‏« يطل الفجر وتعم السكينه والهوى ذعذاع
‏عسى نسمة هواه تطفّي الجمره من ضلوعي

‏لقيت بعينك النجلا حياةٍ برقها لمّاع
‏وانا اللي قبل اعرفك ما اعرف شهري من اسبوعي

‏تكلم في حروفك ما يداوي قلبي الملتاع
‏انا لولا حديثك ياحبيبي ما هدى روعي »

‏— مقباس

‏« عسى الدنيا تشمّر لي سواعدها بليّا حدود
‏ و عسى كل فرحة يا قلبي تناديها تلبّي لك »

‏« خريفك طيّح أوراق الغصون وذّرها النسناس
‏و أنا فصلٍ تعدتّه الفصول — وماهو براضي

‏تجيني يزدحم بك كل دربٍ فاضي من الناس
‏تغيب وكل دربٍ مزدحم — في غيبتك فاضي

‏أنا لولا توهّج ضحكتك بين الرجى والياس
‏تناساني الربيع ومتّ بين — البرد واللّاظي »

يا مذهب العقل بالرقة وعذب اللسان
تقدر على شي .. ما يقدر عليه الخمر

صدقني إن سحرك الدافع لسحر البيان
ما للخدود الحمر غير الورود الحمر
- عبدالله السراهيد

‏و أقتنعت إنك قدر ما تردعه قوّ الإرادة
‏لو تواجهني بحدّ السيف ماني بـ متوقيّ

‏من باب ما جاء في التمييز والإستثناء
‏يقول صالح النشيرا :

‏والله إني من بنات آدم و حوّا شبه سامح
‏كل ممشوقة قوام أشوفها ماهيب زينه

‏الوجيه الكاشفه واجد ولا فيها ملامح
‏الملامح كلها في وجهش اللي تسترينه

أنا ألعب على الواضح وأغنّي على المكشوف
ويعرفني المبدع ويجهلني العادي

اذا صارت الكلمة ما تعنيك يا ملقوف
لا ترفع علينا الصوت وتصيح وتنادي

أشوف الفوارق واضحة وأنت ويش تشوف؟
ترى المشكلة في عقلك الضايع الغادي

ما يذبحك غير الصاحب اللي ذبحه الخوف
تعدّي به المشراف ويطيح فالوادي

« هلايا أعز وأغلى كل من ودّا الزمان وجاب
هاابك في خفوقٍ فرّعُ العملان من شانك »