Фарғона вилояти Давлат солиқ бошқармасининг тадбиркорликни қўллаб қувватлаш – хизмат кўрсатиш бўлими катта инспектори ўз укасига 2023 йилда Фарғона тумани ҳудудидан электрон аукцион орқали 30 йил муддатга ижара асосида берилган, қишлоқ хўжалигига мўлжалланган 48 сотих ер майдонини юқори лавозимда ишловчи танишлари орқали харидор номига расмийлаштириб бериш эвазига 30000 АҚШ доллари талаб қилади.

Давлат хавфсизлик хизмати ҳамда Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбир давомида солиқ идораси ходими ушбу пул маблағини олган вақтида ашёвий далиллар билан ушланди.

Ҳозирда унга нисбатан Жиноят кодексининг 25,168-моддаси 4-қисми “а” банди билан жиноят иши қўзғатилиб, тергов ҳаракатлари олиб борилмоқда.

@paradigmauz

ЎФА терма жамоалар бўлими собиқ раҳбари Шерзод Игамбердиев ўзининг ижтимоий тармоқдаги саҳифасида кутилмаган фикр билдирди.

"Мен учун ушбу жамоадан кетиш жуда оғир ва аламли. Лекин бундай ҳолатлар содир бўлаётганда қолиш мумкин эмас эди. Биз ушбу жамоа билан жуда узоқ йўлни босиб ўтдик. Биз жамоага нисбатан яхшироқ муносабатга лойиқ эдик.

Жимгина рози бўлиб, барчасига рози бўлишим мумкинмиди? Ҳа, мумкин эди. Мукофотлар, АҚШга сафар ва чиройли суратлар учун. Бироқ мен бу жамоани жуда яхши кўраман, мамлакатимизни жуда қадрлайман. Шунинг учун – йўқ. Мен бу циркнинг бир қисми бўлишни истамадим", – деб фикр билдирган Шерзод Игамбердиев.

P.S. Бу ерда айнан қандай цирк ҳақида гап кетяпти? Терма жамоага мураббий тайинлаш масаласими ёки жаҳон чемпионатига чиқилгани муносабати билан мукофотлаш маросимидан баъзилар четда қолгани билан боғлиқми? Нима деб ўйлайсиз, кимдир бу масалага ойдинлик киритармикан?

@paradigmauz

1931 йилда Табиатни ҳимоя қилиш ҳаракатининг халқаро конгрессида таъсис этилган бу сана бутун инсониятни табиат неъматлари, айниқса жониворларни асраш ва уларни муҳофаза қилишга чорлайди.

Ушбу куннинг мақсади — одамзод эътиборини сайёрамиздаги турли хил жониворларни ҳимоя қилиш, уларнинг ҳаёти учун қулай шарт-шароит яратиш ва экологик мувозанатни сақлашдир.

@paradigmauz

Яқин орада Фабио Каннаваро Ўзбекистон термаси бош мураббийига айланади.

Машҳур инсайдер Фабрицио Романо: “Ўзбекистон термасини "Олтин тўп" соҳиби бошқаради”, деб ёзди.

Олган маълумотларга қараганда, ЎФА италиялик мураббийга 1+4 кўринишида шартнома таклиф қилган ва бу яқин 1-2 кунда имзоланади.

Ҳозирда Ўзбекистон термасини бошқараётган Тимур Кападзе эса жаҳон чемпионатида Фабио Каннаварога ёрдамчи бўлади.

@paradigmauz