🇵🇰🇺🇿 Покистон давлат банки Ўзбекистонда филиал очади — The Express Tribune

The Express Tribune нашри хабар беришича, Покистоннинг йирик давлат банки — National Bank of Pakistan (NBP) яқин вақтларда Ўзбекистонда ўз филиалини очишни режалаштирмоқда.

Бу қарор икки мамлакат ўртасидаги савдо ва ҳисоб-китобларда учрайдиган тўсиқларни бартараф этиш, пул ўтказмалари ва молиявий операцияларни соддалаштиришга хизмат қилади.

Ушбу келишув Покистон–Ўзбекистон ҳамкорлиги бўйича 8-сессияда муҳокама қилинган ва музокараларда қайд этилган.

👍Каналга уланиш👉🏻 @Bankxabar

❗️Олтин нархи 2026 йил охиригача 5 300 долларга чиқиши мумкин — J.P. Morgan

J.P. Morgan таҳлилчиларига кўра, олтин нархи яқин йилларда кескин ошиши мумкин. Прогнозга кўра, 2025 йилда олтин 5 минг доллардан ошиб, 2026 йил охирига бориб 5 200–5 300 долларга етиши кутилмоқда.

Бу ўсишнинг асосий сабаби сифатида ривожланаётган давлатлар марказий банкларининг рекорд даражадаги олтин харидлари кўрсатилмоқда. Жаҳон Олтин Кенгаши маълумотларига кўра, марказий банклар сўнгги бир йилда захираларига 634 тонна олтин қўшган. Бу аввалги йилларга нисбатан пастроқ бўлса-да, 2022 йилгача бўлган ўртача кўрсаткичдан анча юқори.

Хитой, Полша, Туркия ва Қозоғистон энг йирик харидорлар қаторида. Айниқса, Хитой долларга қарамликни камайтириш учун жадал равишда олтин тўпламоқда. Шунингдек, кўплаб давлатларда бюджет профицитлари юзага келмоқда, бу эса марказий банкларни катта маблағларни қайта инвестиция қилишга мажбур қилмоқда. Бу маблағларнинг бир қисми долларда сақланаётган бўлса-да, захирадаги олтин улуши босқичма-босқич ортиб бормоқда.

Инвесторлар томонидан талабнинг ўсиши ҳам нарх ошишига таъсир қилмоқда. Мутахассислар таъкидлашича, инвесторлар портфелида олтин улуши ҳали ҳам паст, шу боис кичик талаб ҳам нархларга жиддий таъсир кўрсатади.

👍Каналга уланиш👉🏻 @Bankxabar