الابوذيه الزهراء ع

وين الي يون ويريد اجره
ولجل ام الحسن هالدمع اجره
ماينسه المصاب لبيها اجره
ويذكركل بلاء مر عالزجيه

الاجرالثواب
يجري الدمع
جره بيها مصاب


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الجمعه/2024/10/4
٣٠ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

فزاعيه الزهراء ع


وزن النصاري مفاعيلن
مفاعيلن مفاعيل


من بيتج طلعتي خاف تبطين
متعلمه عليج وصارلي سنين


من يوم لمشيتي بعيني ماشوف
كلبج بالمحنه هوه موصوف
خاف الليل يحضرارجف وخوف
افزن من منامي زغيره تدرين


فكدج هالكضاني وماخذ الحيل
ستعجلتي ورضيتي يومج ثجيل
مثل لمحة رمش هالشلتي بالليل
ليش بساع عالروحه تقبلين


يبعد العافيه وهم كلبي ماظال
دم من عيني يجري لجلج وسال
يومج مااحمله غير الحال
كضه ياحال باقي لو تنشدين


كلبي بغيبتج ميت وممرود
ارسومج يالحنينه بعد متعود
عطرج بالنزل ليهسه موجود
اشمن ريحتج ردتج تردين


سره ضعنج بعد مايرد هيهات
طولج غاب نص لمكبره بات
اكضي الليل ابجي وآه حسرات
رضيتي شلون يايمه تموتين


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءمن الجزءالرابع
بتاريخ الاحد/2024/9/29
٢٥ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

فزاعيه سريعه الزهراءع

مشتق من بحرالرجز
نصف وزن الحدي
مستفعلن مستفعلن


كلمن يون ومنفجع
نقسم عليها بالضلع


تنطين كلمن حاجته
يبجي ويون بدمعته
يندب بسمهاوسمعته
كلب ليحبها منوجع


نتوجه الها بالبجي
وهمومنه ونبدي لحجي
بالباب يمها ونرتجي
لينادي فاطم تستمع


من جفها تنطي وماترد
نمشي عليها لمنمرد
ولطفله وبعمر الورد
وحسين وبيوم لوكع


تنطينه ندري ام لحسن
وتشيل همنه و لحزن
تحضرنه فاطم بالمحن
نبجي ونهللها لدمع


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءمن الجزءالرابع
بتاريخ الاحد/2024/10/13
٩ربيع الاخرسنة هجري ١٤٤٦
نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

قصيده السيده الزهراء ع


وزن الفائزي من بحرالرجز
مستفعلن مستفعلن مستفعلاتن


ردي عليه يم حسن يمه لحنينه
وحشه غرفتج مظلمه ردي علينه



وحشه أصد لغرفتج وحشه لثنيه
أسنين طالت غيبتج جنه سويه
والعين تحري بالدمع لجلج جريه
اغبار حيل متربه كلش حزينه


يوميه احن لجيتج وعليه رجعي
مكسوره كسره باليتم ملتوي ضلعي
مليت أنه من لهظم يايمه سمعي
ماتطفه نار البلكلب جمرة ونينه


مفجوعه حيل لموتتج ماكلتي بتي
روحي تريدج بالعجل يالعني شلتي
عفتنيي أنوح بغربتي كتلتني ونتي
دارج تون وموحشه وحنه شبدينه


بنيتج وطب لغرفتج ابجي ونوحن
لومرني ياليل الكدر جاوين أروحن
بتراب صرتي وبالكبرجاشنهي الوحن
هم مره مره بالنزل هم نشدي بينه


والدار ظلمه مكدره ماتحله دونج
وجهج ييمه للكبر منخطف لونج
ابجي وراج وناحله نامت عيونج
من يوم رحتي يم حسن واحنه بجينه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءمن الجزءالرابع
بتاريخ الاثنين/2024/10/14
١٠ربيع الاخرسنة هجري ١٤٤٦
نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

نعي كرناوي بوزن الانصاري
السيده الزهراء عليها السلام


ردي ارحوج يايمه علينه
مشتاكين نشتم عطرج اليوم


زغاروبالعمر هالتجري هالعين
يون ابنج يريدج كلبه مالوم


مالومين نكظي الليل بالاه
نخلصه بالبجي اهاته وهموم


شبعنه ظيم يمه عليج حسرات
نحن لجيتج والكلب مهظوم


بجينه يالحنينه وكلشي مافاد
تجري عيونه وتصب بالدموم


بقت عدنه لملابس يمه تذكار
عطرج للابد باقي بالهدوم


عفتينه بمناحه احنه وزغار
كل واحد يون وكلبه مصدوم


عزيزه يالمشيتي بعيد وبعيد
من عندج ييمه لولد محروم


يم طول لحلو نمتي بالتراب
غابت صورتج عنه ولرسوم


غربتي ورحلتي وين ماوين
حزين لظل وراج وحيله مهدوم


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
من الجزءالرابع
يازهراءبتاريخ السبت/2024/10/26
٢٢ربيع الاخرسنة هجري ١٤٤٦
نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA