نیشتمانبە وەرزی زریاندا
ڕەت دەبم هەتا دێم
هەستمەوە،
شەپۆلێ بەسەرما دەڕووخێ
ئەمخاتە گێژەنی بێئامان
هەتا چاو بڕ ئەکات
شەپۆل و گێژاوە
دەست‌کورتتر لەوەم کە،
لەپاپۆڕ دانیشم
بەلەمی هیواشم شکاوە
وەرە وەک بەندەرێ
ئامێزت بکە بە لەنگەرم
تەنیایی دەستڕێژم لێ ئەکات
من زۆر لەغەریبی دەترسم
بانگم کە
با ئەوین بکەم بەسەنگەرم
شکاوە، شکاوە
بەلەمی نەجاتم شکاوە
من بۆنی هەڵۆ،
لەهەناسەی بای زریان دەبیسم
وا دیارە بۆ کۆتر دەرفەتێ نەماوە.

|جەلال مەلەکشا

گەرمای دەنگی دەیسووتاندم.
‌
| فەرەیدوون ئەرشەدی

منداڵبووم
بە دووبرا کۆلارەیەکمان.هەبوو
لەگەڵ پەتێکی،درێژ
پەتێک هێندەی نێوان دووری
منو،ئاسمان درێژبوو
کڵاوێکی.شینم لەسەردابوو
عەسرێک بوو
لە سەیران بووین
شنەبایەک،کۆلارەکەمی هەڵفڕانت
بە پەتەکەی دەستم. یاریم پێدەکرت
وەکو ئەوە وابێت
یاری، بە ژیان بکەم
بە ئاسودەی دەم هێناو دەبمرد
هیچ ڕکابەرێکم،نەبوو
کۆلارەکەم تا دەهات. بەرزتر دەبویەوە
لەپڕ،بایەکی توند هەڵیکرد
دەستێکم.بە کڵاوەکەمەوە بوو
بەیاکە بە بەهێزیەوە دەهات
وەلێ من خەمی کۆلارەکەم بوو
لەناکاو،دەستم لە پەتەکە بووەوە و
پەتی دەستم پچڕا
کۆلارەکەم،هەڵفڕی و؛
چیتر کۆلارەکەم نەبینیەوە.

| سەهەند

لە نێو قاپی دڵم بتشارەمەوە
دەتکەم ،بە کلەی کێوی توور
چاوەکانمی پێ میکیاج ئەکەم
تاکوو مەست بن ،
مەست تر لە چاوی تۆ.

| شیوا مەریوان

گەر لێرە بای،
پڕ بە دڵم لە ئامێزم دەگرتی
خواردنی دڵخوازتم درووست دەکرد و
دواتر پێکەوە چاییەکمان دەخواردەوە و بە
درێژایی شەو باسی خۆشەویستی خۆم بۆ
دەکردی و شێعرم بۆ دەخوێندی و وەک
کۆرپەیەک لە باوەشی خۆم دەملاواندی
ئای ئەگەر لێرە دەبووی..

- جوانی تۆ ،

فێنکاییت هێشتاش
لە هاوینە گەرمەکانا
وا بە گیانمەوە.

| فەرهاد پیرباڵ

ئەگەر دڵت بەردیش بایە
بە برژانگی چاوەکانم
هەر دەمکێڵا و
تۆوی ئەشق و خۆشەویستیم
تیادا دەڕوان.

| لەتیف هەڵمەت

ھەرچی کەسە
باسی ئازاری ئەوانە دەکەن
کە جێھێلراون!
بەس ئەی تۆ قەت بیرت
لە ئازاری ئەوانە کردۆتەوە
کە دەڕۆن؟

کاتێک تۆ بەدی نەیەیت
کاری من بۆ هەمیشە لەگەڵ عیشق
کۆتایی پێدێت ..

و بۆ ساتێکیش جێم مەهێڵە.

| پەشێو

گڕکانێکی پڕ بڵێسەم
زۆر دەترسم بت سووتێنێ
گڕی داگیرساوی جەستەم.

| ک.د.ئازاد