📖“Yashil makon”: maktab hududi yangi ko‘chatlar bilan boyidi

O‘zbekiston Respublikasi Vazirlar Mahkamasining 2025-yil 5-noyabrdagi 66-son majlisi bayoniga muvofiq, joriy yilda “Yashil makon” umumxalq loyihasi doirasida hududlarda keng ko‘lamli ko‘chat ekish ishlari boshlandi. Mazkur topshiriq ijrosini ta’minlash maqsadida 8-noyabrdan boshlab barcha ta’lim muassasalarida “dolzarb bir oylik” kengaytirish va hududlarni ko‘kalamzorlashtirish ishlari belgilangan edi.

Shu munosabat bilan bugun Abu Ali ibn Sino nomidagi ixtisoslashtirilgan maktabning Termiz filiali hududida o‘quvchilar, o‘qituvchilar ishtirokida navbatdagi ko‘chat ekish tadbiri tashkil etildi. Tadbir davomida maktab hovlisi, bo‘sh maydonlar atrofida manzarali daraxtlar, butalar hamda mahalliy iqlimga mos o‘simliklar ekildi.

Ekilgan manzarali daraxtlar nafaqat maktab hududini obodonlashtiradi, balki ekologik tarbiya, tabiatga e’tibor va mas’uliyat tuyg‘usini shakllantirishda ham muhim vosita bo‘ladi.

👍Telegram   👍Facebook
👍Instagram 👍You tube
👍Twitter       👍Veb-sayt

📖Surxondaryodagi ta’lim muassasalarida Davlat bayrog‘i qabul qilingan kun keng nishonlandi

Fotosuratlarda Termiz davlat pedagogika instituti, Boysun va Sho‘rchi tumanlaridagi jarayonlar aks etgan.

👍Telegram   👍Facebook
👍Instagram 👍You tube
👍Twitter       👍Veb-sayt

📖Sariosiyodagi qator maktablarning bo‘sh turgan binolarida yangi bog‘chalar tashkil etilmoqda

Sariosiyo tumani hududidagi maktablarning bo‘sh binolaridan samarali foydalanish bo‘yicha keng qamrovli ishlar olib borilmoqda. Maqsad – qamrov darajasini oshirib, ta’lim sifatini yaxshilash.

Shu sababli viloyat Maktabgacha va maktab ta’limi boshqarmasi boshlig‘i Xusniddin Mamadiyev bugun tumanda bo‘lib, 38-, 39-, 40- va 28-son bog‘chalarga moslashtirilishi rejalashtirilgan maktab binolarini yaqindan o‘rgandi.

Binolar infratuzilma, xavfsizlik, gigiyena va boshqa barcha belgilangan me’yorlarga muvofiqligi bo‘yicha baholandi. O‘rganish natijalari ijobiy bo‘lib, ular bog‘cha faoliyati uchun to‘liq mos ekanligi aniqlandi.

Boshqarma tavsiyasiga asosan, tuman hokimligining tegishli qarori qabul qilinadi va tez kunda ushbu binolar bog‘chalar faoliyati uchun foydalanishga topshiriladi.

👍Telegram   👍Facebook
👍Instagram 👍You tube
👍Twitter       👍Veb-sayt