Bugun Samarqand marafonda 42 km masofa ya’ni to’liq marafon masofani 5 soat-u 50 daqiqada bosib o’tdim. Marafon juda qiziq voqealar bilan esda qolarli bo’ldi, ko’p yo’llar yopiqligi sababli start chizig’idan 3 km narida qolib ketdik, har qaysi ko’chaga kirsakda yo’llar yopiq-daaa, startga esa daqiqalar qolgan, hammadan yordam so’radik, navbatchi tez yordam mashinani to’xtatib start chizig’igacha keldik, (rostini aytaman, agar tez tibbiy yordam mashinasi to’xtamasa oldiga chiqib to’xtatish hayolga ham kelgandi, shu o’rinda bizni olib kelgan tibbiy yordam jamoasiga tashakkur aytaman, tibbiy yordam mashinasiga ilk bor chiqib ko’rdim) xullas, startni 9 daqiqa kech boshladim, har bir lahza eng qimmat resursga aylandi men uchun )
Yana bir qiziq voqea bo’ldi-ki, buni sizlar bilan bo’lishmasam bo’lmaydi. Startni kechroq boshlaganim uchun, hayajon ilk daqiqalardan yuqori bo’ldi bu esa yurakni eng boshidan ko’tarilib ketishga (3- va 4-zona) sabab bo’ldi. 5 km yugurib bo’lib o’zimni ancha tiklab oldim. Yugurishni odatga aylantirganim uchun avvalgi 20 km juda oson bo’ldi, lekin 22-kmga kelganda birdan oyoqlarim to’xtab qoldi, yuraman desam butun oyoq qismimda tomir qattiq tortishmoqchi, bilamanki, agar to’xtasam kamida 5 daqiqa yo’qotaman, bu esa men uchun juda ko’p, oyoqlarim to’xtab qolarkan, hech narsa o’zimga bog’liq emasligini yana bir bor lahzaning bir qismida his qildim. Robbimga yosh bolalarcha ko’zlarim mo’ltillab yalindim, “Allohim bandangman, kuch ber, oyoqlarimga shijoat ber, Sendan o’zga yuzlanadiganim, so’raydiganim yo’q, agar oyoqlarimda tomir tortishsa qolib ketaman, marhamat qil…” Shu so’zlarni ichimdan o’tkazar ekanman, yana oyoqlarimga jon kirdi, O’zining marhamatisiz holim xarobligini lahza ichida his qildim. His qildimki, yoshlik, sog’lik, shifoat bizga ne’mat qilib berilgan va ular bizdan bir kun albatta olinadi…
35 km masofadan keyin boshimda qizishni his qildim, tabiiy ravishda sekinladim, oxirgi 7 km har daqiqani yugurish tezligini hisoblashga bag’ishladim, yuguraman deyman, tana ko’tara olmaydi, to’xtay desam vaqt juda kam, shunday qilib finish chizig’iga 5 soat-u, 59 daqiqa, 20 soniyada kirib keldim. O’ziga hamd bo’lsin.
09.11.2025
Samarqand-Toshkent. Afrosiyob
0
Показать ещё
