ئینسانم. ژیانم پێ خۆشە. پێم خۆشە لە شاری ئاوەدان، لە شەقامی پاک‌وخاوێن لەگەڵ خۆشەویستان بگەڕێم‌‌‌؛ پێم خۆشە لە ژووری گەرم‌وگوڕ لە سەر نوێنی نەرم وەرکەوم؛ پێم خۆشە سەر وە باسکێکی نەرمونۆڵ بکەم؛ پێم خۆشە کام خۆراک خۆشە لە پێشم بێ؛ پێم خۆشە کام شەراب چاکە لە جاممدا بێ؛ دەمەوێ سەما و هەڵپەڕینی نازداران تەماشا بکەم؛ دەمەوێ جوانترین بالە ببینم، بۆ چاکترین ئۆپێرا گوێ ڕابگرم؛ دەمەوێ بەرزترین سەمفۆنیم بۆ لێ بدرێ؛ نامەوێ دەربەدەر و سەرگەردان بم، بەتەنێ بە کێو و شاخاندا بگەڕێم، لە ئەشکەوت و زەندۆڵان بخزێم، لە سەر بەردی ڕەق بنووم، قۆنداغی ڕەق و ساردی تفەنگ بکەمە سەرین، نانی وشک و کەڕوواوی بخۆم، ئاوی سوێر و گەرم بخۆمەوە؛ پێم خۆش نییە لاقەفرتە و چنگەکڕەی نیوەگیانان ببینم، خوێن و فرمێسکم وە بەر چاو بکەوێ؛ پێم خۆش نییە بە تەقەی تفەنگ و گرمەی تۆپ و هاڕەی تەیارە ڕابچەنم؛ بەڵام چ بکەم، کوردم، ئەمانە هەموو و تەنانەت کوژران و کوشتنم پێ لە کۆیلەتی خۆشترە.

✍مامۆستا هێمن، ۱۳۵۲/۱۱/۳



✨ @rojdafolklor