***
Otam sotdi sigirlarini,
Sotdi so'ngi qo'chqorini ham.
Bir umr peshona terini
Yo'llarimga to'shadi otam.

Anglaganman, kasbiga sodiq,
Bir inson bor edi dunyoda.
Bolamga deb ulovin sotib
Otam yurganida piyoda.

Va lek bedog', sotmay asradi
Bag'ishlab tun, kunduzlarini.
Egnidagi yashil libosi
Yelkadagi yulduzlarini.

Yashab o'tdi hazrati inson,
Qarzin uzib ona Vatandan.
Shu el-yurtdan qarzdor bitta jon
Menga meros qoldi otamdan!
_____________________

25-oktabr! Ichki ishlar xodimlari kuni - bayramingiz muborak DADA!

(Inna lillahi va inna ilayhi rojiʼun)

@erkinbozorovv