نعي للزهراء عليها السلام وللحبايب


كون المناحه اترجع المات
لسوي الدمع يازات يازات
عالگطعن ادروب البعيدات


عالگطعن ادروب الطويله
امهدمه افادي ونحيله
همي ثگل ياهو اليشيله


ياهو اليشيل الهضم عني
وعزيزات گلبي فارگني
كلساع اون ويطول وني


مهضومه اون كلساع كلساع
عالفارگني وشالن ابساع
ماتنحمل يانومت الگاع


نوم الرمل مالايگ الهن
اسم الله عله الشفجات كلهن
بالمگبره حلن وصلهن


حلن وصلهن هاي هيه
والبين اخذهن من اديه
چانت مبانيهن زهيه


چانت مبانيهن تلالي
واليوم حال الضيم حالي
ومن غربن غرب دلالي


غرب دلالي ومشه وياهن
اعتب واگول شعطلاهن
چنهن نسني المانساهن


چنهن نسني ومايرجعن
اعتب واريدنهن يسمعن
ثلثين من الگلب شلعن


ثلثين من الگلب مشلوع
وابچي عليهن بچي المفجوع
والدار ظلمه وفاگده اشموع


ثاري الحبايب شمع ضاوي
واليوم گلبي نار داوي
وعيني عمت والحيل خاوي


عيني تهل حمل نضرهه
والحصره البگلبي شكبرها
اويلاه يالضايع گبرها


ويلاه يم الحسن ويلاه
الظالم عليچ الباب طبگاه
ماخاف ربه الضلع كسراه


ماخله بضلوعچ البسمار
وثوبچ يزهره لاحته النار
ونبچي عليچ اكبار وازغار


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345

موشح للعباس عليه السلام ( هاكم عيوني )


هاكم عيوني واديه اخذوها
تگول زينب للكفلني اطوها


هاكم عيوني واديه اثنينهن
شلي بيهن طاح نور سنينهن
لو نشدكم عالفواطم وينهن
مو تگلوله العده شتموها
هاكم عيوني واديه اخذوها


لاتگلوله العدو شتماهن
خاف يزعل ياخلگ ملفاهن
لو عدل فنه اليمر احذاهن
ياحسافه هامته يطبروها
هاكم عيوني واديه اخذوها


ياحسافه تروح عينه وهامته
هذا اخوي الكلهه تحچي بخوته
مادره العدوان وصلو خيمته
هددونه والخيم حرگوها
هاكم عيوني واديه اخذوها


عذبونه وهددونه باليسر
وانكسر گلبي كسر ماينجبر
والله ماضنيت مني يعتذر
لاگعد لاصاح لاتسبوها
هاكم عيوني واديه اخذوها


ماگعد شاف الجره والماجره
لازلم حملت عذابي ولامره
هيبه چان اسمي واميره مخدره
راح خدري هيبتي وسلبوها
هاكم عيوني واديه اخذوها


ضاع خدري وضيعته بكربله
جيت وي عباس هيبه امدلله
تالي ماتالي سباني حرمله
واليتامه تنوح ويضربوها
هاكم عيوني واديه اخذوها



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://t.me/amhejran12345