فزاعيه للاربعين


اليوم اربعينك يالولي
مشايه جيت لكربله


خويه جبتلك هالحرم
يمك اسولف كل هظم
ومخزنه اجروح والالم
وياظيم تدري الحامله


واليسر موتني اليسر
من المشي ظهري نكسر
عذبني يومك والگمر
وياي جبت العايله


تعبانه گاظيني الحزن
لمصابك عيوني عمن
كل لبنات تعذبن
وبنيه منهن راحله


متعنيه ليك وبالدمع
مكسور منك جم ضلع
عطشان گلبك منفجع
متعنيه ليك ونحلانه


ليوم صارت الربعين
مشتاگه اشمك يالحنن
افتحلي گبرك يالحنين
وعيوني من دم سايله


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءالجزءالثالث
٩صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

لطميه الاربعين الامام الحسين (ع)



جايبه لليله لبنات وارد ابات
عالكبر يحسين وصلن ناحبات


حسين خويه گوم فز لنه وتعال
والدمع من عينهن ادموم سال
من دخلنه المجلس ويم الرجال
ظلن ينادن يبويه محسرات


يسولفن من طبن المجلس يزيد
يگولن الظلام  من عدنه  شتريد
ونذبح    والدنه من  نحر الوريد
ويم زلم كفار هنه مجتفات


يزمخ عليهن الطاغي وبالصياح
والقصر مليان ناس وبالرماح
بالخرابه يبجن لحد الصباح
وبالحبل لادين عمده مشددات


بالحزن يحجلك المر ولي صار
وگفوهن  بالشمس  هم   نتظار
باب ساعه   بااقصر  والوكت حار
راحن ويه الگوم تالي ملوعات


شافن لوعات وشكال العذاب
وبدن وياك الحجي بنوح وعتاب
مانسن يحسين يومك والمصاب
ردن من الشام حيل معذبات


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءالجزءالثالث
٩صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

قصيده للاربعين


حسين يتلكه لبنات
جايه انصب تعزيات
وارد اگله معذبات


رايحين من اليسر لارض الطفوف
بعينه اريدحسين ولحالي يشوف
خلي يجي ويگوم ابوگلب الروف
من الشمر وعياله كاتلهم الخوف

من اليسر هالجايات
حسين يتلكه البنات

من اليسر جبت البنات ورايحه
لكربله من الشام وانصب فاتحه
من الشمر لحسين يشكن صايحه
عالگبر وبصفه نصبن نايحه

يسولفلهم راكاضات
يكوم يتلكه البنات


من التعب والضيم كلها كاعده
للكفل وحسين ذيحه مواعده
كلمن تون عالگبر ماهايده
يشكن الگوم العليهن هاده

من الاعادي مخوفات
حسين يتلكه للبنات


راحن يركضن بناته عالگبر
يشكن من لظيم ودروب اليسر
مورمات امتونهن طك لشمر
والجدام محركه من الجمر

ولعبي ومتربات
حسين يتلكه لبنات


نصبن الاهات سونها تعازي
من ابوهن والگمر مدري شنجازي
كلمن الصاحت عليهم هاعزازي
وعاتبنه الموت شبسرعه متوازي

نگعد بصفه ونبات
حسين يتلكه البنات


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءالجزءالثالث
٩صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

فزاعيه للاربعين


رديت من درب اليسر
تعبانه هاي لعايله


والحيل كاضي يالگمر
بحزاني خلصت العمر
مانمت الليل الي اليمر
رديت خويه لكربله


غدراني عذبني الوكت
والدمعه من دم وتكت
تعبانه روحي هالگضت
والعين لجلك هامله


عباس انهظ كافلي
رديت خويه لمحملي
لاانت لاگامو هلي
خلصانه خويه وناحله


والراس جبته يالكفل
ياريت يمك هم اظل
مفگود مني جم طفل
هاي لاراضي ام البله


اشكيلك اهموم الگلب
گطعيت جم درب بدرب
ماتگعد تگوم شعجب
رديت ظيم محمله


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراء الجزءالثالث
٧صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

مربعه للاربعين


جانت بالسير يحسين نحلانه
من گد المشي والدرب تعبانه
جروح هواي كلش حيل مليانه


متغيره يزينب شنهي البيها
مصابك ماجره بالكون گاظيها


جانت باليسر يحسين متعوبه
وردت من مكان بعيد مصيوبه
هاي ام الخدر تدريها محجوبه

(من عداها/ ردت يحسين)


لاكن من اجت وبنيه مفگوده
بارت عيلتك للموت مشهوده
تگوم من الگبر وتحيي مريوده

(تعبانه/ من ناس الظلمت)


صارت لاربعين وردت الحره
بيد عداك جانت هيه متيسره
متندمه عليك وحيل متحسره

(حزنانه /من شافت حالك)


وصلت كربله ونصبت التعزيه
ضلوع ام الخدر وعليك محنيه
تعتب بالعتب والعين مجريه

(وتحجيلك/ الظيم المرها)


گعدت عالگبر وتسولف بدمعه
من ظيم العده وحباله متوجعه
تحجي اليامصيبه هواي منفجعه

(ومحزونه/ومصابك هدها)


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراء الجزءالثالث
٧صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

قصيده للاربعين الامام العباس ( ع)

نحجي نشكيلك هضمنه هضمنه
نگلك الشامت ضربنه ضربنه


بربعينك يبوفاضل واحنه اجينه
عگبك الظالم شتمنه وشد ادينه
بس حرم وطفال والوادم علينه
من السفر كلش تعبنه تعبنه


آه يادرب السبي طولك نريده
يامسافات المشيناها بعيده
عفنه بت حسين بالشام وحيده
بروسكم كلش فجعنه فجعنه


خل اسولفك سوالف وحده وحده
والشمر بصياطه وعلينه يتعده
ردتك من يكطني بيده نت لترده
ظيم وصياح وشتمنه شتمنه


كون ساعات الدخلنه وانته حاضر
بس بنات حسين وعيون نواظر
ناس غربه ياكفيلي وجيش داير
نريد الملاگه رجعنه رجعنه


نحسب ايام وشهر عباس وينك
ردت من الشام تتلاطم بنينك
جينه ننصب هالعزه نسوي أربعينك
بجي لمصابك شبعنه شبعنه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراء الجزءالثالث
٧صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

نعي للاربعين الامام العباس (ع)


اليوم اربعينك يالولي ومشتاگه
جيتك يعباس ودمعتي حراگه
گلي ياهلا بخيتي ولملاگـه


متعنيه عليك وحيلي خلصان
راسك منطبر ياعالي شان
وجبت عيالي والدمع جريان


وصلنه لكربله ومابيه كل حيل
طريت الدروب وجيت بالليل
يريت خلاف عينك اختك تشيل


اليوم اربعينك جيت ياحيد
ميت ومذبوح خويه من لوريد
ماگلت اخيتي جايه ومني شتريد


يومك يعباس كلش گضاني
ورديت احجيلك عن زماني
خلافك هالشمر للشام وداني


عوف نومك ياجفيل وكوم ليه
افزع يبوفاضل وسالم اديه
اشجي الهموم والضيم لعليه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراء من الجزءالثالث
٧صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA

الابوذيه اللامام الحسين ع

حسين من العطش يبسات شفاه
وتربتــــــه دوه للمعـــلول شفاه
لمن عنده بصــــــيره دوم شفاه
ويتنـــور بنــــور بــن الزجيــه

الشفه
الشفاء
النظر

خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاربعاء 2025/7/30
٤صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://t.me/AAAAAFCTP6mH2egqJ1qA