📌📌📌📌📌📌

Yangi Toshkentda O‘zbekiston Respublikasi Prezidenti Shavkat Mirziyoyevning tadbirkorlar bilan ochiq muloqoti bo‘lib o‘tdi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

FARG‘ONA SHAHRIDA YANGI ELEKTR UZATISH KABEL TARMOG‘I TORTILMOQDA

Farg‘ona shahrida aholiga va tadbirkorlik subyektlariga barqaror hamda sifatli elektr energiyasi yetkazib berish maqsadida keng ko‘lamli modernizatsiya ishlari amalga oshirilmoqda.

Xususan, Farg‘ona shahar “Al Farg‘oniy” mahallasi hududida joylashgan “Sakkokiy” podstansiyasidan Farg‘ona shahar elektr ta’minoti korxonasi mutaxassislari tomonidan umumiy uzunligi 2500 metr bo‘lgan yangi elektr kabel uzatish tarmog‘i tortilmoqda.

“Farg‘ona hududiy elektr tarmoqlari korxonasi” AJ tomonidan belgilangan rejaga muvofiq amalga oshirilayotgan ushbu loyiha natijasida Farg‘ona shahridagi “Al Farg‘oniy”, “Simtepa” va “Bahor” mahalla fuqarola yig’ini hududidagi 3 mingdan ortiq aholi hamda 200 dan ortiq tadbirkorlik subyektlarining elektr energiyasi ta’minoti sezilarli darajada yaxshilanadi.

Ushbu loyiha nafaqat aholining turmush sifatini oshirish, balki tadbirkorlik faoliyatini yanada samarali tashkil etishga ham keng imkoniyatlar yaratadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Bugun Prezident Shavkat Mirziyoyev tadbirkorlar bilan ochiq muloqot oʻtkazadi va ularning bir guruhiga davlat mukofotlarini topshiradi.

Prezidentning tadbirkorlar bilan ochiq muloqot shaklidagi ilk uchrashuvi 2021-yil 20-avgustida oʻtkazilgan edi. Oʻsha uchrashuvda davlatimiz rahbari bunday tadbirni har yili oʻtkazish va 20-avgustni Tadbirkorlar kuni deb eʼlon qilishni taklif qilgandi.

Shundan buyon uchrashuvlar anʼanaviy ravishda oʻtkazib kelinayotgani, ularda tadbirkorlarni oʻylantirayotgan masalalar muhokama qilinayotgani va ular bilan maslahatlashgan holda qarorlar qabul qilinayotgani Prezidentimizning tadbirkorlik sohasiga qaratayotgan alohida eʼtiborning yorqin ifodasi boʻlib kelmoqda.

Shu kungacha ochiq muloqotlarda tadbirkorlar tomonidan bildirilgan 1 mingga yaqin taklif va tashabbuslar qonun va qarorlarda oʻz aksini topdi. Bugungi ochiq muloqotga tayyorgarlik davomida 26 ta sohaning 7 mingga yaqin vakillari bilan uchrashuvlar oʻtkazildi. “Koll-markaz” orqali 13 mingdan ziyod murojaat va tashabbuslar kelib tushdi.

Bugungi uchrashuvda davlatimiz rahbari ushbu murojaatlarni oʻrganish asosida ishlab chiqilgan hamda tadbirkorlik faoliyatiga yanada koʻp qulaylik yaratishga qaratilgan yangi yechimlarni ilgari surishi kutilmoqda.

Davlatimiz rahbari Yangi Toshkentda olib borilayotgan bunyodkorlik ishlari bilan ham tanishadi.


📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“CHIG‘ATOY”DA ISHONCHLI ELEKTR TA’MINOTI SARI

Kuz–qish mavsumida aholiga barqaror elektr energiyasi yetkazib berish maqsadida “Hududiy elektr tarmoqlari” AJ Xorazm hududiy filiali tomonidan keng ko‘lamli tayyorgarlik ishlari davom ettirilmoqda.

Xususan, viloyatning Shovot tumani “Chig‘atoy” mahallasida joylashgan transformator punktidan chiqadigan 0,4 kVli havo tarmoqlarining eski yog‘och ustunlari yangilanmoqda.

Filiali tomonidan amalga oshirilayotgan har bir chora-tadbir iste’molchilarning farovon hayoti uchun xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

POYTAXTDA KUZ-QISH MAVSUMIGA TAYYORGARLIK KO‘RISH ISHLARI OLIB BORILMOQDA

Iste’molchilarga sifatli elektr energiyasini yetkazib berish, avariya holatlarini oldini olish hamda kuz-qish mavsumiga tayyorgarlik ko‘rish maqsadida “Toshkent shahar elektr tarmoqlari” MCHJ tomonidan hududlardagi transformator punktlari mukammal ta’mirlanmoqda.

Xususan, Uchtepa tuman elektr ta’minoti korxonasi mutaxassislari tomonidan “Ko‘rkamobod” MFY hududida joylashgan transformator punktida mukammal ta’mirlash ishlarini amalga oshirdi.

Mazkur amaliy ishlar hudud aholisini uzluksiz va barqaror elektr energiyasi bilan ta’minlash, mavjud infratuzilmani yangilash va tarmoqlar ishonchliligini oshirishga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz