مفاجأة بعرف لح تروقوا عليها و منتظرينها من زمان 😂❤️

اتفقنا انا و دالاتي انو نعمل الاسبوع الجاي ترميم
يعني ما ناخد فصول جديدة 🥳❤️‍🔥❤️‍🔥
يكون عبارة عن مراجعة و ترميم مشان نكون كلنا ماشيين مع بعض بالمادة

هاد الشي كان لعدة اسباب :
🔴 اول شي : عم نشوف كتير طلاب عم تبعت عالخاص بدا هالشي لانو مقصرين كتير و ما لحقوا يراجعوا
🔴 تنين : شفنا انا و دالاتي انو منقدر نعمل تمديد اسبوع زيادة عالخطة بدون ما نتأخر

بالخطة الاساسية منخلص الكيميا بتاريخ ٣٠/١٢
هلق بعد التمديد صرنا منخلص ب ٦/١
و بتخلصوا فيزيا مع نوار بتاريخ ٤/١
و بتخلصوا بيولوجيا مع الدكتور يوسف بتاريخ ٨/١
ف بهل شكل حتخلص المواد التلاتة الاساسية بنفس الاسبوع
اسبوع التمديد هاد ما لح يأثر علينا
بالعكس لح يريحكن و يخليكن تسيطروا عالمادة اكتر و بدون أي تأخير

🔴 اذاً كيف صارت الخطة هلق بعد الازاحة ؟
الاسبوع القادم ترميم
و الاسبوع ما بعد القادم منكفي عالخطة بالفصول 8 + 9 و هكذا ...

🔴 الاختبار لح يتأجل للاسبوع الجاي كمان مشان الكل يكون مراجع و مجهز امورو لنحلو سوا 💪🏻❤️‍🔥

🔴 حبينا نخبرك بالمفاجأة هلق مشان تدرس
لو مخبرينك من الصبح كنت وقفت دراسة 😂
ف معلش هيك خليناك تضغط حالك لتخلص اكبر كمية ممكنة سواء دراسة او مراجعة
و لاحظ كيف لما تنضغط بتأنجز اكتر من لما تكون مرتاح
هيك حيكون انجازك بكرا باسابيع المواد لما تكون مضغوط (منحكي اكتر بعدين بهل موضوع ) 🙏🏻❤️❤️

موفقين يا اكابر و انشالله تكون المفاجأة عجبتكم 😂❤️❤️❤️

https://t.me/Elitechemistry

صباح الخير جميعا ❤️❤️❤️

هي الرسالة مخصصة لطلاب البلان B و C 🥰❤️❤️

🔴 الخطة B صرنا حاليا بالاسبوع التالت
عنا هالاسبوع الفصل 5 + 7 ❤️‍🔥

الفصل 5 حفظي بشكل اكبر بيخلص بيوم او حتى اقل
الفصل 7 بينقسم لقسمين و بيخلص بيوم ممكن اكتر حبة
اول قسم منو فهمي بالدرجة الاكبر بس سهل الفهم .. المهم تعرف شو النكشات الامتحانية لبتجي كل سنة و انا حاكيا بالفيديوهات و عاطيك كتير تمارين عليها
القسم التاني منو حفظي بالدرجة الاكبر و مضمونة اسئلتو انشالله

🔴 بتخلص دراسة الفصل و كالعادة بتحل بعدو دورات نظامية - كامبردج - نهاية الفصل المهمين - اخيرا الاتمتات عقناة المكتبة 🫡❤️‍🔥❤️‍🔥

🔴 الخطة C :
هي اول اسبوع
عنا التأسيسيات و الفصل ٢ و ٣

التأسيسيات هنن ٤ فيديوهات
بمدة ٥٠ دقيقة
بتحضرن و ما كتير بتدقق عكل حرف
اهم شي تركز عالفيديو التاني و الرابع
فيون اهم شي نركزو كبداية
و بعدين بتبلش فورا بالفصل ٢
فصل سهل جدا اغلبيتو بكلوريا
و بعدو الفصل ٣
التالت اطول اكيد من الباقي بس ما في شي صعب انشالله حتمشي فيه بسرعة
و اذا واجهت أي صعوبة فوت عمناقشات الكيميا و اسأل زملاءك بساعدوك بأي شغلة بدك ياها
و بينصحوك ❤️

🔴 كمية هالاسبوع بدا تقريبا يومين - يومين و نص دراسة
لا تضيّع وقت بإنك تسأل عن كل شي تفاصيل
في شغلات اجباري ما حتكون واضحة من اول مرة
و ما حتقدر تحقق المثالية يلي حاطا ببالك من اول مرة
المهم تبلش و مع الوقت كل شي بيوضح معك و بتصير تتعود عالدراسة اكتر و اكتر 🙏🏻❤️❤️

🔴 تابعوا قناة المكتبة هنيك موجودين الاتمتات 👇🏼
https://t.me/AnatomyEN

🔴 و اي حدا عندو اسئلة يبعتلنا عالبوت العلمي 👇🏼
@Elite_chemistry11_bot

🔴 او حاكونا عحساباتنا الانستغرام انا و دالاتي

موفقين يا رب ❤️❤️❤️
https://t.me/Elitechemistry

مسا الخير جميعا كيفكن انشالله الكل بخير 🙏🏻❤️❤️❤️

و اخيراً اول اسبوع ترميم و مراجعة بالكيميا 🤣
صرنا بالاسبوع السابع عالخطة ❤️‍🔥❤️‍🔥💪🏻

بتعرف اديش نعتبر نحنا مخلصين من المادة لهلق ؟
ككمية معلومات صرنا مخلصين تقريبا ٧٠% من افكار و معلومات المادة

صحيح العضوية بيجي عليها ٣٠-٣٥ سؤال
يعني هي تعادل تلت المادة
بس المعلومات فيها مو كثيفة و معباية نكشات متل الكيميا العامة
بالعكس حتكون العضوية احلى شي بتدرسو بكل المادة حرفيا
و حيزيد حبك للكيميا من بعد العضوية 🥰❤️
و الفصول الباقية من الكيميا العامة امورن بسيطة انشالله حنفرمن سوا

و بالتالي يلي ماشي عالخطة امورك كتييير ممتازة بالمادة
و يلي مقصر علينا .. هاد الاسبوع فرصتك الذهبية لترمم يلي لسا مو دارسو و تصير من الاسبوع الجاي معنا عالخطة ❤️‍🔥

🔴 لح نعمل اختبار شااامل و قوي جدا و امتحاني قريب كتير ع اسئلة الامتحان النهائي مع لمستنا الخاصة و نتفة صعوبة زيادة مشان ندرّبكن ع اسوء السيناريوهات لممكن تجيك
الاختبار هاد حيكون بخصوص النوطة الاولى
يعني الفصول : ١-٢-٣-٤-٥-٧-١٠-١٩

🔴 معك الفيديوهات المنقذة و المميزة فينا
يلي لح تراجعلك أي فصل باسرع بشكل ممكن و بأشمل شكل ممكن
فيديوهات الربع ساعة يا صديقي 🥰❤️‍🔥

نازل ربع ساعة لكل الفصول الداخلة بالاختبار
بتحضر و بس تخلص الفيديو يُفضّل ترجع للنوطة او الكتاب تقرأ عالسريع لتثبت معلوماتك
اذا ما معك وقت ترجع للنوطة و بدك تراجع بشكل سريع بكفي تحضر الفيديوهات ما عندك مشكلة 🫡

🔴 بس تخلص الربع ساعة و تراجع الفصل
مو ضروري ترجع تحل كامبردج و نهاية الفصل و الدورات و الاتمتات و كل هالقصص من اول و جديد
يعني مو منطقي ترجع تحلن كمان مرة

بتقدر تحل فقط كامبردج و كم سؤال دورة نظامية بس لتختبر حالك بهل فصل
من باب الاطمئنان يعني
و اذا حاسس حالك خاتم الفصل مو ضروري تحلن لهدول حتى
بتقدر تنتقل للفصل يلي بعدو فورا
اهم شي تكون انت مرن
لا تمشي عقواعد ثابتة متل الروبوت
ساوي الشي لبريحك انت تمام ؟ ❤️❤️

🔴 خليك متابع هون معي عالقناة و عالمكتبة
https://t.me/AnatomyEN

لح نضل متابعين معكن بتنزيل نكشات مميزة عنا ما حتلاقيا وين ما فتلت
هي النكشات ما حدا بيجمعا و بيحكيا غيرنا
ف اذا شفتا غريبة عليك بنسبة ٩٩.٩٩% انت مو متابع معنا 😂
و طبعا هي النكشات مو من عقلنا ولا اختراعنا
هي من اختراع دكاترتنا بالجامعات و يلي عم يجيبوها بالامتحان 🥰

موفقين يا وحوش بهل اسبوع 💪🏻
الاختبار للتلاتا المسا
منخبركن لوقتا تفاصيل اكتر 🙏🏻

https://t.me/Elitechemistry

احلى لحظات حياتك لما تشوف حلمك لكنت تفكر فيه يومياً عم يتحقق هلق قدامك
لما تشوف تعبك و سهرك لآخر الليل و فيقتك الصبح بكير انت و مرهق ما راحوا عالفاضي
لما تشوف اهلك يلي ما قصّروا معك بولا شغلة و قدموا كل شي بيقدروا عليه طول السنة فرحانين بفرحك
لما تسمع كلمة دكتور او دكتورة من اهلك هنن و عم يقولوها للعالم 😂❤️

هي هيي السعادة الحقيقية
السعادة يلي بتعطي معنى للحياة
و يلي بتخليك تضل عم تعطي افضل ما عندك

حدا لساتو متذكر تعبو بالبكلوريا ؟
لا
كل تعبك نسيتو لانو وصلت لهدفك
نفس الشي بالتحضيرية .. لح تتعب كتير بس كل هاد بينتسى اول ما ترجع تعيش هي اللحظات مع اهلك و احبابك ❤️❤️

و ان شاء الله نفس هي السعادة لعشتوها هلق بتعيشوها السنة الجاي بالفرع يلي بتحلموا فيه 🙏🏻❤️❤️❤️

هي هيك رسالة صغيرة حبيت نزل هالفيديو بحبو انا و بحسو معبّر 😂❤️
و مشان باركلكن جميعا
ان شاء الله الف مبروك يا رب و عقبال اعلى العلامات بالسنة التحضيرية 🙏🏻

هلق ساعة ساعتين تانيات بنزل رسالة نحكي مشان يلي لسا ما بلش دراسة شو يعمل
و شو هي خطة الكيميا الجديدة
خليكن متابعين معنا عالقناة 🫡❤️‍🔥❤️‍🔥👇🏼

https://t.me/Elitechemistry

يعطيكن العافية يا اكابر ❤️🙏

الف مبروك الكن جميعا صدور المفاضلة و الحمد لله الموازي ما ارتفعت كتير و بتوقع اغلبكن حقق حلمو بالدخول لهالسنة ❤️❤️

الاشخاص يلي كانت ضامنتها و مبلشة من زمان برافو عليكن جميعا ❤️🙏

🛑اما هلق نجي للاشخاص يلي مو مبلشين لسا و يلي كانوا ناطرين المفاضلة
صدقني انت بتلحق و بتقدر تجيب علامات عالية متلك متل غيرك بس يلي مطلوب منك حاليا انك تبلش دراسة و تبذل اقصى جهد عندك و تخلي دراستك بتركيز كبير و تمشي حسب التعليمات يلي رح نقلك عليها ✅❤️

🛑 بالنسبة لمادة الكيميا نحنا عاملين خطة تانية هي الخطة B و عاملين غروب خاص للطلاب يلي بدها تمشي عهي الخطة يا ريت تفوت عليه لهاد الغروب وهاد الرابط تبعو :
https://t.me/chemistryplanB

و المسا رح ننزللكن تسجيل للاشخاص يلي لسا ما بلشت مشان نفهمكم شو لازم تعملوا
بس حاليا انت جهز عدة الدراسة تبعك مشان ننطلق ✅✅😁

و اقرا هاد البوست لحتى تعرف شو هي الخطة التانية :
https://t.me/Elitechemistry/5664

موفقين ❤️🙏