‏مقطع صوتي من ابو رقيه

نعي بحق الزهراء ع

البيت كله مانريده
يالشوفتج صارت بعيده
يانبض كلبي وياوريده

البيت يمه شلون نهواه
وشخصج يالحبيبه فكدناه
وياج الرفك يايمه ردناه

كون العمر يكضي بحضانج
ونشبع سمر يمه وحنانج
يالبيج مايرجع زمانج

شلتي واحس بالروح شالت
ودموع من عيني انسالت
فراكج صعب والغيبه طالت

فراكج يحط بالكلب ونه
يالغاليه يم المحنه
شخصج بعد بيش اعوضنه

مانلكه مثلج بعدهيهات
شلتي وكلبي انترس ونات
ردي يمن عندج بنيات

عفتي البنيه وعفتي الولاد
ويفراك وجهج عيب ينراد
ابجي اونيني اعليج مافاد

يالوالده ويا نور العيون
والعاشروج اليوم يبجون
مانحمل الفركه يكولون

الفراك كلش مانحمله
صعبه علينه وموش سهله
عليج الدمع حكي لهمله

بجيت شتفيد البواجي
يالوالده وحلوت محاجي
يالغاليه ويالبن زاجي

كلش يهد الحيل فركاج
يالوالده ويامحله طرواج
البيت وحشه خلاف عيناج


بقلم الشاعره سحر ام كرار الساعدي