فزاعية للمصرع ( كون اليوجعك بيه )

شنهو اليوجعك يحسين حاچيني
اگعد شوف حالي واسمع اونيني
حسبالي تباصرني وتواسيني
ماضنيت حيرانه تخليني

      ( النزلة )

شنهو اليوجعك يحسين
كون اليوجعك بيه


شنهو اليوجعك مدري
كون اصوابك بصدري
وخيامك جمر تسري
وبيهه النار سعريه


دخان وجمر بيهه
ماتگعد تطفيهه
واعيالك يواليهه
شبعانه مهضميه


ضيم اعداك شبعونه
كلساع ويشتمونه
واليوگع يضربونه
ماعدهم رجوليه


ماكو بروسهم غيره
عفتونه غرب ديره
والله اتحيرت حيره
مات الينشد اعليه


مات اليشرك بهمي
ضل اعله النهر مرمي
راسك وين يبن امي
واضلوعك المحنيه


لاخنصر ولاهامه
والله الليل مانامه
سكنه اعليك محتامه
راح تروح مسبيه


راح تروح مچتوفه
لبن زياد والكوفه
دمك فايض نعوفه
ومانحمل افراگيه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

لطمية للعليلة عليها السلام ( كل يوم اون بالدار )


كل يوم اون بالدار واشبع مغمه
ومحد يگلي شبيچ يحبيبه يمه


كلساع اون بالدار واشبع مناحه
من روحتچ لليوم مامستراحه
گلبي انكسر نصين واليتم لاحه
وافراگ ابوي حسين موحش صباحه
شوفته ترد الحيل وافراگه هضمه
محد يگلي شبيچ يحبيبه يمه


شوفته ترد الحيل ماصح مثلهه
خلاني اون بالدار واتنوع الهه
تنشد عله الغياب وتريد اهلهه
ماادري بيهم وين واصفن شگلهه
من المرض والضيم بضلوعي ورمه
محد يگلي شبيچ يحبيبه يمه


بضلوعي من الضيم ورمه شكبرهه
لوعه ومصيبه ونار يسعر جمرهه
والتفگد الوليان شلهه بعمرهه
وعيوني حتى النوم شال وهجرهه
والتمن الحسبات والدنيه ظلمه
محد يگلي شبيچ يحبيبه يمه


والتمن الحسبات كلهن عليه
واسمع كلام الناس گالوا خطيه
عافاها ابوها وشال للغاضريه
ماتدري طاح هناك عمهه الشفيه
وعبد الله سهم الموت باچر يفطمه
محد يگلي شبيچ يحبيبه يمه


عبد الله سهم الموت باچر يصوبه
نگطة اميه يريد محد يشربه
واتحير المظلوم وانفجع گلبه
والشمر يفتر گام بيمن يطلبه
عن السيوف شلون زينب تضمه
محد يگلي شبيچ يحبيبه يمه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

هوسات للزهراء عليها السلام


يمته انزور گبر امك يمهدينه
والله امن الصبر والشوگ ملينه
نحلف دين لو واحد يدلينه
كلنه انروح مشايه  اعله رجلينه
لم حسين ... كلنه انروح مشايه
من عباس ناخذ بيرغ ورايه
نلطم عالصدور وننصب اقرايه
ونرش الگبر بدموع وفايه
( وادموع وبيرغ نطيهه )


بيرغ ناخذلهه وماي من عباس
ونهيل التراب ونلطم اعله الراس
وين حسين لو گالت نگلهه انداس
زينب لاخيم ضلت ولاحراس
ومن تصيح يبني ... نصيح وياها
هاي المانستنه ولانسيناها
لو عدهه گبر كل يوم زرناها
بالشدات والكلفات ننخاها
( واليوگع حمله اتچيله )


للحيران واليوگع تجي الزهره
تشيل الضيم عنه وخاطره اتجبره
حگنه من نون ونصرخ بعبره
ماعدهه گبر ينزار لاحضره
من دون الخلگ ... مكسور خاطرهه
وين انشوفهه وعدمن اندورهه
ضلت ضايعه ولاواحد يمرهه
اصواب حسين موش الضلع غيرهه
( بحسين وزينب مفجوعه )


مفجوعه اعله ابنهه ولانست بتهه
ياويله النكر حگهه ومصيبتهه
توگف بالحشر ونشوف وگفتهه
اتلف ازنود عباس بعبايتهه
يهتز العرش ... من ترفع اچفوفه
ثارك يالشفيه اتگول ماعوفه
ضلت هامتك نصين مخسوفه
زينب غربت للشام والكوفه
( والمايبچيلك مو شيعي )


مايتسمه شيعي المابچه اعليكم
نسيته اصواب ضلعي وگمت اهم بيكم
ضحايه بكربله ومحد امغطيكم
ماي امنين گالت زينب اطيكم
هاكم ماي عيني ... ياخوال ابني
مهيوبه چنت فنه اليشتمني
دولبني الدهر بحسين دوليني
اگله شبيك خويه ومايجاوبني
( مايگدر يحچي امن اصوابه )


من ديوان خيمة الخدام الجزء الحادي عشر خاص للزهراء ع وام البنين ع


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

لطمية للزهراء عليها السلام (( عله امي اتگول زينب))


عله امي اتگول زينب يعمن عيوني
من شالو ضعنهه ابليل فجعوني


من شالو ضعنهه انشال كل حيلي
مهضومه وصحت ريضيلي ريضيلي
اطيحن والحزن صبح يتچيلي
(( من عندچ فليت اضنوني ))


منچ خاب ضني وايست تالي
افراگچ والهضم يچون بدلالي
عفتيني بنزل ماينچهب خالي
(( وبصفچ كون يدفنوني ))


ياريت اندفن وياچ واتمنه
ولاضل لليتم والنوح والونه
من شال الضعن حسبالي الحگنه
(( اركض وانخاهم تانوني ))


تانوني صحت محد يتانيني
شلتي وشال گلبي وكل نضر عيني
ويلادچ حزانه وزادو اونيني
(( كلساع اعليچ ينشدوني ))


شگلهم من ينشدوني وشجاوبهم
يتباچون واصوابچ امصوبهم
اشماله البين حاربني وحاربهم
(( من گالو ماتت هضموني ))


گالو ماتت امچ وين تلگيهه
روحي اوداعتچ ماحيل ضل بيهه
اسم الله امن الطفوف وضاع طاريهه
(( واهناك اعزازي يعوفوني ))


اهناك اعزاز گلبي تروح من ايدي
لاخيمه التضل لاخال لوليدي
اباتن بالبراري اميسره اوحيدي
(( عدوان حسين يشتموني ))


لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://t.me/amhejran12345

لطمية للزهراء عليها السلام ((ون اعليهه))


يحسين امك ون اعليهه
مايرضه الموت يخليهه


شالت والشيله افراگيه
ماتحچي برجعه ولاجيه
مظلومه الزهره ومحنيه
من البسمار شضل بيهه


بسمار الباب امصوبهه
غيرهه اهواي وخربهه
يحسين البين شيطلبهه
حاربهه ودوم امعاديهه


بچاك البين وبچاها
وياك اتضل ماخلاها
مصيوبه وماصح ادواها
بالليل الحادي اموديهه


بالليل المظلم شالوها
چا بيش الگوم يطلبوها
سلبو كل حگهه وظلموها
راحت مظلومه الواليهه


راحت مهضومه ومظلومه
واصواب امك شفت ادمومه
شيعهه ابليل الجيدومه
زينب يايمه اتناديهه


نادت يمه اوياچ اخذيني
ازغيره اشلون تعوفيني
الدنيه اشكال تراويني
ماريد الدنيه وطاريهه


ماريد الدنيه الخوانه
والدار اخلافچ حزنانه
گلبي ولاتخمد نيرانه
والنار اتشب شيطفيهه


النار ولاتطفه بگلبي
يايمه وماشوفن دربي
ماتغفه عيوني وبس تربي
وعيوني اعليچ اله اعميهه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

فزاعية للزهراء عليها السلام ( ومعلمين اعليهه )



وشلون ننسه الوالده
ومعلمين اعليهه


لو طبت انحب ايدهه
عون وتچيه نريدهه
مهضوم رد اوليدهه
بالمگبره مخليهه


جوه الرمل خلاها
مهضوم من فرگاها
والوالده شينساها
ونسولف بطاريهه


ونسولف اعليهه ونون
وگلوبنه انترست حزن
واليفگد امه مايعن
كلساع ويحن ليهه


كلساع ويحن الگلب
شيجيبهه بعيد الدرب
للدار بالگوه نطب
نسألهه ونحاجيهه


ماترضه تحچي اويانه
يادارهه الحزنانه
شو محد اتلگانه
وين النزامط بيهه


وين الزمطنه بجالهه
جوه التراب شحالهه
نبچيلهه ونقرالهه
ولانگدر انوافيهه


بيمن نوافي ام الوفه
ماعودتنه اعله الجفه
كسر الضلوع ولاشفه
وماطاب ويأذيهه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

هوسات ختامية عزاء للأمام الحسين عليه السلام


خل نختم لطمنه بهوسه للعطشان
وي زينب حبايب وسعن الميدان
تدرن ضل ثلث تيام عالتربان
(( مذبوح يون محد شاله ))


يون ومايون من حرت جروحه
شاغت عالفواطم ياخلگ روحه
وراسه اعله الرمح وعيونه مشبوحه
(( وعيونه تصد اعله اطفاله ))


عين تصد عله اخته وعين لطفاله
هذا حسين ياحال المثل حاله
تتسابگ عله اجنازته الخياله
(( چا وين امه اتلم ضلوعه ))


مافرشت هدمهه ولمت ضلوعه
الزهره ومن گبرها تصيح مفجوعه
احا يحسين يبني لوعتك لوعه
(( بس انعه امصابك خلاني ))


احضر كل عزه وابچي بهضم وانعه
اصيحن ليش گلبك حرمله يگطعه
كل ميت يشيعونه هله وربعه
(( بس انته اموذر بالحومه ))


بس انته ثلث تيام بمچانك
ياهو الغسلك ومذبحه اخوانك
وزينب رافگت راسك وعدوانك
(( من تبچي يزمخون اعليهه ))


من تبچي عليك اعداك تشتمهه
مصابك عالقهر والحزن علمهه
گبل لو حشمت تلگه البطل يمهه
(( عافاها ومات البيه غيره ))


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

لطمية للأمام الحسين عليه السلام (باچر محد يفيد)


غير حسين ... باچر محد يفيد
مو بالسيف بالدم حارب ايزيد


حارب وانتصر عالسيف دمه
هاذه حسين هنياله اليخدمه
جروحه مكشفه ومسفوح دمه
محد غسله ومشمور بالبيد
غير حسين ... باچر محد يفيد


محد غسله وضل بمچانه
هاذه حسين سدرتنه وغطانه
امه بكل عزه تحضر اويانه
للعطشان لطمه معدله تريد
غير حسين ... باچر محد يفيد


لطمه تريد من عدچن لبنهه
كلچن ياحبايب گابلنهه
يلچمنهه الضلوع ويوجعنهه
تصيح حسين ضل بكربله اوحيد
غير حسين ... باچر محد يفيد


تصيح حسين ضل اوحيد ياناس
يزامط بيش عگب زنود عباس
زينب شافته بالمعركه انداس
شلون ام الحزن ترتاح وتهيد
غير حسين ... باچر محد يفيد


شلون ام الحزن تگعد وترتاح
يحز بمنحره شافت الذباح
والحادي بضعنهه امن الصبح راح
تون عالنوگ مرت عالصناديد
غير حسين ... باچر محد يفيد


تون عالنوگ بين المايرحمون
عالمظلوم الطمو لاتقصرون
كل الناس باچر مايفيدون
لاينفع ولد لاينفع عضيد
غير حسين ... باچر محد يفيد


يمحبات اسمعن خل اگلچن
للمظلوم الطمن گبل اهلچن
بس هوه الشفيع ويوگف الچن
بساعات المنيه والمواعيد
غير حسين ... باچر محد يفيد


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

لطمية للزهراء عليها السلام ( من شالوچ )


من شالوچ ... روحي اوياچ شالوها
حگهه اتصيح زينب لاتلوموها


حگهه اتصيح لاتمشين ريضيلي
يابعد العمر كله وبعد حيلي
اشلون احمل هضم وافراگ گليلي
اعطل بالضعون ومايعطلوها
من شالوچ ... روحي اوياچ شالوها


عطلت الضعون وچلبت بيهه
اصيح بصوت ياجناز خليهه
احل راس الچفن عنهه واحاچيهه
واگلهم بس سواد الليل خلوها
من شالوچ ... روحي اوياچ شالوها


خلوها بنزلهه تبات هالليله
اگلهه حسين يبچي وماگعدتيله
نعش امي الحنينه لحد يشيله
ادفنوني بلحدهه ولاتدفنوها
من شالوچ ... ورحي اوياچ شالوها


ادفنوني بلحدهه وخل اموت انه
وگلبي اشلون اخمده تفور نيرانه
ويلاه يالمشت بالليل وجعانه
مابين الجذع والباب عصروها
من شالوچ ... روحي اوياچ شالوها


مابين الجذع والباب معصوره
طاحت والضلوع اثنين مكسوره
فارگت الحنينه افراگ مجبوره
يبچون الحسن وحسين يردوها
من شالوچ ... روحي اوياچ شالوها


يبچون الحسن وحسين مهضومين
وين امنه الحنينه اليوم گالوا وين
فجعاني وفجعهم من اخذهه البين
حتى الدار ضلوا مايرغبوها
من شالوچ ... روحي اوياچ شالوها


گالوا مانطب للدار تعمينه
يازينب يتامه اليوم ضلينه
باتت بالرمل شمعة ليالينه
لارجعت عليهم لاتلگوها
من شالوچ ... روحي وياچ شالوها



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://t.me/amhejran12345

نعي للزهراء عليها السلام


شفت الضعن بالليل غرب
وضلعي مثل ضلعچ تصوب
والبيت من هسه تخرب


بيتچ خرب من هسه اشوفه
لو بيدي اتبعنچ واعوفه
گلبي انجرح واشلون اروفه


جرح البگلبي اشلون ينراف
يمعدله وياحلوة اوصاف
افراگچ صعب وايهدم اچتاف


افراگچ صعب وايهدم امتون
للعازه ردتچ يم حسن عون
عفتيني اصيح اشلون مالون


عفتيني مهضومه ويتيمه
ردتچ يبعد الروح خيمه
شماله الدهر ماعنده شيمه


شماله الدهر مابيه امروه
فرهدچ يم الحسن گوه
ضل الگلب بس ايتچوه


گلبي تچوه بنار فرگاچ
كلساع اروحن واكشف اغطاچ
حسبالي عدله ونايمه الگاچ


كلساع افز حسبالي عدله
اركض لخوي حسين اسئله
وين الحنينه امي اگله


وين الحنينه حملت وين
ماتت يگلي ويلطم حسين
ماترجع النه افراگهه اسنين


ماترجع النه افراگهه اعوام
حسين يبچي اوياي مانام
والبين حط بگلوبنه اسهام


البين حط بگلوبنه اهموم
يم الحسن مو يومچ اليوم
نشم ريحتچ مابين الهدوم


كلساع ونطلع عباتچ
ولدچ ينوحون وبناتچ
يمعدله وتعجب صفاتچ



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://t.me/amhejran12345