ጤና ሚኒስቴር ከብሔራዊ መታወቂያ አገልግሎት ጋር በመተባበር በሀገር አቀፍ ደረጃ የሚሰራ አንድ ወጥ የሆነ የጤና መታወቂያ ስርዓት ለመዘርጋት እየሰራ መሆኑን ገልጿል።

ይህ አዲስ አሰራር ከብሔራዊ መታወቂያ ጋር በሚናበብ መንገድ ተግባራዊ የሚደረግ ሲሆን፤ የጤና ስርዓቱን በማሻሻልና የማኅበረሰብ የጤና መረጃ አሰባሰብን ለማቀላጠፍ ከፍተኛ አስተዋጽኦ ይኖረዋል ተብሏል።

የጤና ሚኒስቴር ሚኒስትር ዴኤታ ሳህረላ አብዱላሂ፤ "ይህ ሥራ የዲጂታል የጤና ስርዓትን ለማስፋፋት እየተደረገ ካለው ሰፊ ጥረት ጋር የተያያዘ ነው" ብለዋል፡፡

ሚንስትሯ በማብራሪያቸው፤ አዲሱ ወጥ የጤና መታወቂያ ስርዓት ተግባራዊ ሲደረግ የመረጃ ክፍተትን ያሻሽላል አገልግሎት አሰጣጥን ያቀላጥፋል ብለዋል፡፡

የጤና ኤክስቴንሽን ባለሙያዎችም የተሻሻሉ የቴክኖሎጂ ውጤቶችን በመጠቀም መረጃዎችን በዘመናዊ መንገድ እንዲሰበስቡ የሚያግዝ አሰራር እየተዘረጋ እንደሆነ ሚኒስትር ዴኤታዋ አብራርተዋል።

ይህ አሠራር በተለይም በማኅበረሰብ ደረጃ የሚገኙ የጤና መረጃዎችን በፍጥነት በመሰብሰብ የሚፈጠረውን የመረጃ ክፍተት የሚያቀል ይሆናል።

ይህንን አዲስ አሠራር በመጠቀም እስካሁን ድረስ 29 ሚሊየን የሚሆኑ በከተማ አካባቢ የሚኖሩ ዜጎችን መመዝገብ መቻሉን ወይዘሮ ሳህረላ ተናግረዋል።

በተጨማሪም የዲጂታል የጤና ስርዓትን ለማስፋት በሚሰራው ሥራ ውስጥ ባንኮች እና ሌሎችም አገልግሎቱን ማቅረብ የሚችሉ ተቋማት ተሳታፊ ሊሆኑ እንደሚችሉ ተገልጿል።

@zena_ethiopia24
@zena_ethiopia24

የትምህርት ሚኒስትሩ ፕሮፌሰር ብርሃኑ ነጋ አዲስና ቁጣንና የተቃውሞ አመጽን የቀሰቀሰ ውሳኔን ይዘው ብቅ ብለዋል፡፡ውሳኔውን ተከትሎ በተለያዩ ዩኒቨርሲቲ የሚገኙ ተማሪዎች፤ “እኛ በጉዳዩ ላይ ሳንመክርንበትና ፈቃደኝነታችን ሳይጠየቅ በትምህርት ቆይታችን ላይ አንድ ዓመት መጨመሩ ተገቢ አይደለም" ሲሉ የተቃውሞና የምሬት ድምጻቸውን አሰምተዋል፡፡

በጉዳዩ ላይ አስተያየት የሰጡ ሰዎች“ለትምህርት ስርዓቱ መውደቅ ተጠያቂው ብርሀኑ ነጋ(ፕ/ር) ነው፤ ሰውዬው ህሊና ቢኖራቸው ኖሮ ለውድቀታቸው ሥልጣናቸውን መልቀቅ ነበረባቸው” ሲሉ ይሞግታሉ፡፡

ታማኝና ወቅታዊ መረጃዎችን በተሻለ ጥራትና ቆንጆ አቀራረብ መከታተል ለምትሹ ጥሩ የመረጃ ቻናል ነውና ሰብስክራይብ አድርጋችሁ ተከታተሏቸው።

https://youtu.be/4VBWQa0iQbI?si=u76uJ8TCmNbWKjcZ

!
በሾላ ገበያ የሞቱ ዶሮዎችን በል’ተው ለገበያ ሊያቀርቡ ሲሉ ተያዙ

የአዲስ አበባ ከተማ አስተዳደር ደንብ ማስከበር ባለስልጣን የየካ ክ/ከተማ ወረዳ 08 ደንብ ማስከበር ጽ/ቤት ከሰላም ፀጥታ ፅ/ቤት እና ከአዲስ አበባ ፖሊስ በጋራ በመሆን ባደረገዉ ድንገተኛ ኦኘሬሽን በሾላ ገበያ ህገወጥ የዶሮ እርድ ሲያከናዉኑ በነበሩ ግለሰቦች ላይ እርምጃ ወስዷል።

በተደረገው ክትትልና የተቀናጀ ኦፕሬሽን ግለሰቦቹ የሞቱ ዶሮዎችን በማረድ እና በማሸግ ለተለያዩ ሱቆችና ሆቴሎች ለማከፋፈል ሲዘጋጁ በነበረበት ሁኔታ የተያዙ ሲሆን በዚህም የታሸገ ዶሮ በቁጥር መቶ (100) ተበልቶ ለመታሸግ የተዘጋጀ አርባ ሁለት (42) ተይዟል።

የሞቱ ዶሮዎችን ለህብረተሰቡ እና ለሆቴሎች ከመከፋፈላቸዉ በፊት እርምጃ መወሰዱን የየካ ክ/ከተማ ወረዳ 08 ደንብ ማስከር ጽ/ቤት አስታውቋል ።

መረጃው:- የአዲስ አበባ ከተማ አስተዳደር ደንብ ማስከበር ባለስልጣን የኮሙኒኬሽን ዳይሬክቶሬት ነው።

@zena_ethiopia24
@zena_ethiopia24

ቢሮው ያለ ረዳት አገልግሎት የሚሰጡ ታክሲዎች በከተማዋ እየበዙ ነው ያለ ሲሆን ከዚህ በኋላ በመመሪያው መሰረት #ረዳት የሌላቸውን ታክሲዎች እቀጣለሁ ብሏል።

የአዲስ አበባ ትራንስፖርት ቢሮ የትራንስፖርት አገልግሎት ክትትልና ኢንስፔክሽን ዳይሬክተር አቶ ጌትነት ታመነ ያለ ረዳት ማሽከርከር ገንዘብ በመቀበል፣ ገቢና ወራጅ በመቆጣጠር የሹፌሩን ትኩረት ስለሚሰርቅ ለአደጋ ያጋልጣል ብለውናል።

ኃላፊው ከዚህ ቀደም ለሌሎች የትራንስፖርት እንቅስቃሴዎች ብቻ ትኩረት በመስጠታችን ረዳት ያላቸውና የሌላቸውን ተሽከርካሬዎች የመለየት ውስንነት ታይቶብናል ብለዋል።

ከዚህ በኋላ ግን የታክሲ ረዳት መኖር አንዱ የትራፊክ ደህንነት አካል በመሆኑ ሁሉም የህዝብ ትራንስፖርት አገልግሎት ሰጪ ተሽከርካሪዎች ላይ ክትትል እናደርጋለን ብለዋል።

@zena_ethiopia24
@zena_ethiopia24

አዲስ የትምህርት ደንብ: እስከ 150,000 ብር የሚደርስ ቅጣት እና የባህል ጥበቃ! 🇪🇹

የትምህርት ሚኒስቴር በትምህርት ተቋማትና አካባቢያቸው የትምህርት አዋኪ ድርጊቶችን ለመከላከልና ለመቆጣጠር የሚያስችል አዲስ የሚኒስትሮች ምክር ቤት ረቂቅ ደንብ ማውጣቱን አስታወቀ።

ይህ ደንብ የትምህርት ጥራትን ለማረጋገጥ እና ብቁ ዜጎችን ለመፍጠር ያለመ ነው።

ዋና ዋና ነጥቦች እና ዓላማዎች:
* የትምህርት አዋኪ ድርጊቶችን የሚፈጽሙ ግለሰቦች እና ተቋማት እስከ 150,000 ብር የሚደርስ የገንዘብ ቅጣት እንደሚጠብቃቸው ተመላክቷል።

ደንቡ እየጨመሩ የመጡትን አዋኪ ጉዳዮች ከመግታት ባሻገር፣ ከኢትዮጵያውያን ወግና ልማድ ጋር ይቃረናሉ ተብለው የተለዩ የውጭ ባህላዊ ልማዶችን በትምህርት ተቋማት አካባቢ መፈጸም ሙሉ በሙሉ ይከለክላል።

ዋንኛው ዓላማ በትምህርት ቤቶችና አካባቢ የሚስተዋሉ አዋኪ ጉዳዮችን በመከላከል፣ ሁለንተናዊ ስብዕናው የተሟላ፣ በመልካም ሥነ-ምግባር የታነፀና ግብረ-ገብነትን የተላበሰ ብቁ ትውልድ እንዲፈጠር ማስቻል ነው።

የተከለከሉ የውጭ ባህላዊ ድርጊቶች ምሳሌዎች:
አዲሱ ደንብ የሀገሪቷን ባህልና ወግ ይቃረናሉ ተብለው በግልጽ የዘረዘራቸውን አሉታዊ መጤ ድርጊቶችንና ክብረ በዓላትን ይከለክላል።

ከእነዚህም መካከል:
* Crazy Day
* Gentle Day
* Olds Day
* Valentine Day
* Color Day
* Pyjama Day

የሚሉት ይገኙበታል።

የእርስዎ አስተያየት ምንድነው?
ይህ አዲስ ደንብ የትምህርት ጥራትን ለማሻሻል እና የሀገርን ባህል ለመጠበቅ የሚኖረው አስተዋፅኦ ምን ያህል ነው ብለው ያምናሉ? አስተያየትዎን ከታች ያጋሩን!

@zena_ethiopia24
@zena_ethiopia24