“El-yurt umidi” jamgʻarmasi stipendiati, N.I. Pirogov nomidagi Rossiya milliy tadqiqot tibbiyot universiteti ordinatura bitiruvchisi Shavkat Abdusattorov Urumchi shahrida oʻtkazilgan “Xitoy — Markaziy Osiyo va Shanxay Hamkorlik Tashkiloti aʼzo davlatlari: bachadon boʻyni va koʻkrak bezi saratonining oldini olish va nazorat qilish oʻquv dasturi”da ishtirok etdi.

Dastur bachadon boʻyni va koʻkrak bezi saratonining oldini olish hamda nazorat qilishning zamonaviy usullariga bagʻishlangan edi. Trening davomida ishtirokchilar diagnostika, skrining, davolash va profilaktika dasturlarini tashkil etishning eng soʻnggi yondashuvlarini, shuningdek, ayollar salomatligini muhofaza qilish sohasidagi xalqaro tajribani oʻrganishdi.

Olingan bilimlar ayollar salomatligi sohasidagi tibbiy xizmatlar sifatini oshirishga, saraton kasalligini erta aniqlash boʻyicha skrining dasturlarini rivojlantirishga va aholini profilaktika choralari toʻgʻrisida xabardor qilish ishlarini takomillashtirishga yordam beradi.

Dastur yakunida Shavkat Abdusattorov ikkita sertifikat oldi — seminarda ishtiroki uchun va individual kasbiy koʻnikmalari uchun.

🔗 Website: Eyuf.uz

Telegram strong>| Facebook |Instagram| YouTube

“El-yurt umidi” jamgʻarmasi stipendiati, Glazgo universiteti doktoranti Azizjon Qobilov Buyuk Britaniyaning Portsmut shahrida boʻlib oʻtgan IEEE Advanced Robotics and Mechatronics 2025 xalqaro konferensiyasida ishtirok etdi.

Anjuman doirasida dunyoning turli davlatlaridan kelgan robototexnika, intellektual boshqaruv tizimlari va sunʼiy intellekt sohalarida faoliyat yuritayotgan yetakchi olimlar, tadqiqotchilar va professorlar soʻnggi ishlanmalarni taqdim etib, robototexnik yechimlarga zamonaviy texnologiyalarni joriy etish boʻyicha tajriba almashdilar.

Azizjon Qobilov oʻz maʼruzasida yirik til modellari va genetik dasturlash usullaridan foydalangan holda robotlashtirilgan tizimlar uchun vazifalar ketma-ketligini avtomatik tarzda yaratishning yangicha yondashuvlari haqida soʻz yuritdi.

🔗 Website: Eyuf.uz

Telegrtrong>am | Facebook |Instagram| YouTube

#ElYurtUmidiSuccessStory

“El-yurt umidi” stipendiati xalqaro seminarda oʻz jamoasi bilan “Eng yaxshi loyiha” nominatsiyasida gʻolib boʻldi

“El-yurt umidi” jamgʻarmasi stipendiati, Edinburg universiteti talabasi Samirbek Rashidov “Oʻzbekkosmos” agentligida kasbiy amaliyotni muvaffaqiyatli oʻtadi. Oʻz amaliyoti doirasida u aerokosmik texnologiyalarga ixtisoslashgan Beyxan universitetida (Xitoy) Space Summer Program 2025ʼda ham ishtirok etdi.

Dunyoning turli mamlakatlaridan boʻlgan yetakchi yosh mutaxassislar bilan birgalikda u sunʼiy yoʻldosh va aerokosmik texnologiyalar boʻyicha chuqurlashtirilgan taʼlim oldi.

Oʻqish yakunida Samirbek oʻz jamoasi bilan “Eng yaxshi loyiha” nominatsiyasida birinchi oʻrinni qoʻlga kiritdi. Ularning ishi uch mamlakatda, shu jumladan Oʻzbekistonda, sunʼiy mikroyoʻldoshlarni qoʻllash imkoniyatlariga bagʻishlangan edi. Taqdimotda ishtirokchilar konstruktiv yechimlar, ishga tushirish jarayoni, ionosferaning signallar kechikishiga taʼsiri hamda texnologiyani milliy dasturlarga joriy etish salohiyatini batafsil yoritib berdi.

ong>ook |Instagram| YouTube

#Stipendiatlar_hayotidan

“El-yurt umidi” jamgʻarmasi stipendiati, Arizona davlat universiteti talabasi Botirjon Raximov AQSh moliya vaziri Skott Bessent ishtirokidagi Vashingtonda oʻtkazilgan nufuzli yoshlar seminarida qatnashdi.

Tadbir doirasida turli mamlakatlardan kelgan iqtidorli yoshlar jahon iqtisodiyotining asosiy muammolari va yoʻnalishlarini muhokama qildilar. Seminarda AQSh moliya siyosati, xalqaro investitsion hamkorlik, yangi texnologiyalar va innovatsiyalarning global moliya tizimiga taʼsiri kabi masalalarga alohida eʼtibor qaratildi.

Ushbu uchrashuv yosh mutaxassislar uchun bilim va tajriba orttirish, oʻz qarashlarini kengaytirish hamda global miqyosda foydali aloqalar oʻrnatish imkonini berdi.

Bu kabi tadbirlar Oʻzbekiston yoshlari uchun xalqaro sahnada oʻz salohiyatini namoyish etish va mamlakatimiz taraqqiyotiga hissa qoʻshish yoʻlida muhim qadam boʻlib xizmat qiladi.

Apellyatsiya komissiyasi “El-yurt umidi” jamgʻarmasining 2025-yil 1-ochiq stipendiya tanlovi doirasida oʻtkazilgan suhbat natijalari yuzasidan nomzodlardan kelib tushgan murojaatlarni belgilangan tartibda koʻrib chiqdi. Belgilangan muddat ichida ariza yuborgan nomzodlarga koʻrsatilgan elektron pochta manziliga rasmiy javoblar yuborildi.

❗️Eslatib oʻtamiz, Oʻzbekiston Respublikasi Prezidentining 2025-yil 5-maydagi PF-77-son Farmoniga asosan, Jamgʻarma taʼlim dasturlari boʻyicha stipendiya gʻoliblarining yakuniy roʻyxati tanlov yakunlangandan soʻng uzogʻi bilan bir oy muddat ichida Jamgʻarma Boshqaruv kengashi qarori bilan tasdiqlanadi hamda eʼlon qilinadi.

ong>ook |Instagram| YouTube

#ElYurtUmidiSuccessStory

“El-yurt umidi” jamgʻarmasi stipendiati AQShdagi teatrda debyut qildi

“El-yurt umidi” jamgʻarmasi stipendiati, SFCM talabasi Mumtozbegim Ochilova “Lamplighters” musiqa teatrida debyut qildi.

“Lamplighters” musiqa teatri uzoq yillar davomida shakllangan professional operetta kompaniyasi boʻlib, Gilbert va Sallivan tomonidan bastalangan asarlarni oʻz muxlislariga namoyish etadi.

Mumtozbegim 2—3-avgust kunlari ushbu teatr jamoasi tarkibida Walnut Creek shahrida namoyish etiladigan “His Majestyʼs Ship Pinafore” (Janobi oliylari kemasi Pinafore) operettasida kuyladi. Teatr jamoasining keyingi namoyishlari 9—10-avgust kunlari Mountain View shahrida hamda 16—17-avgust kunlari San-Fransisko markazida boʻlib oʻtadi.

Bu imkoniyat Mumtozbegim uchun muhim kasbiy tajriba va uzoq tarixga ega teatr jamoasi bilan chiqishi yuqori natijalarning boshlanishidir.

🔗 Website: Eyuf.uz

Telegrtrong>am | Facebook |Instagram| YouTube