Kardioni rivojlantirishda eng ko'p uchraydigan xato bu tez yugurish. Odam hansiramasa o'zini yugurmagandek his qiladi. Sekin yugursa zerikarli bo'ladi. Qolganlardan sekin yuguryatganidan uyaladi. Stravada pace past ekanligini ko'rib uyat his qiladi. Shunga tez yugurishim kerak deb o'ylaydi.

"Tez yugurish" tezlikka qaralmaydi, yurak urish zonalariga qaraydi.

Kardioni rivojlantirishdagi eng muhim kalit bu "yashil zonada" yugurish.

Agar inson ohirgi 6 oy davomida muntazam va tartib bilan uzoq muddatli kardio mashqlarini qilmagan bo'lsa, barcha fokusni yashil zonaga qaratishi lozim. Kerak bo'lsa yashil zonani ham zona 1 qismiga qaratishi lozim.

Eng katta foyda mana shunda. 20-30 yillik tajribaga ega bo'lgan pro atletlar ham jami mashg’ulotlar 80-90% qismini ana shu yashil zonada o'tkazishadi.

Boshlanishiga bu zona o'ta sekin bo'ladi. Vaqt o'tishi bilan yurak urishi ortmagan holda tezlik ortib boradi. Mana shuni kardio rivojlanishi deyiladi.

Fokusni yashil zonaga qaratish juda muhim!

Agar bir oz yugurganda odam sariq zonaga o'tib qolsa demak, sekinlashish zarur.

Yurak urish zonalarini aniqlash bir qancha usullari bor. Misol uchun qondagi laktatni o'lchash orqali, organizm kislorod o'zlashtirish qobiliyatini o'lchash orqali (VO2max), maksimal yurak urishni o'lchash orqali va hok.

Ammo bu usullar uchun ko'pchilikda imkoniyat yo'q.

Uzb sharoitida ishonchli o’lchash imkoniyatlari juda cheklangan ekan (qilib ko’rdim!)

Shuning uchun soddalashtirilgan "tanadagi hissiyotga asoslangan" usul qo'llaniladi. Bu usul isbotini topgan va juda ko'p pro atletlar ham shu usuldan foydalanishadi.

Rasmda har bir zonani hissiyotga qarab o’lchash haqida yaxshi info berilgan.

Bek Olimjon
11.08.25
Norvegiya

Bugungi post men 20 yildan beri tanigan do’stim haqida.

U 61 yoshda. Mana bu rasmdagi qora futbolkada. (Orqadagi Maks haqida post yozgan edim)

Ismi Jørg, nemis, kasb-hunar kollejida o’qituvchi. U bilan 2005 yili Andijonda tanishganman. U bizdagi kasb-hunar kollejlarida mexatronika fani bo’yicha o’rgatgani borgan edi. Men tarjimonlik qilgan edim. Shundan beri aloqadamiz. Men Berlinga borganda uni albatta ziyorat qilaman 😊

Jørg 18 yoshimda «yaxshi» soqqa qilishimga katta hissa qo’shgan odam. Shu odam tavsiyasi bilan meni Shvetsariya elchixonasi loyihalaridan biriga ishga olishgan edi.

Keyin nega meni tavsiya qilgansan deb so’raganimda «sen dunyo haqida yanada ko’proq bilishga juda qiziqar eding» (you had great curiosity to learn about the world).

Jørgdan hozirgacha o’rgangan narsalarim juda ko’p.
U juda oddiy yashaydi. Ishga velikda borib keladi. Sport jihatdan juda faol. Boylik to’plashga aslo qiziqmaydi. Har doim shunday bo’lganman deydi. 80-yilgi eski VW mashinasi bor, o’zi tuzatadi. Deyarli hamma narsani o’zi tuzatadi, veligidan tortib tomidagi quyosh paneligacha. O’ta hotirjam inson.

Uni hayotidagi bir voqea meni aqlim qamrab olishi qiyin bo’lgan bir fenomenni qayta-qayta to’g’ri ekanligini isbotlaydi.

«Boylik orttirish borasida sen hayotda bir marta to’g’ri investitsiya qilsang bo’ldi, muhimi uni yo’qotmaslik» (you have to be right once, more important not to lose it).

2003 yili Berlinda 200 ming yevroga uy oladi bir eski aeroport yaqinidan. Aeroport faoliyati to’xtagan, shaharning qimmat joylarida biri bo’lgan hozir. Yaqinda qo’shnisi huddi shunday ammo remonti ancha pachoq uyni 1,4 million yevroga sotganini aytdi.

Ikkita qizi bor, o’qishni tugatgan, media sohasida ishlaydi, biri Shvetsariyada, yana biri Fransiyada.

Jørg 2 yildan keyin nafaqaga chiqadi.

2 hafta oldin birga Norvegiyada tog’ga sayohatga chiqdik.

Atrofdagi bir nechta 25-30 yoshlilardan ko’ra jismoniy holati ancha yaxshi. Men bilan hech qanday muammosiz tez-tez yurib chiqib tushdi. Ertasi kuni na oyog’i, na beli og’riganini aytdi. O’z vaqtida salomatligiga juda yaxshi investitsiya qilgan odam.


Bek Olimjon
12.08.25
Norvegiya

Men nega Ingliz tilisiz zamonaviy tibbiyotni o’rganib bo’lmaydi deyishimga yana bir asos.

Mana bu postni kechadan beri menga kamida 5 ta odam yuborib, rostdan ham shundaymi deb so’rashmoqda.

Bu post bir dori haqida. Postda yozilishicha Amerikada ko’rlikni davolaydigan yangi dori topilgan. Buni huddi bir katta inqilobdek vahima bilan yozishgan.

Aslida esa haqiqat qanday?

Postda aytilayotgan dori topilganiga kamida 40 yil bo’lgan va amaliyotda ishlatiladi.

Shunchaki dozasini kamaytirib, qog’ozga o’rab sal maqsadni burib, boshqa nom berib, sotishga ruhsat olishgan. Bu yangilik emas. Buni asl manbani o’qigan odam tushunadi.

Manba esa Ingliz tilida.

Eng achinarlisi, bu o’zbek tilidagi post Uzbda tibbiyot sohasida ilmiy ish qilayotgan doktorantlar kanalida tarqatilgan 😞 30k+ obunachisi bor.

Ilmiy tadqiqotdan asl maqsad tanqidiy ilmiy yondashuvni o’rganish. Bu yerda esa… 😞


Bek Olimjon
10.08.25
Norvegiya

Qizim so’raydi:

- Dada, agar ko’z duxtir bo’lmaganizda kim bo’lishni xohlar edingiz?

Men javob beraman:
- Katta ehtimol bilan velosiped ustasi, qizim.

Sal hayron qolgandek bo’ladi.

Tushunaman, tabiiy reaksiya.

Ammo negadir shu velosipedga bolalikdan juda qiziqaman. Nega bilmayman.

Men ich-ichimdan maza qilaman shu bilan ishlasam, velosiped haqida o’qisam, videolar ko’rsam, o’rgansam.

Xillari, turli avlod komponentlari, funksiyasi, natijalar, xullas barchasi kayf.

O’zim qursam vashe maza qivoraman.

Nazarimda velosiped bu inson ixtirolari ro’yhatida top 10 talikka kiradigandek.

Mana bu videoni ko’rib maza qivorganimdan yozdim buni

https://youtube.com/shorts/S2WluEaj1ts?si=fwtNOP3OaHNmfXXB

Barchaga xayrli kun tilab

Bek Olimjon
25.07.25
Norge


PS. Velik ustasi bo’lgandayam eng professionali bo’lishga, Pogacar, Blummenfelt kabilar veligini qurish bilan ishlashga harakat qilar edim.