Ваҳб ибн Мунаббаҳ роҳимаҳуллоҳ: «Ўзи амал қилмай туриб динга чақирувчи кимса ипсиз камонда ўқ отган киши кабидир», деганлар.

🌐@Rahimberdidomlaofficial

Бир болакай дадасига: «Дада, фақат «иншааллоҳ» деманг», деди (яъни «Иншааллоҳ дейсиз-да, кейин сўраган нарсамни олиб бермайсиз», демоқчи).
Фарзандларингизни бу гўзал сўздан нафратлантириб қўйманг!
(Ҳаммамизга маълумки, фарзандимиз бирор нарсани олиб беришни сўраса, кўпинча «Худо хоҳласа, олиб бераман», деймиз-да, олиб бермаймиз. Оқибатда бола «Худо хоҳласа» деган сўз ваъдани бажармасликка баҳона экан деб ўйлаб қолади.
Расулуллоҳ соллаллоҳу алайҳи васалламдан асҳоби Каҳф ҳақида сўрашган эди, «Эртага жавоб бераман», дедилар. «Иншааллоҳ» демадилар. Натижада асҳоби Каҳф ҳақидаги оятнинг нозил бўлиши ўн беш кунга кечикди. Шунда Аллоҳ таоло: «Бир нарса ҳақида зинҳор «Буни эртага албатта қиламан», дема. Балки «Аллоҳ хоҳласа», дегин» оятини нозил қилган (Каҳф сураси, 23-24-оятлар).

✈️@Rahimberdidomlaofficial