የመዳን ጅማሮ
(ካሊድ አቅሉ)

ዝናብ መሀል ሙሉ ማፍቀር
እያራሰኝ
ገነት ደጃፍ ፃድቃን መንደር
በከንፈርሽ አደረሰኝ !

አቤት ለዛ
አቤት መኖር
ዘመንን በሰአት የተካ
ስሩ እረጅም ዉሉ ጠጣር
ያስጠለለን ትልቅ ዋርካ ፤

ሳቁ ሚታይ የደስታዎች
ማሰሪያ ዉል
መዳፎችሽ ሲዳብሱኝ
ነፍሴ በሀሴት ሲንከባለል ፤
እላለሁኝ ምድር ለቀኩ
ከመላዕክት ተመካከርኩ
ተስፍዬ ላይ ህይወት ደረብኩ !


ቀለስኩኝ መዉደድ በቅኝት
እንደ ዋሽንት እየባባዉ
ሳልፈተሽ እንደ ዘመድ
አይንሽ ሀገር በአይኔ ገባዉ !

ልብሽ የጥጥ ፍልቂቅ መንጣት
በቀር ያልጎበኘዉ
ነፍስን ፍቅር ሚመግብ ማፍቀር
ስሙን ያናኘዉ

የረጋ ፀጥ ያለ ቦታ አማኞች
ሚፀልዩበት
ከአምላክ ጋር ንግግር ያለዉ
በቃሉ ሚገናኝበት
ሰላም አየር ፀዳል ዉበት
ሳይቆጠብ የሚፈስበት !


እሱ ነዉ ያንቺ አድባር
ልብ የሚሉት ልብ ያላቸዉ
የመዳን ጅማሮ መንገድ
ፈውስ አርጎ ሚሰጣቸዉ ።