⚡️Жәмийетлик орынларда жүзин жаўып жүрген шахслар 6 млн сумға шекем жәриймаға тартылыўы мүмкин

🔰Өзбекстан Республикасының 31.10.2023-жылдағы Нызамы менен Ҳәкимшилик жуўапкершилик ҳаққындағы кодекске жаңа 184-4-статья киргизилди.

❗️Оған көре, жәмийетлик орынларда шахсын идентификациялаў (анықлаў) имканын бермейтуғын дәрежеде жүзин тосқан ҳалда болыў пуқараларға БЕМның 10 есесинен 15 есесине шекем (4 млн 120 мың сумнан 6 млн 180 мың сумға шекем) муғдарда жәрийма салыўға себеп болады.

☝️Бирақ төмендеги жағдайларда жүзин тосып жүриў жуўапкершилик келтирип шығармайды:

✔️медициналық көрсетпеге тийкарланып ямаса жол-транспорт ҳәрекетинде қаўипсизликти тәмийинлеў ушын кийилетуғын арнаўлы бас кийимде жүзин тосқан ҳалда болыў;

✔️мийнет ҳәм хызмет искерлиги менен байланыслы жағдайларда жүзин тосқан ҳалда болыў;

✔️спорт ҳәм мәдений илажларды өткериў ўақтында бул илажлар қатнасыўшыларының жүзин тосқан ҳалда болыўы;

✔️нызамшылықта туўрыдан-туўры руқсат етилген басқа жағдайларда жүзин тосқан ҳалда болыў.

⚠️ Постты жақынларыңызға тарқатың.

⚖️ Биринши ҳуқықый каналға ағза болың
👉 @xaliq_ushin

⚖️ Қарыз шәртнамасы қандай тәртипте дүзилиўи керек?

✅ Әпиўайы жазба формада дүзиледи, егер:

🔸пуқаралар арасындағы қарыз пул муғдары базалық есаплаў муғдарының 10 есесинен (ҳәзирги есап пенен 4.120.000 сўм) көп болса;

🔸бир тәреп юридикалық шахс болса.

❗️Егер қарыз алыўшының жазба тил хаты яки қарызды (пул, мүлкти) алғанлығын тастыйықлаўшы ҳүжжет болса, шәртнама жазба формада дүзилген есапланады.

☝️Егер жоқарыда көрсетилген жағдайларда қарыз шәртнамасы жазба формада дүзилмеген болып, даў келип шыққан жағдайда пуқара шәртнаманың дүзилгенлигин, мазмунын яки орынланғанлығын гүўалардың көрсетпелери менен тастыйықлай алмайды.
Буны тастыйықлаў ушын жазба яки басқа дәлиллер болыўы керек.

⌛️ Қарыз шәртнамасында егер пулды қайтарыў мүддети көрсетилмеген болса, қарыз алыўшы пулды қарыз бериўши талап еткен күннен баслап 30 күн ишинде қайтарыўы керек.

🎓 Қарыз шәртнамасы бойынша даў келип шыққан жағдайда, шәртнама тәреплеринен бири пуқаралық ислери бойынша судқа мүрәжат етиўи мүмкин.

🗞 Тийкар: Пуқаралық кодексиниң 109, 733 ҳәм 735-статьялары.

👉 Постты жақынларыңызға тарқатың.

⚖️ Биринши ҳуқықый каналға ағза болың
👉 @xaliq_ushin