Assalomu alaykum, do‘stlar!
O‘tgan haftadan boshlab oilaviy ta’tildaman, shu bois 1.5 oy mobaynida faolligim to'htaydi.

Sentabr oyida, nasib bo‘lsa, Xalqaro Rivojlanish Banklari forumida ishtirok etaman. Shuningdek, sentabrning uchinchi haftasidan kanalimizda yana faol va foydali faoliyatni boshlayman Xudo xohlasa.

Men butunlay boshqa vaqt mintaqalarida bo‘laman, shu sababli shaxsiy savollaringizga javoblar biroz kechikishi mumkin.

Vaqtilarga baraka, ishlaringizga rivoj va munosabatlarga isloh !

Ba’zilarimiz tushunmadi va menga yozdi: “real foyda” yoki “naqd foyda” deganda nima nazarda tutdiz deb? Shuning uchun oddiy qilib tushuntiraman.

Buxgalteriya foydasi - bu qog‘ozdagi foyda.
Erkin naqd pul/foyda - bu sizning qo‘lingizda qoladigan haqiqiy pul.

Tasavvur qiling, siz tadbirkorsiz. Sizning kompaniyangiz yil yakunida 100 mln so‘m foyda ko‘rsatdi. Ammo bu puldan oldin quyidagilarni to‘lashingiz kerak:

Yangi uskuna xaridi
Omborni to‘ldirish (tovar zaxirasi)
Har kunlik ish faoliyatini yuritish (aylanma kapital)

Shularning hammasidan keyin qolgan pul – bu erkin naqd pul oqimi, ya’ni:

Kompaniyani qarz beruvchilariga va asoschilariga real tarzda qolgan naqd mablag. Erkin naqd pul oqimi nima uchun muhim? Chunki aynan mana shu pul orqali:

biznes davom etadi
Kreditlar va qarzlar qaytariladi
Rivojlanish loyihalari moliyalashtiriladi

Shuning uchun kimdir aytsa: "Bizning sof foydamiz 5 milliard so‘m!" siz javob bering:
"Erkin naqd pul oqimi qancha?".

@chiroylimoliya shunga sof foydani tegmang...dividend olishga erkin naqd pul ozi bormi deb so'rang

Yaqinda bir tadbirkor shunday deb yozdi: “Pul doim yetmaydi, biznes uchun hamisha kimdandir qarz olishga to‘g‘ri keladi. Charchadim. Nega bunday bo‘layotganini tushunmayapman.”

Men so‘radim: Sizda biznesdan pul yechish bo‘yicha intizom bormi?
U hayron bo‘lib javob berdi: Bu nima deganingiz?
Men aniqlashtirdim: Biznesdan qachon va qancha pul olish mumkinligini bilasizmi? Maksimal miqdorni belgilab olganmisiz?
U dedi: Yo‘q, hech qanday aniq qoida yo‘q.
Keyin so‘radim: Umuman olganda, siz biznes foydasini hisoblayapsizmi (chunki biznesdan pul olsa ham, real foyda miqdoridan ko'p olish mumkin emas!!!) ?
U dedi: Faqat ustama miqdorini aniqlash uchun hisoblayman xolos, lekin sof foydani hisoblamayman...
Xullas, shu yerda to'xtayman... bu juda achinarli va keng tarqalgan holat...

Tadbirkor, esda tuting: Biznesdan maksimal olish mumkin bo'lgan miqdor bu sizning haqiqiy foydangiz (ham ishlab topilgan, ham naqdda olingan!). Undan ko'p olish, bu oxir oqibat biznesning o'limiga olib keladi...

Agar foydani hisoblashni bilmasangiz, biznesga umuman yaqinlashmang. Nafaqat biznesga, balki mulkingiz, oilangiz va psixikangizga ham shikast yetkazasiz...

@chiroylimoliya afsuski, foydani hisoblamagan, biznesdan pul olishda intizomi bo‘lmagan insonga hayot o‘zi eng yaxshi va achchiq murabbiy...

Eng avvalo kam ta’minlangan aholi qatlamlari. Ularda, odatda:
• inflyatsiyadan himoyalaydigan aktivlar yo‘q,
• jamg‘armalari juda kam va tezda yemiriladi,
• daromadlarining katta qismi asosiy ehtiyojlarga (ovqat, kommunal xizmatlar, transport) sarflanadi. Aynan ular eng birinchi qimmatlashadi. Inflyatsiya ularning sotib olish qobiliyatini ko‘z o‘ngimizda “yeb yuboradi”.

Ammo boy qatlam vakillari odatda ko‘chmas mulk, aksiyalar, bizneslar, tilla kabi aktivlarga ega bo‘ladi. Ular inflyatsiya bilan birga yoki undan ham tezroq qimmatlashadi.

Bundan tashqari, boylar inflyatsiya davrida arzon kreditlar oladi va bu arzon qarz mablag‘lariga yoki aktivlarni arzon narxda sotib olishadi, yoki biznesini kengaytirishadi. Natijada, ularning qarzlari qadrsizlanadi, ammo aktivlari (boyliklari) qimmatlashadi.

Bu chuqur fundamental ustunlik, ya'ni boylarni aktivlari o‘sadi, qarzlari esa o'zi arzon va inflyatsiya davrida undan ham arzonlashadi. Shunday qilib ular kapitalni ko‘paytirishda davom etadi, boshqalar esa yo‘qotadi.

@chiroylimoliya Oxir-oqibat, inflyatsiya faqat kambag‘allarning ahvolini yomonlashtiribgina qolmay, jamiyatdagi ijtimoiy qatlamlar o‘rtasidagi tafovutni ham keskin kuchaytiradi