Prezident Shavkat Mirziyoyev raisligida videoselektor yig‘ilishi bo‘lib o‘tmoqda.

Unda Prezidentimiz kelgusi yil uchun vazifalarni belgilab berdi.

Birinchi yo‘nalish – qurilish orqali aholini ishli va daromadli qilish.

Kelgusi yilda mamlakatimizda 675 trillion so‘mlik investitsiya loyihalarini amalga oshirish rejalashtirilgan. Shundan 380 trillion so‘mi qurilish ishlariga to‘g‘ri keladi.

Kelgusi yilda 140 ming xonadonli ko‘p qavatli uy-joy qurish maqsad qilingan.

Har bir hokim bundan samarali foydalanib, qurilish sohasining o‘zidan kamida 20-25 ming, yaratilgan infratuzilma orqali 10 ming kishini bandligini ta’minlashi mumkinligi qayd etildi.

Ikkinchi yo‘nalish – servis loyihalarini ko‘paytirib, aholi bandligini ta’minlash.

Mamlakatimizda eng yuqori o‘sish sur’atini ta’minlayotgan soha xizmatlar sohasi ekani ta’kidlandi.

Lekin viloyat, tuman hokimlari xizmatlar sohasiga katta sur’at berayotgan turizmni rivojlantirish orqali ish o‘rinlarini yaratish va aholi daromadini ko‘paytirish imkoniyatlarini to‘liq ishga solmayotgani ko‘rsatib o‘tildi.

Turizm salohiyati yuqori 150 ta mahallaning infratuzilmasi yaxshilansa, xizmatlar hajmini 10 trillion so‘mga yetkazish, 45 ming nafar odamni savdo va servisda band qilish mumkin.

Shu bois, kelasi yilda 150 ta mahallaning har biriga infratuzilma uchun 3-5 milliard so‘mdan beriladi.

Viloyat, tuman hokimlari, Turizm qo‘mitasiga yil yakunigacha barcha mahallalar uchun master reja qilish, yer auksionlari va loyihalarni tadbirkorlarga e’lon qilib, qurilish ishlarini boshlash topshirildi.

Tuman banklari bu joylarda mehmon uylari barpo etish uchun 150 million so‘mgacha imtiyozli kredit ajratishni yo‘lga qo‘yadi.

Kanalimizga aʼzo bo‘ling👇
@minenergy_uz

— mehnati ortidan hurmat qozongan gazchi

Gaz ta’minoti bo‘limi avariya brigadasi chilangari Farhod Otaqulov 33 yildan buyon chilangarlik kasbini ulug‘lab kelmoqda.

– Aholiga tabiiy gazni yetkazib berish, ularga qulaylik, yaxshi sharoit yaratishga hissamiz qo‘shilayotganini o‘ylasam ishdagi qiyinchiliklar unutiladi. Kasbimdan faxrlanaman, chilangarlikni tanlaganimga hech qachon afsuslanmaganman, – deydi F. Otaqulov.

👉Batafsil

Kanalimizga aʼzo bo‘ling👇
@minenergy_uz

⚡️ ⚡️ Yoqilg‘i-energetika sohasida ilmiy hajmdor va innovatsion mahsulotlar ishlab chiqarishni kengaytirishga qaratilgan loyihalarni joriy etish bo‘yicha tizimli ishlar davom etmoqda. Xususan, 2026-yilda vazirlik tizimidagi korxonalar tomonidan jami 161 ta ilmiy-innovatsion hajmdor loyihalarni amalga oshirish rejalashtirilgan.

⚡️ Shu munosabat bilan, vazirlik tizim korxonalari tomonidan ilmiy-innovatsion ehtiyojlar ro‘yxati shakllantirilib, ular bo‘yicha Respublika oliy ta’lim muassasalari, ilmiy tekshirish institutlari hamda xususiy ilmiy tekshirish korxonalari olimlari bilan uchrashuvlar o‘tkazish grafigi ishlab chiqildi. Unga asosan, joriy yilning 17-22-noyabr kunlari “O‘zbekneftgaz” AJ ishlab chiqarish korxonalarining tegishli mutaxassislari va olimlar o‘rtasida uchrashuvlar o‘tkazilmoqda.

🗓 17-18-noyabr kunlari neft-gaz sohasi korxonalari ilmiy ehtiyojlari asosida 15 ta ilmiy ishlanmaning onlayn taqdimoti o‘tkazilib, ularni kelgusi yilda ishlab chiqarish jarayonlariga tadbiq qilish bo‘yicha dastlabki kelishuvlarga erishildi.

Onlayn uchrashuvlarda bir qator muhim ilmiy-innovatsion takliflar muhokama qilindi. Jumladan:

🔛Ishlatilgan qattiq (geterogen) katalizatorlarni regeneratsiya qilish va samarali utilizatsiya qilish usullarini ishlab chiqish,

🔛Prediktivli rejalashtirish asosida xaridlarni boshqarishni takomillashtirish kabi loyihalar taqdim etildi.

Ushbu ishlar ilm-fan va sanoat o‘rtasidagi integratsiyani kuchaytirish, yangi turdagi ilmiy hajmdor mahsulotlar ishlab chiqarishni yo‘lga qo‘yish hamda milliy sanoatni innovatsion rivojlantirishga xizmat qiladi.

Kanalimizga aʼzo bo‘ling👇
@minenergy_uz