Sizlarni «O‘qituvchi va murabbiylar kuni» munosabati bilan chin qalbimdan tabriklayman va eng samimiy tilaklarimni yo‘llayman!

O‘qituvchilik – bu nafaqat kasb, balki o‘quvchilarini o‘z farzandidek ardoqlab, ular uchun ko‘z nuri, qalb qo‘ri, butun borlig‘ini baxsh etadigan fidoyilar missiyasi ham. Bizning ustozlarimiz esa bu ma’noda ikki karra o‘qituvchilardir. Chunki bizning oliy ta’lim muassasamizda kelajak pedagoglarining kasbiy shakllanishi amalga oshadi.

O‘qituvchining vazifasi — faqat o‘zi etuk mutaxassis bo‘lish emas, balki bu bilim va mahoratni o‘z talabalariga ham samarali yetkaza olishdir.

Hurmatli hamkasblar, sizning bilimingiz, donoligingiz va tajribangiz o‘z sohasining haqiqiy professionallarini tarbiyalashga xizmat qilmoqda. Mashaqqatli va fidokorona mehnatingiz uchun samimiy minnatdorlik bildiraman hamda sizlarga salomatlik, muvaffaqiyat, dars jarayonlarida ilm olish ishtiyoqida ko‘zlari yonib turadigan talabalar nigohi, tinimsiz ilhom va tugalmas energiya tilayman!

Shu o‘rinda, aziz talabalarimizga ham alohida murojaat qilmoqchiman.

O‘qituvchi, tarbiyachi, ustoz bo‘lish hammaning ham qo‘lidan kelmaydi. Oldingizda murakkab, biroq ishonch bilan ayta olamanki, juda qiziqarli va mazmunli faoliyat turibdi. Siz bilim, ko‘nikma va malaka bo‘yicha ulkan tajriba to‘plab, haqiqiy ustozga aylanishingiz kerak bo‘ladi.

Sizlarga bu yo‘lda chuqur bilim, barqaror salomatlik, yangi kashfiyotlar, doimiy ravishda o‘z ustida ishlash va qo‘yilgan maqsadlarga erishishda omad hamroh bo‘lishini tilayman!

Hurmat bilan
G‘.I.Muxamedov

Telegram | Instagram | Facebook

#etirof
“O'qituvchi va murabbiylar kuni”ga bag'ishlangan tantanali tadbirda "Ta’lim tashabbuskori" nominatsiya bilan quyidagi professor-o‘qituvchilar taqdirlanadilar:

Ataxanov Xamidillo Kozimjanovich — Sport o‘yinlari va uni o‘qitish metodikasi kafedrasi katta o‘qituvchisi;
Azamatova Dildora Shuxrat qizi — Maktabgacha va boshlang‘ich ta’lim nazariyasi va amaliyoti kafedrasi katta o‘qituvchisi;
Djumabayev Gulomjon Xalillayevich — Algebra va matematik analiz kafedrasi mudiri;
Komilov Kamariddin O‘rinovich — Kimyo kafedrasi dottsenti;
Ko‘kiev Boburmirzo Baxodir o‘g‘li — Muhandislik va kompyuter grafikasi kafedrasi mudiri;
Maxmudova Charos Ikromovna — Geografiya kafedrasi o‘qituvchisi;
Qandov Baxodir Mirzaevich — Milliy g‘oya kafedrasi dotsenti;
Rasulov Akbarjon Namozovich — Menejment kafedrasi mudiri;
Umarova Dilafruz Razzakberdievna — Ingliz tili nazariyasi va amaliyoti o‘qituvchi;
Umarova Zuxra Abduraxmonovna — Maktabgacha va boshlang‘ich ta’lim metodikasi katta o‘qituvchisi.

Uchbu ehtirom ustozlarimizga muborak bo‘lsin!

👇Universitet Axborot xizmati