Онажонимга

Феруза Салходжаева шеъри

Yasinem Khayrullayvna ижросида

https://t.me/ijod_sehri21

Иштирокчилар, шахсий саҳифангизга қаранг, илтимос, кимнидир унутган бўлсак, изоҳларда эслатинг, омонатни етказайлик.

@Salxodjayeva_bot га ёзсангиз ҳам бўлади

Танловга якун ясалди. Қабул тугади. Яқин соатларда ғолибларни эълон қиламиз. Ҳаммага раҳмат

Диққат, танлов!

Феруза Салходжаеванинг ушбу шеърини мусиқий фонлар билан ифодали ўқиб, видео ёки аудио ҳолида тақдим этган канал аъзоларидан тўрт киши ҳомийларимиз томонидан ёпиқ каналга аъзо бўладилар. Ижодий ишлар соат 15:00 га қадар изоҳларда қабул қилинади.

Эслатиб ўтамиз, ғолиб фақат тўрт киши бўлади ва уларнинг ижроси "Ижод сеҳри" каналида эълон қилинади.
Ҳаммага омад. Вақт кетди.

Бизга шу мусобақани ўтказиш таклифини берган саховатли, меҳрибон дугонамиздан Аллоҳ рози бўлсин

Онажонимга

Тандири қуёшдан илгари турган,
Нон ёпган меҳрдан хамирлар қориб,
Бир устадек лой тепиб ўчоқлар қурган
Термулган отамнинг қошига бориб.

Ҳар битта кўчатда қўлларин изи
Ҳар битта гиёҳга меҳр беролган.
Ўз боласи қолиб, қўшнининг қизин
Халтасига билдирмай насиба солган.

Фарзанд камолида оромдан  кечган,
Баъзан сув, баъзида оловлар кечган
Тунда товонига қўйган малҳамин
Ёрилган ёриғи битмайин ечган.

Сўнг чопган меҳнатнинг конига қараб
Тунда бешик, кундуз қозон қучоқлаб,
Ювган кирларининг залворларини
Кўрганман эгилган дорларга қараб.

Бугунги камолим, шону шавкатим
Соғлигим, бойлигим, бор йўқ давлатим
Онам меҳнатининг хосиласидир
Аслида шу онам —бахт мамлакатим

Қўнғироғим пойлаб, йўлимда кўзи
Хокисорим ўзи, камтарим ўзи
Аллақачон номига ҳайкал қўйгану
Энди боласига ўтмайди сўзи

Жон онам, ягона харидоримсиз,
Сиздан бошқасининг куйгани ёлғон.
Отамдан омонат, йўғу боримсиз,
Бахтимга кўп яшанг энди, онажон.

Феруза Салходжаева.

https://t.me/ijod_sehri2