معلش اتأخرنا عليكم شوية🤫

شهادات مسابقة " قلب مطمئن "🥳🥳🥳🥳🥳🥳

لا تنسونا من صالح دعائكم

شهادات الشباب:
https://drive.google.com/drive/folders/1OvjUXg1BBusWfmAFQAFh-z7KeM-zkHYz

شهادات النساء:
https://drive.google.com/drive/folders/1xDeKjxMY9KB3aAZCk4rwRDCfjatqpmeD

لو في أي مشكلة التواصل مع @rwhanmnamrina_2 بعد التأكد والبحث عن الشهادة بشكل جيد"

#أكاديمية_روحا_من_أمرنا 🍀

نصبر عليكم أسبوع كدا تخلصوا من المدارس شوية😁

سورة يوسف مش مجرد قصة تقرأها!
دي "أحسن القصص" أنزلها الله عز وجل على النبي ﷺ وأصحابه في وقت ضيق وألم، فكانت سلوى لكل محزون.

ولما تعيش مع القصة لحظة بلحظة، هتكتشف إنك قدام مدرسة ربانية لتقوية القلب، وتثبيت النفس.

سيدنا يوسف عليه السلام تعرض لمحاولة قتل من أقرب الناس له "إخوتهُ"!

رمَوه في البئر، ومكتفوش بكده!!

️باعوه بثمن بخس دراهم معدودة؛ فأصبح عبد مملوك..
وحُرم من رؤية والده سيدنا يعقوب عليه السلام سنين طويلة.

وتعرض بعدها لفتنة امرأة العزيز!
ومع إنه بريء دخل السجن ظلم، واتنسى سنين.

📌هنا نقف ونسأل:
هل كل ده أثّر على يقين سيدنا يوسف بربه؟
هل خلّاه يتغيّر أو يشك أو ينهار؟
ولّا زاد ثباته، وثقته، وربط قلبه بالله أكتر من الأول؟

الإجابة واضحة:
ما اعترضش، ما انهارش..
وصبر، واتقى، وسلّم أمره لله.

فكانت النتيجة مش مجرد خروجه من السجن..

لكن خروجه لعزّ وتمكين!

أصبح عزيز مصر، وأعزّه الله، وجمعه بأهله بعد طول فُرقة، وداوى قلبه بعد كل هذه الآلام..

وده كان جزاء الدنيا فقط، أما جزاء الآخرة فأعظم بلا شك!

قال تعالى: "إِنَّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ."

فخلي قصة يوسف عليه السلام هي ميزانك، والمدرسة اللي تتعلّم منها هتعمل إيه في وقت الشدة؟ وهتثبت إزاي؟

الشيخ /محمد الغليظ