اي صيدلاني ممكن تساله شنو اامن مسكن من مجموعة NSAIDs لمرضى القلب والشرايين بسهولة جدا وبدون تاخير يجاوبك
🔸Naproxen

بس صح هو ليش تحديدا naproxen اامن لمرضى الضغط والقلب اكثر من بقية ادوية NSAIDs

اذا تروح تبحث عن السبب راح تكله بسهولة انو naproxen يثبط cox-2 بدرجة محددة وهالشيء يعتبر السبب الرئيسي انو هو امن لمرضى القلب والضغط!!

مافهمنه السبب ممكن توضح اكثر دكتور‼️
باختصار وكلنه نعرف انو
🔰cox-1
بالجهاز الهضمي والمعدة مسؤول عن زيادة افراز المخاط وتقليل افراز حامض المعدة وزيادة حماية المعدة…

اما
🔰cox-2
مسؤول عن تحفيز الالم والتورم والحرارة والالتهاب بمكان الالم…

عاشت الايادي هسة هاي واضحة المعلومة وكلنه نعرفها بس معرفنه انو هو ليش naproxen امن لمرضى الضغط والقلب ‼️
هو هنا السبب الرئيسي لان وظيفة
🔰cox-1 & cox-2
تختلف بجهاز الدوران عن باقي الجسم يعني راح يصير
🔸cox-1 'TX-A2'
مضر بالجسم ومسؤول عن حصول الجلطات القلبية والتخثرات الدموية عكس عمل cox-1 بالجهاز الهضمي كان مفيد هناك اما هنا صار مضر لذلك من نثبطه راح نمنع حصول الجلطات ولذلك احنه نستخدم Aspirin لمرضى القلب

اما
🔸cox-2
بالعكس هنا راح يصير مفيد للجسم لان راح يكون مسؤول عن توسع الاوعية الدموية ومنع تكون الجلطات وبما انو naproxen راح يثبط cox-2 اقل من cox-1 واكو بعض المقالات الطبية الي قريتها يكول يثبط cox-1 و cox-2 بشكل متوازن ار بما معناه بكد ميثبط cox-1 يثبط cox-2 ولهذا السبب هو اامن مسكن من عائلة NSAIDs للمرضى الي عدهم ضغط ومشاكل قلبية واكو ادلة سريرية عن الموضوع استخدموا بالمرضى الي عدهم مشاكل قلبية واحتشاء عضلة القلب مشافوا زيادة نسبة الوفيات من استخدموا وسلامتكم ان شاءالله

حكيم hakim💊

تجينا كيسات اطفال للمستشفى حاليا بالطوارئ بعض الاطفال صاير عدهم croup او خناق بالعامية يسمونها خنزيرة اسمها غريب شوية بس هذا للاسم حرفيا ينطبق عليها لان يصير عد الطفل سعال نباحي وصرير بالصوت وصعوبة تنفس بسبب swelling of upper airway and inflammation يكتبلهم الطبيب بهاي الحالة

🔸Dexamethasone
وهي اهم شي بهاي الحالة لان راح تقلل من inflammation of airways and swelling وايضا الها دور بتعديل المناعة والالتهاب ممكن اذا كان الطفل عنده صعوبة تنفس ننطي adrenaline nebuliser راح يساعد الطفل على التنفس ويقلل edema وتجمع السوائل الي صاير الشي بالشي يذكر انو السبب الرئيسي للحالة هو فايروسي ممكن منحتاج الى مضاد حيوي او ممكن استخدمة وقائي فقط

جرعة الديكادرون بهاي الحالة
🔹0.6mg /kg/per day
ممكن جرعة وحدة تكون كافية واحيانا تكرر الجرعة نفسها وممكن استخدامها بشكل عضلي او فموي المصادر تكول نفس التاثير العلاجي وسلامتكم ان شاءالله ♥️🙏

حكيم hakim💊