуқлари бўйича вакили (омбудсман)нинг Самарқанд вилоятидаги минтақавий вакили томонидан 37-сон манзил-колониясида мониторинг ташрифи амалга оширилди.

Ташриф давомида Ургут тумани Жартепа қишлоғида жойлашган шартнома объектлари, яъни маҳкумалар ишлаётган ишлаб чиқариш цехларидаги шароитлар, жумладан, уларга иш ҳақи тўланиши ва иссиқ овқат билан таъминланиши ҳолати ўрганилди.

Мониторинг доирасида маҳкум ва маҳкумалар учун чуқурлаштирилган тиббий кўрик ташкил этилди.

📎батафсил     🗣lotin yozuviga o'tish

🌐Cайт |🔵Telegram | 🔵Facebook |📷Instagram | 🌐X | 🎞Youtube

Жаҳон соғлиқни сақлаш ташкилоти маълумотларига кўра, интернет маконида ҳар ўнинчи аёл 15 ёшидан бошлаб киберзўравонликнинг маълум бир турига дуч келади. Европа гендер тенглиги институтининг тадқиқотлари шуни кўрсатадики, киберзўравонлик ҳар қандай инсонга таъсир қилиши мумкин. Аммо аёллар ва қизлар унинг асосий нишонига айланиш эҳтимоли юқори. Бундай зўравонлик уларнинг жисмоний ва руҳий саломатлигига жиддий зарар етказиб, молиявий қийинчиликларга ҳам олиб келиши мумкин.

Бугун Олий Мажлиснинг Инсон ҳуқуқлари бўйича вакили (омбудсман), Ўзбекистон Республикаси Адлия вазирлиги, БМТ Тараққиёт Дастурининг Ўзбекистондаги ваколатхонаси ҳамда Финляндиянинг Ташқи ишлар вазирлиги ҳамкорлигида “Ижтимоий тармоқларда аёллар ва болаларга нисбатан зўравонликка қарши курашиш механизмлари” мавзусида икки кунлик семинар бошланди.

📎батафсил     🗣lotin yozuviga o'tish

🌐Cайт |🔵Telegram | 🔵Facebook |📷Instagram | 🌐X | 🎞Youtube

🔎Жиззах вилоятида ҳаракатланиш эркинлиги чекланган шахслар сақланадиган 10 та ёпиқ муассасада мониторинг ташрифлари амалга оширилди

2025 йилнинг 7–8 август кунлари Олий Мажлиснинг Инсон ҳуқуқлари бўйича вакили (омбудсман) ўринбосари, Девон ходимлари ҳамда Омбудсман ҳузуридаги Қийноқларни олдини олиш бўйича Миллий превентив механизми доирасида фаолият юритувчи жамоатчилик гуруҳи аъзолари томонидан Жиззах вилоятидаги бир қатор ҳаракатланиш эркинлиги чекланган шахслар сақланадиган ёпиқ муассасаларда мониторинг ташрифлари амалга оширилди. Ушбу жараёнларда ОАВ вакиллари ҳам иштирок этишди.

✅Пахтакор ва Дўстлик туманлари ва Жиззах шаҳар ИИБ Вақтинча сақлаш ҳибсхоналари
✅30- ва 29-сонли манзил-колониялари
✅Жиззах вилоят ИИБ Маъмурий қамоққа олинган шахсларни сақлаш учун мўлжалланган Махсус қабулхона
✅Жиззах “Мурувват” ногиронлиги бўлган шахслар учун аёллар интернат уйи
✅Жиззах вилоят ИИБ Муайян яшаш жойига эга бўлмаган шахсларни реабилитация қилиш маркази
✅Жиззах вилоят руҳий асаб касалликлари диспансери
✅Республика ихтисослаштирилган наркология илмий-амалий тиббиёт марказининг Жиззах вилоят минтақавий филиали

📎батафсил     🗣lotin yozuviga o'tish

🌐Cайт |🔵Telegram | 🔵Facebook |📷Instagram | 🌐X | 🎞Youtube

🔎Омбудсманнинг Бухоро вилоятидаги минтақавий вакили томонидан бир қатор ёпиқ муассасаларда мониторинг ташрифлари ўтказилди

Олий Мажлиснинг Инсон ҳуқуқлари бўйича вакили (Омбудсман)нинг Бухоро вилоятидаги минтақавий вакили томонидан қатор ҳаракатланиш эркинлиги чекланган шахслар сақланадиган муассасаларда мониторинг ташрифи амалга оширилди. Жумладан, 20, 17- ва 1-сон Жазони ижро этиш колониялари, 4-сон Тергов ҳибсхонаси, Когон шаҳрида жойлашган маъмурий қамоққа олинган шахслар сақланадиган махсус қабулхона ҳамда Бухоро шаҳридаги “Мурувват” ногиронлиги бўлган аёллар уйидаги шароитлар ўрганилди. Ўрганишлар давомида муассасаларга ўрнатилган “Омбудсман қути”лари ҳам текширилиб, маҳкум ва маҳбуслар мурожаатлари қабул қилинди.

📎батафсил     🗣lotin yozuviga o'tish

🌐Cайт |🔵Telegram | 🔵Facebook |📷Instagram | 🌐X | 🎞Youtube

Бугун Олий Мажлиснинг Инсон ҳуқуқлари бўйича вакили (Омбудсман) томонидан Жиззах вилояти Пахтакор туманида “Омбудсман мактаби” тадбири ташкил этилди. Мазкур тадбир доирасида вилоятнинг “Буюк Ипак йўли”, “Чаманзор”, “Самарқанд”, “Пахтакор”, “Олмазор”, “Сувонобод”, “Тошкент”, “Боғишамол”, “Нурли Пангат”, “Дилором”, “Оқ булоқ”, “Ғалаба” ва “Олтинкўл” маҳаллаларида яшовчи 120 нафар фуқаро қамраб олинди.

Қайд этиш лозимки, ушбу мулоқот Омбудсман номига Пахтакор тумани ва унинг чекка маҳаллаларида яшовчи фуқаролар томонидан келиб тушган мурожаатлар таҳлили асосида ташкил этилди. Таҳлилларга кўра, мурожаатлар бандлик, меҳнат миграцияси, шахсий маълумотларни ҳимоя қилиш ва кибержиноятчилик масалаларига тааллуқли экани аниқланди. Шуни ҳисобга олиб, очиқ мулоқотда айнан ушбу йўналишлар қамраб олинди ва тегишли вазирлик ҳамда идоралардан мутасадди вакиллар жалб этилди.

📎батафсил     🗣lotin yozuviga o'tish

🌐Cайт |🔵Telegram | 🔵Facebook |📷Instagram | 🌐X | 🎞Youtube