🔥ግርማዊ DAGIM👈👊:
አወ ነበር

     ኖርኩኝ አይደል
              :

     ሳልሞት ሳልበደል 
     
      መሀል መሆን አሳፈረኝ
      አይመስለኝም የማገግም
                     :
      የውሸት ወዳጅ በሞላበት
      ተስፋ ማድረግ አልፈልግም

       አልመሳሰልም መኖር ባይመቸኝ
                        :
       ችግር ያበላኛል ቂቤም ቢሰለችኝ😂

        ነበር ነው አምባለው ከአፈር ስገባ
                             :
        ብታዝን እናት ነች ሌላውማ ሌባ።

አወ እናውቃለን...🫠😒

✍@dagi1u ግርማዊ ዳግም

ምንድነው ጭንቀትህ ?
   
       ልቦናዬ መሀል እግዜር ሲጠይቀኝ
       አወ ተሰምቶኛል .....
                           :
       ልጄ ወዴት አለህ ?
       
       እኔ ግን ሀፍረት ጨምድዶኛል

       የተመላለስኩት ወደ ሀጥያት ሰፈር
                            :

       በቁሜ መቃጠል በቁሜ መተልተል
       የሚያንሰኝም አይደል...

       ልጄ ወዴት አለህ ?

       በጣም ፈራሁ እኮ
        አቃተኝ መላቀቅ 
       መቆሸሽን መረጥኩ
                   :
       ተደብቄ አልወጣም
       ለሀጥያት ተሟገትኩ....

       ልጄ ወዴት አለህ ?
       
       ለአንዱ ግልገልህ ተንከራተትክብኝ
                          :
       ትችላልህ እና እባክህ ጌታዬ
       አትሂድ የሚል ቃል ልቤ ላይ ፃፍብኝ

      ከአንተ ጋር ልቆይ እየዘመርኩልህ
                        :
      በቃላት ልራቀቅ ቅኔ እየፃፍኩልህ

      ልቦናዬን አብራ አባ ታውሬያለሁ
      ለወንጌልህ አብቃኝ እለምንሀለሁ😢😭

ይቅር በለን አባት ሆይ

@dagi1u ግርማዊ ዳግም

የቀበሮ ፀሎት
(ታገል ሰይፉ)
------
እባክህ አምላኬ- ብትሬን ቀባና
እኔም ልወዝወዘው-የሙሴን ጎዳና
ያላንዳች ፍርሃት-ያለምንም ችግር
ባህሩን ከፍዬ- ህዝቤን እንዳሻግር፡፡
*
አቤት የኔ ጌታ ይህም አያረካም
በቃልህ ታምኜ -ከሆንኩልህ መልካም
ለእኔም ፍቀድልኝ-ያብራምን ምልክት
ከምድር አሸዋ-ዘሬ እንዲበረክት፡፡
*
አቤቱ ምን ልሁን-ይህም አልጠቀመኝ
እስቲ እንደ ዮናስ-ህዝብ ፊት አቁመኝ
*
ትንቢቴን ሰምቶልኝ-ሀገር ይተራመስ
ሰው እህል ይጡም-ከብቱም ሳር አይቅመስ፡፡
ይህም አያረካም-ይልቅ እንደዳዊት
አንተን በሚፈራ-ብዙ ሺህ ሠራዊት
ዙፋኔ ተከቦ-በደስታ እንዳመልክህ
የዚህን ሰው ኮከብ -አውጣልኝ እባክህ
*
አደራህን ታዲያ- ጭንቅ አትወድም ነፍሴ
ልመናዬን ሰምተህ-ካደረግከኝ ሙሴ
መከራውን ማረኝ-ያርባ ዓመት ስደቱን
በሲና በረሃ-መራብ መጠማቱን፡፡
*
ነቢዩ ዮናስን -አርገህም ስትፈጥረኝ
የባህሩን ፍዳ- ያሳውን ሆድ ማረኝ፡፡
*
አብረሃምን ሆኜም-በደስታ ሳመልክህ
ልጅህን እረደው-አትበለኝ እባክህ፡፡
***
የዲዊትም ኮከብ-በኔ ላይ ሲወጣ
እባክህ አምላኬ -ጎልያድ አይምጣ፡፡

ያሬዳዊ ግጥም) ያሬድ ከበደ
‎✍️✍️✍️
‎
‎ የከረመ ናፍቆት
‎######
‎"
‎"
‎"
‎ ልክ እንደ ህፃናት
‎የዋህ ሁን የሚል ቃል ሰመመን ያነቃው
‎***
‎የሞተች እናቱን ገበያ እንደ ሄደች
‎ቆሞ ሚጠብቃት እስክትመጣ ናፍቃው
‎****
‎ ደጅ ደጁን ሲቃኝ
‎ልቡ ያላረፈው በምንም ባይተካት
‎*
‎ የሚያሳሳ ገፁን
‎ በእምባ ዶፍ አጅቦ
‎ይጠብቃት ነበር ቀሚሷን ለመንካት
‎****
‎ደሞ,,,,
‎ ሀዘን ላጠላበት
‎የዘመናት ፍቅሩን ላልገደበው ወሰን
‎*
‎ እንዲህ ሲል ጠየቀው
‎ ግድ የለም እማዬን
‎ህይወት እንዝራባት በጭቃ ለውሰን
‎**
‎ ለጥያቄው ክብደት
‎የሚመጥን ቃላት ቢያጣ በቂ መልስም
‎*
‎ ከእንግዲህ በኃላ
‎እናትህ ፈፅሞ በቃ አትመለስም
‎*
‎ ብሎ እንዳያረዳው
‎መቼም ያባት ነገር የልጅ ገላ አሳሳው
‎***
‎ እንዳይዋሸው ደሞ
‎መሸከም ከበደው ጉልበት አቅም ነሳው
‎*
‎ታዲያ በዚህ መሀል,,,,,,,
‎
‎ የተነገረውን የማይካድ እውነት
‎በውስጡ አዳፍኖ ያከረመው ሚስጥር
‎*
‎ አንድ ነገር ያውቃል
‎ከአፈር እንደ ሆነ አምላክ ሰው ሲፈጥር
‎****
‎ ተፈጥሮ ብትቸረው
‎የመውደድን እውቀት የፍቅርን ጥልቀት
‎***
‎ ደርሶ እንደሚባለው
‎ከያዘ እንደማይለቅ ልጅ እና ወረቀት
‎***
‎ ከመፍጠርህ በፊት
‎እልፍ ዘመናትን እንደ ተቀዳጀህ
‎****
‎ ካፈር ብናኝ ዘግነህ
‎በጭቃ ለውሰህ ፍጥረትን ያበጀህ
‎***
‎ የሰናፍጭ ታህል
‎እምነት ባይኖረውም እንዳይጠራጠር
‎***
‎ለህፃን ልጅ ስትል ሁለት እናት ፍጠር
‎****
‎ሁሉን ቻይ ነህና ስለምታውቅበት
‎ካንዷ ሽጉጥ ይበል አንዷ ስትሞትበት
‎
‎
‎

ይቅር በል (ዳኒ ከአርባምንጭ)
--------------

ከቶ እንዳትመጻደቅ!!
ባንተ ሲሆን ድንገት, አንተ ስትጠየቅ
ሊከብድ እንደሚችል ቀድሞዉኑ ጠብቅ
ከከበደህ ደግሞ ምትለዉን አታዉቅ
ስለዚህ ተጠንቀቅ
ማለት ያለብህን አስቀድመህ እወቅ
.
.
.
ወጥነኸዉ ሳይሆን
ሳታስበዉ ጭራሽ
ወይ ተጠያቂ ልትሆን
ወይ ይቅርታህን አድራሽ
ባንዱ ትገኛለህ
ከሆንክ ስጋ ለባሽ!!!
.
.
.
ይቅርባዩ መምህር
እራሱ ሲያስተምር
ሰባት ጊዜ ሳይሆን ሰባሰባቴ እንድንምር
አስቦ ይሆናል እኛ እንድንማር
.
.
.
ምንም ሆኖ ቢሆን ምንም እንዳልሆነ
ረስቶት ይቅር ብሎ ደግሞ ካልኮነነ
በቃ አዉቆበታል እሱ ነዉ ይቅር-ባይ
አምላክ የሚምረዉ ኃጢአቱ ሚሰረይ
------------------------------

Jul. 6, 2013...