Saida Mirziyoyeva habar berganidek, Prezident Shavkat Mirziyoyev tomonidan AQSH fuqarolari uchun vizasiz rejim joriy etilishi nafaqat turizm, balki ishbilarmonlik va insonparvarlik yo‘nalishidagi aloqalarni sezilarli darajada jonlantiradi.

Bu qaror orqali Amerika ishbilarmonlari O‘zbekistonga tez va qulay tarzda tashrif buyurishi, qo‘shma loyihalarni boshlashi va investorlar soni keskin ortishi kutilmoqda. Shu bilan birga, O‘zbekistonning xalqaro ochiqlik siyosati yanada mustahkamlanadi.

👉 @Muslimbek_Abdurahimov

Samarqandda UNESCO Bosh konferensiyasining 43-sessiyasi doirasida Saida Mirziyoyeva Qozog‘iston Respublikasi Davlat maslahatchisi Yerlan Karin bilan uchrashdi.

Uchrashuvda davlatlarimiz rahbarlarining siyosiy irodasi va sa’y-harakatlari tufayli O‘zbekiston va Qozog‘iston o‘rtasidagi munosabatlar qarindosh xalqlarimiz farovonligi yo‘lida izchil mustahkamlanib borayotgani mamnuniyat bilan qayd etildi.

Ayonki, ikki davlat o‘rtasidagi yaqin hamkorlik so‘nggi yillarda yangi bosqichga ko‘tarilmoqda. Bu esa nafaqat madaniy va gumanitar sohalarda, balki ta’lim, fan, iqtisod va innovatsiyalar yo‘nalishlarida ham yangi imkoniyatlar va umumiy rivojlanishga olib kelishi shubhasiz.

Suhbat chog‘ida gumanitar aloqalarni mustahkamlash, madaniyat, fan va ma’rifat sohalarida qo‘shma loyihalarni amalga oshirish hamda tashabbuslarni ilgari surish istiqbollari muhokama qilindi.

👉 @Muslimbek_Abdurahimov

❗️

🇰🇬 Qirg‘iz Respublikasi Prezidenti Sadir Japarov O‘zbekiston Prezidenti Shavkat Mirziyoyevni YUNESKO Bosh konferensiyasining 43-sessiyasi boshlanishi bilan samimiy tabrikladi.

Davlat rahbari bu voqeani Markaziy Osiyo uchun tarixiy ahamiyatga ega deb atadi:

“Bu - YUNESKO qarorgohidan tashqarida, Parijdan keyin, qariyb qirq yildan so‘ng ilk marotaba o‘tkazilayotgan sessiya bo‘lib, O‘zbekistonning yuksak xalqaro nufuzi va Markaziy Osiyoning o‘sib borayotgan ahamiyatidan dalolat beradi”

Sadir Japarov, shuningdek, Samarqandning ramziy o‘rnini ta’kidladi:

“Qadimiy Samarqand - ilm-fan, ma’rifat va ma’naviyat beshigidir. Bu yerda konferensiyaning o‘tkazilishi O‘zbekistonning sivilizatsiyalar o‘rtasidagi ko‘prik sifatidagi rolini yanada yorqin namoyon etadi”

Qirg’iz Respublikasi yetakchisi yozgan postida konferensiya ta’lim, fan va madaniyatda yangi ufqlarni ochib, xalqlar o‘rtasidagi do‘stlikni yanada mustahkamlashiga ishonch bildirdi.

Bu samimiy tabrik - ikki xalq o‘rtasidagi do‘stlik, o‘zaro hurmat va umumiy taraqqiyot yo‘lidagi birdamlikning yana bir ifodasidir.

👉 @Muslimbek_Abdurahimov