Samarqand davlat chet tillar instituti Sport klubi tomonidan talabalarning darsdan bo‘sh vaqtlarini mazmunli o'tkazish hamda ularni sportga keng jalb etish maqsadida sport to’garaklari faoliyati yo’lga qo’yilgan bo’lib, talabalar muntazam sport mashg’ulotlari bilan shug’ullanib kelishmoqda.

Samarqand davlat chet tillar instituti Axborot xizmati
✅ Telegram 🌐 Instagram ✅ Facebook 📹 You-Tube 🌐 Veb-sayt

Xalqaro hamkorlik loyihasi doirasida Indoneziyaning Jambi Muhammadiya universitetida Samarqand davlat chet tillar instituti professor-o‘qituvchilari – O. G‘aybullayev, I. Abdullayeva va N. Suleymanovalar tomonidan mahorat darslari o‘tildi.

Mazkur darslar Jambi Muhammadiya universiteti rahbariyati bilan yaqinda imzolangan hamkorlik memorandumi asosida amalga oshirildi. Ushbu darslar tajriba va metodika almashish, talabalar bilan jonli muloqot, zamonaviy ta’lim yondashuvlarini oliygohlarda joriy etish, O‘zbekiston va Indoneziya o‘rtasidagi do‘stona aloqalarni mustahkamlashda muhim qadamlardan biri bo‘lib xizmat qildi.

Samarqand davlat chet tillar instituti Axborot xizmati
✅ Telegram 🌐 Instagram ✅ Facebook 📹 You-Tube 🌐 Veb-sayt

Samarqand davlat chet tillar instituti Ilmiy ishlar va innovatsiyalar bo‘yicha prorektori O. Gʻaybullayev boshchiligidagi delegatsiya Indoneziyaning Bali shahrida bo‘lib, Jambi Muhammadiya universiteti bilan o‘zaro hamkorlik memorandumini imzoladi.

Memorandumda talabalar va professor-o‘qituvchilar almashinuvi, qo‘shma ilmiy-tadqiqot loyihalarini tashkil etish, ilmiy maqolalar chop etish, akademik aloqalarni chuqurlashtirish kabi yo‘nalishlarda hamkorlik qilish masalalari kelishib olindi.

Memorandum imzolash tadbiriga Jambi Muhammadiya universiteti rahbariyati masofadan jonli ishtirok etdi. Yaqin vaqt ichida ikki oliygoh rektorlari — Bahodir Xoliqov va Hendra Kurniavan S.Si., M.Si shaxsan uchrashib, hamkorlikni yangi bosqichlarga olib chiqish borasida kelishib olishadi.

Bu kabi xalqaro tashabbuslar o‘zaro tajriba almashinuvi va sifatli ta’lim sari muhim qadam bo‘lib xizmat qiladi.

Samarqand davlat chet tillar instituti Axborot xizmati
✅ Telegram 🌐 Instagram ✅ Facebook 📹 You-Tube 🌐 Veb-sayt

Samarqand davlat chet tillar instituti Axborot xizmati
✅ Telegram 🌐 Instagram ✅ Facebook 📹 You-Tube 🌐 Veb-sayt

Samarqand davlat chet tillar instituti Axborot xizmati
✅ Telegram 🌐 Instagram ✅ Facebook 📹 You-Tube 🌐 Veb-sayt

Sizlarni eng ezgu va ulug‘ ayyomlardan biri – O‘qituvchi va murabbiylar kuni munosabati bilan chin qalbimdan tabriklayman! Sizga mudom ta’zim qilish, sizning fidokorona mehnatingizni e’tirof etish biz uchun sharaf hisoblanadi.

O‘qituvchilik – bu oddiy kasb emas, bu – mehr, sabr, bilim, fidoyilik va qalbdagi yuksak mas’uliyat uyg‘unligidir. Sizning saboqlaringiz, murabbiyligingiz, ibratli hayotingiz tufayli bugun yurtimizda minglab yoshlar kamol topmoqda, orzu va maqsad sari dadil intilmoqda.

2024-2025 o‘quv yili institutimiz tarixida muhim sahifalar bitdi. Qo‘lga kiritilgan ulkan yutuqlar bu yilni barchamiz uchun esda qolarli qilganini faxr bilan ta’kidlash joiz.

Ushbu zafarlar — ayniqsa siz, aziz ustozlarning tinimsiz izlanishlaringiz, yuksak salohiyatingiz, kasbga bo‘lgan mehr va sadoqatingiz samarasi hisoblanadi! Sizning bir yoqadan bosh chiqarib, tashabbuskorlik va fidoyilik bilan qilgan harakatlaringiz natijasida institutimizda ta’lim sifati, ilm-fan rivoji, xalqaro hamkorlik, zamonaviy infratuzilma va jamoatchilik bilan aloqalar xalqaro mezonlar asosida jadal rivojlanmoqda. Bu esa jamoamiz uchun yangi ufqlarni ochib, professor-o‘qituvchilar hamda talaba yoshlarimiz uchun global imkoniyatlar yaratmoqda.

Aziz hamkasblar!

Ta’limga, ustoz-murabbiylarga e’tibor qaratgan jamiyat, albatta, rivojlanadi va yuksaladi. O‘zbekiston Respublikasi Prezidenti Shavkat Mirziyoyev tomonidan ta’lim tizimiga qaratilayotgan yuksak e’tibor va olib borilayotgan chuqur islohotlarning samarasini bugungi yutuqlarimiz misolida yaqqol ko‘rib, his qilmoqdamiz.

Mamlakatimiz rahbarining o‘qituvchi va murabbiylar bilan bo‘lib o‘tgan uchrashuvda ta’lim tizimini yanada yuksaltirishga oid qator dolzarb masalalar muhokama qilindi. Prezidentimiz ustoz va murabbiylarning maqomi hamda mavqeini ko‘tarishni davlat siyosati darajasiga olib chiqdilar. Bu e’tibor barchamizga kuch va shijoat, eng muhimi, yangi marralarni zabt etishimiz uchun ilhom bag‘ishlamoqda.

Qadrli ustozlar!

Sizga mustahkam sog‘liq, oilaviy baxt, ilmiy-pedagogik faoliyatingizda ulkan zafarlar tilayman. Yoshlarga bergan har bir sabog‘ingiz, ko‘rsatgan har bir to‘g‘ri yo‘lingiz kelajakda o‘z samarasini beradi. Ishonch bilan aytishimiz mumkinki, siz bugunni emas, istiqboli porloq kelajakni barpo etyapsiz.

Siz bilan faxrlanamiz! Siz bizning ilhomimiz va tayanchimizsiz!

Hurmat bilan Bahodir Xoliqov,
Samarqand davlat chet tillar instituti rektori

✅ Telegram 🌐 Instagram ✅ Facebook 📹 You-Tube 🌐 Veb-sayt

O'zbekiston Axborot agentligining rasmiy veb-saytida Samarqand davlat chet tillar institutida O‘zbekiston Respublikasi Oliy Majlis Qonunchilik Palatasi deputati Z. Rahmonova bilan bo‘lib o‘tgan uchrashuv haqidagi xabar e‘lon qilindi.


✅ Telegram 🌐 Instagram ✅ Facebook 📹 You-Tube 🌐 Veb-sayt