الرسول الاعظم ص

خلي نقره بصوت عالي ومانخاف
ياهو لد المنغمي بسم الزعاف
وبتفاسير الكتاب نكتشف هالانقلاب
ياهو لد المنغمي بسم الزعاف
* *
خل ندور بالكتاب وبالتفاسير الدقيقه
مامحمد الا طود تكرها الناس السحيقه
افان مات الرسول وضلت اصحابه طريقه
وباحد ماضل معاه الا ابن عمه وصديقه
هذا اول انقلاب بحزب الاضداد وفريقه
واليصديه الزمان مايرد يلمع بريقه
تفضح افعاله الضروف سر الگلوب العميقه
تنصفه اقواس البحوث والهدف كبد الحقيقه
وماتزال گلوبها تلوح التراق
وبالهروب يبين الذل والنفاق
ومو اهل حرب وحراب نكتشف هالانقلاب
ياهو لد المنغمي بسم الزعاف
* *
وبالتفاسير شتگول بل قُتل هذا الرسول
والحقايق تستبان وتنصف الحق العقول
واوليات النفاق ايه واسباب النزول
بسورة التوبه اقتدام للصحابه المو عدول
يحلفون ومو صحيح وهمه اهل هاي الفعول
من تبوك الانقلاب والرواحل والخذول
عقبه والحادث يصير باحتمالات الحصول
ولو هوى بوادي الجبال قدّر الباري نگول
هاي حرفنة الدسائس من تحاك
تنتهي بيهجر وآتون الصكاك
يم رسول الله الخطاب نكتشف هالانقلاب
ياهو لد المنغمي بسم الزعاف
* *
نقره بايات الكتاب مايضل ولا غوى
قسم باعجاز الرسول مانطق عن الهوى
واللي يصدر من شفاه من ندى الباري ارتوى
قاب قوسين ودناه بالافق ضل واستوى
ماكذب ذاك الفؤاد والحقائق ما روى
ما عجز عن الكلام العلمه لسان القوى
عاجز البالدنيا هام واللي عالدنيا هوى
اليغلب عليه الضلام ينكر وجود الضوه
هاي كلمه وللنبي جانت جزاء
وانتهت بالفاجعه بطف كربلاء
وباضطراره لهالجواب نكتشف هالانقلاب
ياهو لد المنغمي بسم الزعاف
* *
كلمه وتبين اضطراب بين مضطر ودهاء
واليخالف للكتاب يبتلي بشر الجزاء
ما اتاكم فخذوه حتى كون بجسمه داء
والوجع ما عم عليه ولا ابه بهذا العناء
او نهاكم فانتهوه ويعلم بسر الدواء
مو كراهية العلاج ولا تنفذون القضاء
واللي بالغرفه اكيد متهم كلهم سواء
لا ضنون ولا شكوك تشهد املاك السماء
ان كل ضنون ابو القاسم يقين
بين جف الشارك وشافتها عين
واحنا من هالاضطراب نكتشف هالانقلاب
ياهو لد المنغمي بسم الزعاف
* *
ومن بعد موت الرسول وانقلابات المدينه
عافو وصية الغدير وتبعو اهواء الضغينه
استيقنو لكن جحود بالمواثيق الرصينه
استعجلو بالاختيار فلتة السلطه اللعينه
وجسم ابو الزهره طريح وكل بني هاشم حزينه
وحيدر يواري الرسول بدمعته وهمه و ونينه
وصلت عليه الالوف بامر ابن عمه وامينه
والعجيبه اللي يكول مات بين ايده و وتينه
الكال مات بين جفيني الرسول
مادره بدفن النبي يرجع يكول
واحنا من هذا العجاب نكتشف هالانقلاب
ياهو لد المنغمي بسم الزعاف
* *

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

فاطمة بنت اسد (ع)

وفيتي سيد البرايا قدمتي افضل رعايه
ياأول الفواطم قديسة الهواشم
* *
انتي من قبل الخليقه دره باصلاب الاطايب
وانتقاج بهالسلاله للكفاله وللمصاعب
لهالحمل صرتي العماد وهالصبر عز المطالب
وعلى دين الله وخليله ما مضت بيج الشوائب
انتي من قبل الرساله وجهج اندار لجلاله
ومبينه المعالم قديسة الهواشم
* *
واصطفاج الله لرسوله للرعايه وللكفاله
عائلة توحيد بيها سر الاخلاص وكماله
بيها ابو طالب حنيف وعن الاوثان يتعاله
تربه للأسلام خصبه تستحق حمل الرساله
وانتي كفو لهالمهمه وصرتي باعجازه ملمه
گلبج بسره عالم قديسة الهواشم
* *
صرتي باسراره ملمه وشفتي بافعاله المعاجز
وشفتي جذع البان حمله بعد ماشفتيه عاجز
واثمر لچف الرسول وصار بالاعجاز جاهز
وصرتي مكشوفة بصيره ومابقه على العين حاجز
ومن بعد بعثة رسوله اسلمتي بالثله الاوله
ومديتي بالقماقم قديسة الهواشم
* *
وبعد ما اعلن دعوته صرتو لدينه حمايه
بين الاعلنها ويناجز بين الاخفاها بدرايه
وانتي فوگاهم غمامه ودافع لحب المنايه
عائله بمفهوم دوله قائد ودعم ودعايه
ومن بعد حزنج بقيتي حسبة اشهر وانتهيتي
حزن الوفيه دايم قديسة الهواشم
* *
غبتي يا ام الرسول الثانيه واعلن بكائه
وبالحزن حف الجنازه بانكساره وانحنائه
وسع اللحد بحضوره والچفن لفه بردائه
وصلّت عليج الملائك حزنت الارض وسمائه
بالدمع سواه خضابه يوم الوداع ومصابه
يالختمت المكارم قديسة الهواشم
* *
انتي يالخصچ الهچ بالتقارير الجليه
بالخبر هيء جنانه من نزل وحيه لنبيه
وبالخبر صلت ملائك عالجنازه الهاشميه
انتي اول من گبرها ضم جسد خير البريه
وضل يعدد ذكرياتج وانتهت قصة حياتج
يادرة الأكارم قديسة الهواشم
* *
خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

السيده فاطمه بنت اسد ع

اليوم المصطفى ضاگ اليتم مرتين
رد لفاطمه احسان بدموع العين
* *
اليوم المصطفى دمعاته سچابه
وابتلت لحيته من البچي خضابه
وعلى الكفلته نيرانه لهابه
ولهذا يصير مصابها مصابين
* *
يحجي وي الولي ويگله اخذ مني
وصتني بردائك لو تكفني
باجر بالحشر عن كلشي يحمني
واخذ عمامتي يكفلنها ذني ثنين
* *
جانت ام الي لا تضن بس امك
يالاحزن لحزنك واهتم لهمك
سهمي من الهظم هاليوم كد سهمك
هداني الحزن وياك يابو حسين
* *
هداني الحزن ع الدافعت عني
غمض جفن ضل للدوم يحرسني
عرتكم وانا ضلت تلبسني
تجوعكم وانا تقدملي ماي العين
* *
امي موحده من جانت زغيره
عبدت رب علي وما وحدت غيره
لهذا التسعه وثلاثين تكبيره
وتممت اربعين لنزلو امصلين
* *
وصفوف الملايك صلت عليها
واخبار الوحي بالجنه اجت ليها
امي من الولاده منعجب بيها
من انفك الركن لصيار ابو الحسنين
* *
اخبرنك علي للگبر من طبيت
وتراب التغمدها بدمع وصيت
ماي عيوني مو ماي الورد صبيت
امي وام علي عليها الحزن حزنين
* *

خادم الحسين ع
علي العزامي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313