Ba’zan qahramonlarni uzoqdan yoki olis o‘tmishdan izlaymiz. O‘z sohasida fidoyilik bilan ishlayotgan halol, maqsadlari buyuk insonlar atrofimizda ham ko‘pligini, ular bugunning haqiqiy qahramonlari ekanini unutib qo‘yamiz.

Yaqinda Yurtboshimizning o‘qituvchi va murabbiylar bilan muloqotida buxorolik ingliz tili oʻqituvchisi Billura Ikromova faoliyati alohida e’tirof etilib, unga Prezident sovg‘asi – BYD Chazor avtomobili topshirilgan edi.

Billuraning bu yutuqlari ortida hayratlanarli hikoyasi, qiziq hayot yoʻli bor. Tafsilotlarni oldindan aytib qoʻymoqchi emasman. Qolganini yaqinda o‘zingiz tomosha qilasiz.

Filmni yurtimizdagi barcha fidoyi pedagoglar, ilm olish uchun xorijga yo‘l olgan yoshlarimiz, katta orzularga ega ayol-qizlar, ularning yaqinlari ko‘rishini istar edim.

Bu “Najot” loyihasi doirasida tayyorlagan ilk hujjatli-badiiy film. Maqsadimiz: ta’lim, ilm-fan sohasidagi fidoyilarni koʻrsatish, yangi qahramonlarni kashf etish.

Loyiha davom etishi, ayniqsa chekka hududlardagi nomlarni tanitishini istaysizmi? Atrofingizdagi qaysi ustoz, o‘quvchi, olim, umuman ta’lim va ilm-fanga daxldor, uning rivojiga hissa qo‘shib kelayotgan insonlar loyihada chiqishga munosib, deb o‘ylaysiz? Fikrlaringizni film ostidagi izohlarda qoldiring. Biz uchun har bir taklif, fikr qadrli.

Filmning oflayn va onlayn taqdimoti 27-sentabr kuni boʻlib oʻtadi. Vaqt juda oz qoldi.

Filmni 2 kundan soʻng tomosha qilishingiz mumkin: https://youtu.be/w2f4UQSGsXw

@hilola_umarova

Давлатимиз раҳбари Бўстонлиқ туманидаги замонавий болалар оромгоҳи билан танишди.
—
Глава государства ознакомился с современным детским лагерем в Бостанлыкском районе.

Prezident.uz|Facebook|Instagram|YouTube|X

Таълим. Кеча ва бугун.

Prezident.uz|Facebook|Instagram|YouTube|X

Yaqinda davlatimiz rahbari ta’lim tizimini isloh qilish masalalariga oid taqdimotimizda oldimizga iqtisodiyot tarmoqlarining hozirgi va kelgusi talabidan kelib chiqib, texnika va muhandislik yo‘nalishlarini rivojlantirish vazifasini qo‘ygan edi. Shunga muvofiq, hududlarda muhandislik maktablari tashkil etilmoqda. Bugun mamlakatimiz taraqqiyoti uchun yetuk salohiyatga ega muhandis kadrlar nihoyatda zarur.

Kecha men ishtirok etgan tadbirda “Eng yaxshi g‘oya”, “Eng yaxshi loyiha” va “Eng yaxshi ixtiro” respublika ko‘rik-tanlovlari g‘olib boʻlgan yosh muhandislar tantanali taqdirlandi.

Uch bosqichda tashkil etilgan tanlovda 1262 nafar iqtidorli yosh muhandislar oʻz loyihalari bilan ishtirok etdi.

Yakuniy natijalarga ko‘ra jami 28 nafar g‘olib aniqlandi.

9 nafar birinchi o‘rin sohibi Prezident sovgʻasi – BYD Chazor elektromobillari bilan taqdirlandi.

Ikkinchi o‘rin egalariga xorijiy davlatlarda barcha xarajatlari qoplanadigan stajirovka yo‘llanmalari, uchinchi o‘rin sohiblariga esa 37,5 million so‘mlik pul mukofotlari topshirildi.

Bundan tashqari Oʻzbekiston Respublikasi Prezidentining “El-yurt umidi” stipendiyasi sovrindorlari forumida ham ishtirok etdim.

Forumda Kembrij, Oksford, Pensilvaniya, Seul, Nyu-York va Gonkong kabi universitetlarga oʻqishga kirgan yoshlarning hikoyalarini tingladik.

Ma’lumot uchun: yakuniy natijalarga koʻra, 173 nafar nomzod “Oʻzbekiston Respublikasi Prezidentining“El-yurt umidi” stipendiyasi sovrindori” deb eʼtirof etildi. Quvonarlisi, sovrindorlarning 25 foizini xotin-qizlarimiz tashkil qilmoqda.

Raqamlarga qarasak: stipendiantlarning qariyb 70 foizi — Top-100 talik universitetlarga oʻqishga kirgan. Mamlakatlar kesimida olsak: 42 foiz sovrindorlar — Buyuk Britaniya universitetlari, 26 foizi — AQSH universitetlari, 12 foizi — Xitoydagi universitetlarda ta’lim oladi. Shuningdek, yoshlarimiz Janubiy Koreya, Italiya, Kanada, Avstraliya va boshqa davlatlarda oʻqiydi.

Kechagi kun nafaqat yoshlar, shaxsan men uchun ham hayajonli boʻldi. Kun qahramonlari – gʻolib muhandislarimiz, “El-yurt umidi” stipendiantlarini yana bir bor tabriklayman. Barchangiz olgan ilmingiz, tajribangizni mamlakatimiz taraqqiyotiga sarflashingiz, dono xalqimiz va Prezidentimiz ishonchini oqlashingizni tilayman.

@hilola_umarova