✍️ "Waaqayyo biraa" kan jedhame Yesuus "Uumaa waan hunda" kan ta'e; Waaqayyo abbaan bula, Waaqayyo abbaaf ajajama. Yusxoos "Waaqayyo biraa" kana; maleeykaa jedhamee kan waamame fi Waaqayyo isa Museetti dubbate jedhee kan waame, Isa uumaa waan hundumaa ta'e irraa eenyummaan adda baaseera.
"Waaqayyo Abrahaam, Waaqayyo Isihaaq, fi Waaqayyo Yaaqoob kan ture, Museetti kan dubbate Waaqayyo uumaa waan hundaa mitii?"
Dialogue with Trypho (Justin Martyr) Chapter 60.
✍️ Trypho kan jedhamus; Waaqayyo fi maleeykaan maalummaa garaa garaa kan qaban ta'uu Yemmuu dubbatu, Yusxoosis; waa'ee waan samii dhiisee kutaa dachii xiqqoo kana kan dhufe Waaqayyo biraa Yesuus malee, isa uumaa waan hundaa ta'e Waaqayyo Abbaa isa jedhame akka hin taane dubbateera.
"Akkuma ati jette; "Lamaanuu, Waaqayyo fi maleeykaa turani". Ta'us nama beekumsa xiqqoo qabu yoo ta'e malee, "Uumaan waan hundaa fi Abbaan; waan samii hunda dhiisee kutaa dachii xiqqoo kana keessatti muldhate" jedhee mirkaneessuu hin hin danda’u"
Dialogue with Trypho (Justin Martyr) Chapter 60.
✍️ Yusxoos; warreen ilmaan Jupiter jedhaman Greekotaaf, Jecha Waaqayyo isa jalqabaa kan ta'e Quunamtii malee kan argamuu "Waan isin ijoolleen Jupiter amantaniin wal fakkaataa malee waan biraa hin fidne" jechuun ifaan ifatti barumsichi waaqeeffannaa warra ormaa wajjin wal fakkaataa akka ta’e dubbateera.
"Akkasumas jecha Waaqayyo isa hangafa qunnamtii saalaa malee argamuu fi barsiisaan keenya Yesuus kiristoos fannifame, Du'e, ka'e, Gara samii ol bahe Yemmuu jennu, waan isin ijoolleen Jupiter amantaniin waan wal fakkaatu malee waan biraa hin fidne".
The First Apology (St. Justin Martyr) chapter 21
Egaa; Hawaariyootni "Waaqayyo tokkichi Abbaadha" jedhanii waan barsiisaniif, #Unitarian" "Warreen Waaqayyo tokkichatti amanan" Yemmuu ta'an, warreen Hawaariyoota booda dhufan sirna Hellenism durii naanneessanii fiduun, Waaqayyo Abbaa malee kan Yesuusiin Waaqa lammaffaa fi kan Waaqa biraa godhachuun isaaniin "Binitarian" turan.
✍️ Hayyuun seenaa Kiristaanummaa Edward Gibon kitaaba isaa "History of christianity" jedhu keessatti waa’ee kiristaanummaa warra ormaa "paganism" akkas jechuun dubbateera.
"Waaqeeffannaan ormaa injifannoo Kiristaanummaan ol ka'us, akkuma sana kiristaanummaan Waaqeeffannaa warra ormaatiin laaqameera.
History of christianity (Edward Gibbon) page XVI(16)
Burjaajii kana hunda booda Rabbiin keenya Allaahn Qur'aana kabajamaa Nabiyyii keenya "ﷺ" irratti buusee; warreen "Waaqayyo ilma dhalcheera" jedhaniin "irraa dhorkamaa" jedhe.
وَيُنذِرَ ٱلَّذِينَ قَالُواْ ٱتَّخَذَ ٱللَّهُ وَلَدࣰا
Isaan “Rabbiin ilma qaba” jedhanis sodaachisuuf (isa buuse). [Al-Kahf 18:4]
Barnoonni warra ormaa "Waaqayyo ilma dhalcheera" jedhu kun; ummata kiristaanaa biliyoona 2 gahu kana burjaajii keessa waan ta'eef, Qur’aanni kana dinniinuuf buusuun isaa sirriidha. Allaahn tokkicha. Hirkoo waan hindaati.
قُلۡ هُوَ ٱللَّهُ أَحَدٌ ٱللَّهُ ٱلصَّمَدُ
Jedhi: "Inni Allaah (gabbaramaa dhugaa) tokkicha. Allaahn hirkoo waa hundaati. [Al-Ikhlas 112:1-2]
Rabbiin hirkoo waa hundaa yoo ta’e, Waaqni yeroo fi bakka kan hammate, yeroon fi bakka keessa galee fi hojjaa qoma gabaabduun dhalatee jechuun hin danda’amu. Dhalchuun fi dhalachuun amala isaa keessatti waan hin jirreef, hin dhalle hin dhalanne.
لَمۡ يَلِدۡ وَلَمۡ يُولَدۡ وَلَمۡ يَكُن لَّهُۥ كُفُوًا أَحَدُۢ
Hin dhalle hin dhalannes. Hiriyaan tokkoos isaaf hin taane.” [Al-Ikhlas 112:3-4]
"Kufuwan" كُفُو jechuun "Akka" "Fakkaataa" "Qixxaataa" "Madaalaa" "Dorgomaa" jechuu yemmuu ta'u, wanti isatti qixxaatu, fakkaataan, "Kan akka isaa" hin qabu yoo ta'e, ilma tokkollee hin dhalle. Isa waliinis Waaqni biraa tokkolle hin jiru.
مَا ٱتَّخَذَ ٱللَّهُ مِن وَلَدࣲ وَمَا كَانَ مَعَهُۥ مِنۡ إِلَٰهٍۚ
Rabbiin ilma hin godhanne. Isa waliinis gabbaramaan tokkoyyuu hin jiru. [Al-Mu'minun 23:91]
✍ Rabbii wajjiin Waaqni biraa osoo jiraatee, gidduu isaanii garaa garummaa ni jiraata ture. Waldhabdeen ni jiraata ture. Tokko isa tokko irratti aangoo ofii agarsiisuuf ka'uun hin oolu. Rabbiin waan akkasii irraa qulqullaa’e.
0
Показать ещё
