✒️ ФАРЗАНДЛАРИМГА

🌱Дунёда энг ёмон онаман балки,
Хақ қодир қилганча оналик қилдим,
Хайрни мен фақат илиниб сизга,
Беихтиёр гохи қаттиқўл бўлдим.

🌱 Ожизман,нотавон дунё йўлида,
Қўрий олсам эди сизни ғафлатдан,
Менинг қаттиқ сўзим,аччиқ аламдан,
Онаман, хар сўзим эмас нафратдан.

🌱 Сизга тикан кирса юрагим пора,
Бағримга олардим гўдак чоғингиз,
Сизни Хақдан узоқ кўрмоқдан кўра,
Енгил Ажал келса кўрмоқ доғингиз.

🌱Жоним парчалари, жон фарзандларим,
Онангиз дарди бу, дунё эмасди,
Бўлмаса гар дунё ишқи халокат,
Онангиз бу Холдан кўп ғам емасди.

🌱Дилбандларим ўзни отманг оловга,
Аллох зулм қилмас хар ишда Одил,
Тоатдан юз бурган осий қулларга ,
Хар турли азоблар бермоққа Қодир.

🌱 Журъатли бўлманг сиз маъсият узра,
Шайтон нағмасига кетмангиз эриб,
Сиз хато қилсангиз зарбдан сочилган,
Жоним парчаларин юрибман териб.

🌱 Очлик мусийбатмас, юпинлик ғаммас,
Улкан йўқотишмас хаттоки ўлим,
Иймонсизлик оғир зиёндир зотан,
Ғофил ғафлатила ўзига золим!

🌱 Шайтон тузоқлари хар ерда бисёр,
Тузоқларга осон илинб турсак,
Қандай нажот топиб кетармиз ахир,
Хозир чиқиб қолса Дажжолни кўрсак?

🌱Хаммаси ёлғонку,хаммаси рўё,
Ёлғонлигин суранг ахли қабрдан,
Роббингизга қочинг жон Дилбандларим,
Қаср қуринг Маъво узра сабрдан.

🌱Қачон ўлмоқлигим Аллохга аён,
Аммо бир ваъсият қолдиргум сизга,
Хечбир йўлдан асло изламанг нажот,
Аллох ва Росулин йўлидан ўзга.

⚡️Koʻz quvonchi