Ухлашдан олдин ҳимоя берадиган амаллар рўйхати:

1. Таҳорат олиш.

2. «Бақара» сурасининг 1–5 оятларини ўқиш.

3. Оятул Курси.

4. «Бақара» сурасининг охирги икки ояти.

5. «Кафирун» сураси.

6. «Ихлос», «Фалақ» ва «Нос» сураларини уч мартадан ўқиб, қўлга пуфлаб баданга суриб чиқиш.

7. 33 марта – «Субҳаналлоҳ», 33 марта – «Алҳамдулиллаҳ», 34 марта – «Аллоҳу Акбар» зикрларини айтиш.

8. Мисвок билан тишларни тозалаш.

9. Ҳадисларда келган дуоларни ўқиб ётиб.

Ушбу амалларни қилиб ухлаган инсон, Аллоҳнинг изни билан, тушда жинларнинг ҳужумидан ва сеҳрнинг янгиланишидан ҳимоя топади. Бу тарғиб эмас, балки «тушда ўзимизни қандай ҳимоя қиламиз?» деган саволларга жавоб сифатида ёзилди.

Шунингдек, бу амалларнинг барчасини билмаган киши, билганини бажариб ётса ҳам бўлади. Бу амаллар бир-бирига боғлиқ эмас, яъни биттасини қилмасангиз, қолганлари фойда бермайди дегани эмас.

@ruqiya_shariy

Ибн ал-Қаййим (раҳимаҳуллоҳ) айтади: Бир куни унинг устози ҳузурига жин кирган бир одамни олиб келишди. Шайх унга Қуръон тиловат қилишни бошлади ва жинга мурожаат қилиб:

— «Аллоҳдан қўрқ! Чиқ!» — деди.
Жин эса аёл жин эди ва жавоб қайтариб:

— «Мен чиқмайман, чунки бу эркакни севаман», — деди.

Шайх унга шундай деди:
— «Аммо у сени севмайди, шунинг учун чиқ!»

Шунда жин:
— «Мен у билан бирга ҳаж қилишни хоҳлайман», — деди.
Шайх эса унга жавоб қайтарди:

— «Аммо у сен билан ҳаж қилишни хоҳламайди, шунинг учун чиқ!»

Шундан кейин Шай Қуръон ўқишда давом этди ва уни қаттиқ урар эдики, ҳатто қўли чарчаб қолди.

Шунда ўша аёл жин:
— «Мен шайхга ҳурматан чиқяпман», — деди.

Шайх эса унга:
— «Мени ҳурмат қилиб эмас, Аллоҳ ва Унинг Расулига итоат қилиб чиқ!» — деди.

📚 «Зодул-Маод», 4/68–69


@ruqiya_shariy

بِسْــــــــــــــــــــــمِ ﷲِالرَّحْمَنِ الرَّحِيم

САВОЛ ВА ЖАВОБЛАР ГУРУҲИМИЗ ОЧИЛДИ ИН ШАА АЛЛОҲ

    ГУРУҲ ҚОИДАЛАРИ

Гуруҳда фақат шаръий руқия, сеҳр, кўз тегиши, жинлар оламига тааллуқли бўлган саволлар берилади.

Бизнинг мавзуга тааллуқли бўлмаган ҳар қандай диний саволларга ҳам жавоб берилмайди.

Саволларга фақат роқий Равшанбек домла жавоб берадилар.

Эркаклар бегона аёлларга ёзиши мумкин эмас.

Гуруҳ қоидаларини бузганлар блокланади.

http://t.me/ruqiya_savol

Ибн ал-Қайим (р.ҳ.) шундай деганлар:

«Сеҳр энг кўп ҳолларда аёлларга, болаларга, илмдан маҳрум одамларга, саҳро кишиларига ва иймони суст бўлганларга қаттиқ таъсир қилади. Шунингдек, дуо ва пайғамбар алайҳиссалом мерос қилиб қолдирган рукъяларга муҳтож бўлса-да, уларга мурожаат қилмайдиганлар ҳам бу қаторига киради».

(«Зод ал-маъод», 4/117)

@ruqiya_shariy

Кўпчиликнинг саволи: «Руқия ўқитдим, озгина яхши бўлдим, кейин яна қайталаниб қолди. Қайта-қайта сеҳр қилаяпти. Нима қилсам бўлади?»

Аслида, ҳамма ҳам қайта-қайта сеҳр қилавермайди. Сеҳр қилиш ҳам пул талаб қилади. Қайта-қайта қилиш ҳолатлари учраб туради, лекин жуда кам.

Кўпчилик беморлар йўл қўядиган хатолардан бири – бир маротаба ўқитиб, шунинг ўзи етарли деб ўйлашларидир. Бир марта ўқилганда бемор маълум даражада яхшиланиши мумкин, лекин орaдан оз вақт ўтгач, яна эски ҳолатига қайтиб қолади. Шу пайтда бемор: «Мeнга яна сеҳр қилди», – деб ўйлайди.

Аслида эса у бир марта ўқилганда маълум даражада яхшиланган, лекин охиригача тузалмаган бўлади. Бу ҳолатни эса тажрибали роқийлар фарқлай оладилар.

© Равшанбек роқий

@ruqiya_shariy

Шайх Абдулазиз раҳимаҳуллоҳ айтганлар: «Жинлар одамларга ўхшайди. Улар ҳам турли тилларда гапиради: кимдир инглизча, кимдир французча, кимдир америкалик, кимдир араб эмас, кимдир араб. Улар ҳам турли-туман гуруҳларга бўлинади. Ораларида яхшилари ҳам, ёмонлари ҳам бор: жаҳмийлар, суннийлар, рафизийлар, насронийлар, яҳудийлар ва бошқалар. Хулоса қилиб айтганда, жинлар ҳам турли тоифалар ва йўналишларга бўлинган».

Аллоҳ таоло айтган: «Биздан солиҳлар ҳам бор, баъзиларимиз эса ундан пастроқ. Биз турли гуруҳларга бўлинганмиз» (Жин сураси, 11-оят).

Аллоҳнинг «…ва яна бошқалар ҳам» деган сўзи эса қолган барча тоифаларни ўз ичига олади».


@ruqiya_shariy