عزيزى المريض . الطب مش وجهات نظر ‼️

⚡لما تلاقى ضغطك ٨٠/١٣٠ ما تقولش ضغطى عالى اصل الطبيعى بتاعى أنه واطى على طول !!

⚡لما تشتكى من صداع متكرر ما تروحش تقيس ضغطك فى الصيدليه عشان متخيل أن الصداع = الضغط . لكن الصح تروح تكشف وتسيب التشخيص للدكاتره المتخصصه

⚡ لما يجيلك اسهال متكرر ما تروحش الصيدليه عشان تاخد مطهر معوى !! الصح انك تروح تكشف تشوف السبب ايه والطبيب يعالج المشكله الاصليه اللى عملت الاسهال !!

⚡ لما يجيلك الم فى البطن أو ترجيع ما تروحش من نفسك المعمل وتطلب تحليل جرثومة معده ..الصح انك تروح تكشف وتسيب الطبيب يحدد تشخيص حالتك والفحوصات اللازمه ليها وعلاجها كمان

⚡ لو عملت تحليل جرثومة معده ولقيت جرثومة المعده موجوده مش لازم تكون بالضروره هيا سبب الاعراض اللى بتشتكى منها. وما تروحش تكشف بغرض انك تعالج الجرثومه كأن مفيش سبب لمشكلتك غيرها ..الطبيب ادرى منك اذا كانت الجرثومه اصلا سبب لاعراضك او مش سبب

⚡لو جالك ضيق تنفس ما تروحش الطوارئ بغرض أنك تاخد جلسة موسع شعب من نفسك ..سيب الطبيب يحد سبب الضيق ده ويعالجه بمعرفته سواء احتاج جلسه أو لا

⚡ لو رحت الطوارئ لأى سبب مش لازم ولابد انك هتعلق محلول !! ممكن جدا حالتك لا تستدعى اى محاليل وربما تكون المحاليل خطر عليك ..اترك الموضوع للطبيب المعالج وما تتخانقش معاه عشان تعلق محلول بالعافيه

د. حسام مختار

مؤخرا بدأنا نلاحظ انتشار أورام القولون في أعمار صغيرة بين الأطفال دون سن السادسة عشرة.
والأعجب أني تعاملت اليوم مع حالة لطفل 14 عاما خضع لعملية استئصال كامل للمعدة (Total Gastrectomy).
لأول مرة في سن كهذا بسبب ورم متقدم في المعدة
Gastric Carcinoma!!

هذه الحالات لم تكن مألوفة لنا، خاصة أن مثل هذه الأورام كنا ندرسها في سياق الشيخوخة وتقدم العمر وليست في مرحلة الطفولة !!
للأسف، التغيّر الجذري في أنماط التغذية والسلوكيات الغذائية الدخيلة على مجتمعاتنا من أطعمة مصنّعة، ومشروبات مليئة بالسكر والنكهات الصناعية، والنودلز اياها، واعتماد مفرط على الوجبات السريعة يُعدّ أحد الأسباب الرئيسية لهذه الكارثة الصامتة.

فلنُحسن تغذية أبنائنا، ولنُعيد غرس العادات الصحية في بيوتنا، فالصحة تبدأ من التغذية الصحية السليمة... ومن وعي الأسرة.

اللهم احفظ أبناءنا، وعافِنا وإياكم من كل مكروه وسوء.