Bugun Jizzax viloyati, Zomin tog’larida hayking qildik. Zomin tog’larining o’ziga yarasha mashaqqati bor ekan. Archazor oralab 5 km yuqorilagan bo’lsak, balandlik 900 metrni tashkil qildi. 1975 metr dengiz sathidan salkam 2900 metr balandlikkacha ko’tarildik. Anchadan beri kam masofada bu darajada yuqorilamagan edim. Lekin tog’larning yuqori qismida archalarning shu darajada muattar hidi taraladiki, qiyinchik va mashaqqatni unutadi inson.

Zominga yo’lingiz tushsa, sihatgohning yuqori qismidan boshlangan toqqa chiqishni tavsiya berib qolaman. Sizni yo’l bo’yi archalarning soyalari o’rab keladi.

Ushbu safarda hamrohlik qilgan qadrdonlarga go’zal suhbatlar uchun minnatdorchilik bildiraman.

Ko’tarilish: 900 metr
Balandlik: 2900 metr
Jami masofa: 10 km

26.09.2025 Zomin

Kecha va bugun Ispayda bo’ldik. Ispayga ko’p bora hayking qilgan bo’lsam-da, ilk bor kemping qilib, o’sha yerda tunab qoldik.

Kuzning yoqimli salqini, do’stlar bilan qaynoq suhbatlar safar charchog’ini sezdirmadi.

Unutilmas safar uchun yo’lboshchimiz Davronbek Tojialiyev, hamsafarlar Anvar Nazrulloh, Mahmud Usmon, Shavkat Hasan, Muhammad Temur A’zam va Baxtiyor Hidoyatov akalarga chuqur minnatdorchilik bildiraman.