"ሰላም ዶክተር ልጄ በብልቱ ጎን ነው የሚሸናው! ላስገርዝ ስወስደው የማርያም ግርዝ ነው አያስፈልገውም ብለው መለሱኝ! ምን ባደርግ ይሻላል?"
(የወላጅ ጥያቄ)

👉ወንዶች ጨቅላ ህፃናት እንደተወለዱ መታየት ካለባቸው ነገሮች መካከል አንዱ የብልት አፈጣጠር ችግር አለመኖሩ ነው።

🌡 ምክንያቱም አንዱ የብልት አፈጣጠር ችግር Hypospadia (ሃይፖስፓዲያ) በመባል ይታወቃል።

👉ይህም የሽንት ቱቦ መክፈቻ(meatus) ከጫፍ ይልቅ በወንድ ብልት ስር ወይም ጎን ላይ ሲገኝ የሚከሰት ችግር ነው።

👉ይህ ችግር በተለምዶ " የማርያም ግርዝ" በመባል ይጠራል።

💉እንደዚህ የተባለበት ምክንያት በአንድ ጎን ግርዝ መስለው ስለሚወለዱ ነው።

✍#ጥያቄ - 1: ምልክቶቹ ምን ምን ናቸው?

👉የሽንት ቱቦው መክፈቻ ወይም ቀዳዳ ከጫፍ ይልቅ በወንድ ብልት ጎን ወይም ስር ይገኛል።

👉 በጣም ከባድ ከሆነ በዘር ከረጢት(Scrotum) መሀል ወይም ከኋላ ሊገኝ ይችላል።

👉ሌሎች ምልክቶች የሚከተሉትን ሊያካትቱ ይችላሉ:

🌡🌡የሽንት ቱቦ ክፍተት ከብልት ጫፍ  ውጭ መገኘት

🌡🌡የወንድ ብልት ወደ ታች መታጠፍ (chordee)

🌡🌡 ባንድ ጎን ብቻ የተሸፈነ የብልት ገጽታ ምክንያቱም የብልቱ የላይኛው ክፍል ብቻ በሸለፈት የተሸፈነ ነው።

🌡🌡በሽንት ጊዜ ያልተለመደ መርጨት ወይም መበተን

🌡🌡ቆሞ መሽናት አለመቻል
🌡🌡የብልት መቀበር
🌡🌡የብልት ማነስ

✍#ጥያቄ - 2: በባለሙያ  መታየት ያለበት መቼ ነው?

👉ይህ ችግር ያለባቸው አብዛኛዎቹ ህጻናት ከተወለዱ በኋላ ብዙም ሳይቆዩ ወደ ሆስፒታል ሄደው መታየት አለባቸው።

👉 ማንኛውም ወንድ ህጻን የብልት ገጽታው ላይ ወይም በሽንት ላይ ችግሮች ከታዩ ፣ የሚያሳስብ ነገር ካለ ከግርዛት በፊት  ማሳየት ያስፈልጋል።

✍#ጥያቄ- 3: መንስኤዎቹ ምን ሊሆኑ ይችላሉ?

👉በወንድ ፅንስ ውስጥ ብልት እያደገ ሲሄድ አንዳንድ ሆርሞኖች የሽንት ቱቦ እና ሸለፈት እንዲፈጠሩ ያደርጋሉ።

👉በእነዚህ ሆርሞኖች ተግባር ማነስ ምክንያት የሽንት ቱቦው ያልተለመደ እድገትን ያመጣል።

👉አብዛኛውን ጊዜ  የችግሩ ትክክለኛ መንስኤ አይታወቅም።

👉አንዳንድ ጊዜ ከዘረ መል (ጄኔቲክ) ጋር ሊያያዝ ይችላል።

👉በአጠቃላይ የችግሩ ምክንያቶች ተብለው የሚታሰቡ እና ሊዛመዱ የሚችሉት :

1) የቤተሰብ ታሪክ (family history)

2) ጀነቲክስ

3) የእናቶች እድሜ መጨመር ከ35 ዓመት በላይ

4) በእርግዝና ወቅት ለአንዳንድ ነገሮች መጋለጥ

✍#ጥያቄ- 4: ባይታከም ምን ችግር ያመጣል?

👉ካልታከሙ እነዚህ ችግሮች ሊከሰቱ ይችላሉ:

1)  የወንድ ብልት ያልተለመደ ገጽታ
2) ሽንት ለመሽናት ለመለማመድ ችግሮች ይፈጥራል
3) ብልት በሚቆምበት ጊዜ መታጠፍ ወይም መጉበጥ
4) ደካማ  የዘር ፈሳሽ ማስተላለፍ ችግር እና መውለድ አለመቻል
5) የስነ ልቦና ጉዳት

✍#ጥያቄ- 5: ምን ምርመራ ያስፈልገዋል?

👉በአካላዊ ምርመራ ላይ በመመርኮዝ ችግሩን በቀላሉ መለየት ይቻላል።

👉መረሳት የሌለበት ነገር ቢኖር የሽንት ቱቦው መክፈቻ ያልተለመደ ቦታ ሲሆን እና  የወንድ የዘር ፍሬው በዘር ከረጢጦቹ ውስጥ ካልተገኘ:

👉👉የጾታ ብልትን በግልጽ ወንድ ወይም ሴት ለመለየት አስቸጋሪ ሊሆን ይችላል (አሻሚ የብልት ችግር- Ambitious Genitalia or DSD) ይባላል።

👉👉በዚህ ሁኔታ ለተጨማሪ ምርመራ ከብዙ ዲሲፕሊን ቡድን ጋር መመካከር ያስፈልጋል።

✍#ጥያቄ- 6: ሕክምናው ምን ይመስላል?

👉 ብልቱ ያልተለመደ መስሎ ከታየ ግርዛት መደረግ የለበትም።
🌡🌡የማስተካከያ ህክምና ከመደረጉ በፊት ግርዛት መስራት ህክምናውን የበለጠ ከባድ ያደርገዋል።

👉ዋናው ሕክምና  ቀዶ ጥገና ሲሆን የሽንት መሽኛ ቀዳዳ ወደነበረበት ለመመለስ እና አስፈላጊ ከሆነም የወንድ ብልትን ዘንግ ቀጥ ማድረግን ያካትታል።

👉ብዙውን ጊዜ ቀዶ ጥገና የሚከናወነው ከ6 እስከ 18 ወራት ባለው ጊዜ ውስጥ እንዲሆን ይመከራል።

💊ምክንያቱም በዚህ የእድሜ ክልል የህክምና ውጤቱ የተሻለ ሲሆን ለልጁ ስነ ልቦና ቀደም ብሎ ቢሰራ ይመከራል!

👉አንዳንድ ጊዜ የብልቱ መጠን በጣም ካነሰ ቀዶ ህክምናውን ለማድረግ ከባድ ስለሚሆን እና ያለመሳካት እድል ስለሚኖረው፣

👉ብልት የሚያሳድግ መድኃኒት ሊያስፈልገው ይችላል።

✍#ጥያቄ -7: ስለ ቀዶ ጥገናው ምንነት?

👉ቀዶ ጥገናው ጥንቃቄ እና ልምድ የሚጠይቅ እንዲሁም ብዙ አይነት አማራጮች ያሉት ነው።

✍ አብዛኛዎቹ አንድ ጊዜ (ነጠላ) ቀዶ ጥገና የሚስተካከል ሲሆኑ፣
👉አንዳንዶቹ  ደግሞ ጉድለቱን ለማስተካከል ከአንድ በላይ ቀዶ ጥገና ያስፈልጋቸዋል።
👉የሽንት ቱቦው ከብልቱ ሥር አጠገብ በሚገኝበት ጊዜ የቀዶ ጥገና ሐኪሙ በተገቢው ቦታ ላይ የሽንት ቱቦን እንደገና ለመገንባት
👉👉ከሸለፈት ቆዳ ወይም
👉👉 ከውስጥ በኩል ያለውን የከንፈር ቆዳ በመጠቀም ማስተካከል ሊያስፈልገው ይችላል።

✍#ጥያቄ-8: የቀዶ ጥገና ውጤቶች ምን ይመስላሉ?

👉የቀደ ህክምናው ውጤት እንደ ችግሩ ደረጃ፣ እንደ ቀደ ህክምው አይነት፣ እንደ ባለሙያው ልምድና ብቃት፣ ከቀዶ ህክምናው በኃላ እንደሚደረገው እንክብካቤ ይለያያል።

🌡አብዛኛው ጊዜ ቀዶ ጥገናው በጣም የተሳካ ውጤት አለው።

👉 እናም መደበኛ የሽንት መሽናት እና የመራባት ሂደት ላይ ተጽኖ አይኖረውም።

💊ከቀዶ ህክምናው በኃላ ሌሎች ተያያዥ ችግሮች (Complications) ሊከሰቱ ይችላሉ

👉ለምሳሌ አዲስ የሽንት ቱቦ በተፈጠረበት ብልት ስር ቀዳዳ (ፊስቱላ) ሊከሰት እና የሽንት መፍሰስ ሊታይ ይችላል።

👉ሙሉ በሙሉ ላይሳካም የሚችልበት ሁኔታ አለ።

🌡ሁሉም ችግር መስተካከል የሚችል ችግር ነው።

💊ለዚህም ተደጋጋሚ የሆነ ቀዶ ህክምና ሊያስፈልጋቸው ይችላል።

🌡እድሜአቸው ክፍ ያሉ ህጻናት ላይ የስነ ልቦና ተጽኖ ሊኖራቸው ስለሚችል ህክምናውን ቶሎ መጀመሩ ይመከራል ።በየለይ 6 ወር ከሞላቸው በኃላ ቢጀመር መልካም ነው!


✍#ጥያቄ- 9: ክትትል የሚደረግበት እንክብካቤ ምን ይመስላል?

👉ከቀዶ ጥገና በኋላ ለተወሰነ ጊዜ(ከተሠራ እስከ 2 አመት)  ክትትል ያስፈልጋቸዋል።

👉ከዚያ በኋላም  አልፎ አልፎ መከታተሉ በራሱ መሽናት ከቻለ በኋላ (After toilet training) እና በጉርምስና ወቅት (At Puberty) በደንብ መዳኑን ለማረጋገጥ እና ሊከሰቱ የሚችሉ ችግሮችን ለመፈተሽ ክትትሉ ይመከራል።

📘በዚህ ጉዳይ ተጨማሪ ጥያቄ መጠየቅ ከፈለጉ ወይም  በሌሎች ጉዳዬች  በማንኛውም ጊዜ ማንኛውንም ጥያቄ ለመጠየቅ ከስር ያለውን አድራሻ መጠቀም ይቻላል።
👇👇👇👇👇👇

📲+251911441651

💻ሌሎች ጠቃሚ መረጃዎችንም ለማግኘት የtelegram ቻናላችንን ይቀላቀሉ:
👇👇👇👇👇👇👇
https://t.me/DrSaleamlakT

እናመሰግናለን!!!

ህፃናት በሁሉም ቦታ በቂ እንክብካቤ እንዲያገኙ እንሰራለን።

አዘጋጅ: ዶ/ር ሳለአምላክ ጥጋቤ: የህፃናት ቀዶ ህክምና ስፔሻሊስት እና ረዳት ፕሮፌሰር

Dr. Saleamlak Tigabie: MD, Pediatric Surgeon, FCS-ECSA , Assist. Proff. Of Pediatric Surgery

@HakimEthio

🌸 የጡት ካንሰር ግንዛቤ ማስጨበጫ ወር 🌸

🎀 ዘመን አፈራሽ በሆነው ማሞግራፊ መሳሪያችን በመታገዝ የጡት ካንሰር ቅድመ ምርመራ አገልግሎት እንሰጣለን።

🎀 ለአንድ ወር የሚቆይ በማሞግራፊ ምርመራ ላይ የ 50% ቅናሽ ማድረጋችንን ስንገልፅ በደስታ ነዉ።

👉 መተው ይጎብኙን ከበቂ የህክምና ምክር አገልግሎት ጋር አስፈላጊውን ምርመራ አድርገው ይመለሳሉ!!!

⭐️አይ.ሲ.ኤም.ሲ አጠቃላይ ሆስፒታል ⭐️
ለጤናዎ እንተጋለን!!!

ለበለጠ መረጃ እና ቀጠሮ ለማስያዝ     
☎️ 0949020202    
ወይም በነፃ የስልክ መስመራችን    
📞 9207   
ቴሌግራም
ፌስቡክ   
ቲክቶክ     
📍ሲ.ኤም.ሲ አደባባይ ከፀሀይ ሪል ስቴት ጀርባ

Yekatit 12 Hospital Medical College has been accredited by COSECSA for the 3-year Fellowship Training Programme in Plastic Surgery starting 2026.

@HakimEthio