Qoraqalpog‘iston yoshlari uchun xorijiy va nodavlat OTMlariga 200 ta maqsadli kvota

Davlat komissiyasi bayoniga muvofiq, 2025/2026-o‘quv yili uchun Qoraqalpog‘iston Respublikasida doimiy yashaydigan va umumiy o‘rta, o‘rta maxsus yoki kasbiy taʼlim muassasalarini tamomlagan yoshlarga respublikada faoliyat yuritayotgan nodavlat va xorijiy oliy taʼlim tashkilotlari hamda ularning filiallariga davlat granti asosida qo‘shimcha 200 ta maqsadli qabul parametrlari ajratildi.

📅 Ushbu toifadagi abituriyentlar Bilimni baholash agentligining my.uzbmb.uz saytida 2025-yil 29-sentabrdan 6-oktabrgacha (6-oktabr to'lovning oxirgi kuni) ro‘yxatdan o‘tishlari mumkin.

📝 Ro‘yxatdan o‘tgan abituriyentlar uchun test sinovlari talabgorlar sonidan kelib chiqqan holda 2025-yil 12-oktabrga qadar o‘tkaziladi.

📚Tanlov natijalari 2025-yil 17-oktabrga qadar my.uzbmb.uz saytida e'lon qilinadi.

💳 Eslatma: Ro‘yxatdan o‘tishda abituriyentlardan O‘zbekiston Respublikasi Prezidentining 2019-yil 14-maydagi PQ–4319-son qaroriga muvofiq 0,5 BHM miqdordagi to‘lov undiriladi.

@abit_uz — Abituriyentlar uchun maxsus 🔴

Qoraqalpog‘iston yoshlari uchun davlat OTMlariga 500 ta maqsadli kvota

O‘zbekiston Respublikasi ta’lim tashkilotlariga qabul qilish bo‘yicha Davlat komissiyasi bayoniga muvofiq, 2025/2026-o‘quv yili uchun Qoraqalpog‘iston Respublikasida doimiy yashaydigan va umumiy o‘rta, o‘rta maxsus yoki kasbiy taʼlim muassasalarini tamomlagan yoshlarga davlat granti asosida qo‘shimcha 500 ta maqsadli qabul parametrlari ajratildi.

🔹 Ushbu tanlovda davlat oliy taʼlim tashkilotlarining bakalavriat taʼlim yo‘nalishlariga kirish imtihonida 68,0 va undan yuqori ball to‘plagan, kunduzgi taʼlim shakliga to‘lov-kontrakt asosida talabalikka tavsiya etilgan abituriyentlar ishtirok etishlari mumkin.

📅 Ushbu toifadagi abituriyentlar Bilimni baholash agentligining my.uzbmb.uz saytida 2025-yil 24–30-sentabr kunlari ro‘yxatdan o‘tishlari mumkin.

📍 Ro‘yxatdan o‘tgan abituriyentlar o‘zlari toʻlov-kontrakt asosida talabalikka tavsiya etilgan oliy taʼlim tashkiloti va taʼlim yo‘nalishi bo‘yicha davlat granti uchun maqsadli tanlovda ishtirok etadilar.

📚Tanlov natijalari 2025-yil 4-oktabrga qadar my.uzbmb.uz saytida e'lon qilinadi.

@abit_uz — Abituriyentlar uchun maxsus 🔴

“Toshkent shahrida N.E. Bauman nomidagi Moskva davlat texnika universiteti filialini tashkil etish to‘g‘risida”gi Prezident qarori (PQ–276-son, 08.09.2025-y.) qabul qilindi.

Qarorga ko‘ra, Filial faoliyatining asosiy yo‘nalishlari etib quyidagilar belgilandi, jumladan muhandislik sohasida:

➖ innovatsion yondashuvlarni qo‘llay oladigan, chuqur ilmiy-texnik bilimlarga ega bo‘lgan yuqori malakali kadrlarni tayyorlash;

➖fundamental va amaliy ilmiy-tadqiqotlar o‘tkazish.

Filialda ta’lim faoliyati 2026/2027-o‘quv yilidan boshlanadi.

Filialga talabalarni o‘qishga qabul qilish davlat granti hamda to‘lov-kontrakt asosida amalga oshiriladi.

2025/2026-o‘quv yilidan Moskva davlat texnika universiteti va Toshkent davlat texnika universiteti hamkorligida magistratura mutaxassisliklari bo‘yicha qo‘shma ta’lim dasturlari asosida kadrlar tayyorlash yo‘lga qo‘yiladi.

Filial bitiruvchilariga O‘zbekistonda oliy ma’lumot to‘g‘risidagi hujjat sifatida tan olinadigan Universitetning belgilangan namunadagi diplomi beriladi.

@abit_uz — Abituriyentlar uchun maxsus 🔴

❓ Super-kontrakt chiqmagan bo‘lsa ham universitetga borib, darslarga qatnashish mumkinmi?

✅ Javob: rasman yo‘q.

Qonunchilikka ko‘ra, super-kontrakt asosida o‘qishga qabul qilish bo‘yicha buyruq chiqmaguncha abituriyent talaba hisoblanmaydi. Shuning uchun darslarga qatnashish huquqi ham faqat buyruq chiqqandan keyin beriladi.

Ammo ayrim oliy ta’lim muassasalari “kutilayotgan talaba” sifatida abituriyentlarga dars jarayonlarini kuzatishga sharoit yaratib berayotgani haqida ma’lumotlar kelmoqda.

❗️ Bunda muhim nozik jihat mavjud: agar keyinchalik “kutilayotgan talaba”ga super-kontrakt uchun ruxsat berilmasa, abituriyent va OTM o‘rtasida nizoli vaziyat paydo bo‘lishi ehtimoli bor. Chunki talaba darslarda qatnashgan davrida vaqt va moddiy xarajat qilgan bo‘ladi.

Shu sababli oliy ta’lim muassasalari “kutilayotgan talaba” bilan bunday masalalarni oldindan aniqlashtirib, barcha shartlarni kelishib olishlari zarur.

@abit_uz — Abituriyentlar uchun maxsus 🔴