اكيد اليوم
السيد محمد شياع السوداني
رئيس مجلس الوزراء
وقائد القوات المسلحة البطلة
راح يوجه قوات امنية ويعتقل
شكو شخص طلع بالفيديو من امام
منزل الشابندر وهدده ( بالطگ )
مثل ما وجه لاعتقال غيرهم
من الاخوة ( بالف .... )
هو يو يسويها ويكون حاكم عادل
يو ما يسويها ويكون منحاز لابناء عمومته ويكون حاكم ظالم
وبكيفه ظلت !

الشو الاعلامي لبعض الاخوة
وبهيچي اماكن
گاموا يسببون احراجات
للسادة الله يكتب سلامتهم
بحيث يخلونهم بعد عمر طويل الهم
اذا صارتلهم فاتحه يسوونها بالبيت
من ورا هالمواقف الراكضة
عافوا العزاء
وعافوا اهل العزاء
وعافوا مكانة ابناء المرجعية
بين اهلنه العراقيين
وعافوا مكانة المراة الصالحة المربية
الي بينها المشيعين
وعافوا سالفة الخارج الي ضخ
مليارات الدولارات لتسقيط مكانة
العمامة وما نجحوا
وچلبوا بسالفة
شوفوا السيد باس فلان !

بسنة 2022
خابرت واحد من الخيرين بكربله
كتله خالي اريد اسوي عملية لرجلي
بيها ورم مدمرني
كال اي
كتله واريد الدكتور الي سوه عمليه
للسيد السيستاني يمه اسوي العمليه
كال ما موجود مسافر سوي يم غيره
اكو خوش دكاتره بمستشفى الكفيل
كتله لا الا يمه
كال بس لا عبالك اذا سوالك عملية
تصير مرجع !
طگيتها بضحكه گتله لا خالي
بس غير هو دكتور مضبوط

اي رباط سالفتنه
مو كلمن سلم وباسه سيد محمد رضا
( تزكى ) !
وصار العبد الصالح
لان اعرف واحد من الحضور
الي سلم عليه وباسه واحتضنه
تاريخه اسود مصخم !

چا هو عزاء يخالي والي يجيك
لعزائك اكيد تستقبله
ومن يسلم عليك تسلم عليه
ومن يحضنك تحضنه !