❤️පිරිමින්ට තමන්ගේ පළවෙනි ආදරයෙන් මිදෙන්න බැරිද ?
මේ ප්‍රස්නය ngl එකේ දැක්ක ප්‍රශ්නයක්. සාමාන්‍යයෙන් පිරිමින්ට තමන්ගේ පලවෙනි ආදර අත්දැකීම අමතක කරන්න බැරි කතාව යම්තාක් දුරකට ඇත්තක්. එතකොට ඒ මගහැරුණු කාන්තා ආත්මයම තමන්ට නැවත අනුනාද වෙනකන් බලන් ඉන්න එකත් ඇත්ත. කාන්තාවන්ගේ පැත්තෙන් බැලුවොත් දෛවයේ සරදමකට අතගහපු බොළද ආදර අත්දැකීම නිසා පාරගත්ත හිත ආයේ සුව කරගන්න හිතන්නේ අර කලින් කුලකයේ නැති දෙවෙනි පිරිමියාගෙන්. මේ හින්දා මනුෂ්‍යයන්ගේ ආදර කතා ගොඩක් විරහවට මග පාදනවා වැඩියි.
මන් මේ සටහන අද විද්‍යාත්මකව නැතුව දර්ශනවාදයෙන් ගෙනියන්න හිතුවා...
ඇලෙයින් ඩි බොටෝන් ගේ On Course of Love පොතේ ආදරය සම්බන්ධ මතවාද කිහිපයක්ම තියෙනවා. ඒකෙන් කියනවා රෝමාන්තික ආදරය කියන්නේ මෑතකාලිනව හොයාගත්ත එකක් සහ ඒ රෝමාන්තික ආදරය බාහිර බලපෑම්වලින් තොරව මිනිස්සුන් තුළ හට ගන්නේ අවමයෙන් කියලා.
දැන් ඔය නූතන රෝමාන්තික ආදරය තුළ දී ආකාර 4 කින් අපි මුලාවට ලක් වෙනවා. පලවෙනි එක තමන්ගේ ආත්ම සහකරු පරීපුර්ණ බව සිතීම, දෙවෙනි එක එකිනෙකාව හොඳින් අවබෝධ කරගන්න සහකරුවන් පතන මුලාව, තුන්වෙනි එක ආදරයෙන් බැදීම තමා ජීවිතයේ රසවත් ම දේ කියලා සිතීම සහ අන්තිමට නොවෙනස් වන ආදරයක් පවතින බව මුලාව.
මාත් ඉතින් ඔය පොත කියවන් යද්දී මේ පොතෙන් මතු කරන මතවාදය ලොකුවට පිළිගත්තේ නෑ. ඒත් යම්තාක් දුරකට ඒක ඇත්ත කියලාත් හිතෙනවා. තාමත් රෝමාන්තික යුගයේ ඉන්න පිරිමින්ව ගැහැණුන්ව හොයන මිනිස්සු ඉන්නවා නේ, සමාජ මාධ්‍යවල එහෙම ෆැන්ටසි ආදර කතා බැලුවම හොඳට තේරෙනවා.
මේ ලෝකයේ ඉන්න බිලියන 8 ක ජනතාවගේ තියෙන්නේ ආදරය සම්බන්ධයෙන් එකිනෙකට වෙනස් මනෝභාව බිලියන 8 ක්. එයාලා එයාලාගේ මනෝභාවේ හැටියට ආදරය අර්ථ දක්වනවා. සරලවම ආදරය කියන්නේ පිනවීමක් නේ. තමන්ගේ යථාර්ථයේ තියෙන හිදැස පුරවන්න තවත් කෙනෙක්ගේ ආත්මය අස්සෙන් තමන්ගේ හිස්තැන පුරවගන්න අපි කරන සංචාරයක් වගෙ. එක්කෙනෙක් ආදරය ආගමෙන් බලයි, ජාතියෙන් බලයි, ගුණයෙන් බලයි, පෙනුමෙන් බලයි, ආර්ථික තත්ත්වයෙන් බලයි.අපිට කෙනෙක් ආදරය අර්ථ දක්නව විදිහ වැරදි කියන්න අමාරුයි. ඒත් ආදරය කියන්නේ අභිරහසක්, අපි අපිම හොයාගෙන යා යුතු අභිරහසක්.
ඇත්තටම ආදරය ගැන ඉගෙන ගන්න විෂය පථයක් නැති වීම ගැන මට අදටත් තියෙන්නේ අභිරහසක්. ඇයි මිනිස්සු ආදරය ගැන සංකල්ප, පොදු සිද්ධාන්ත සම්බන්ධ කරලා විෂයක් නොහැදුවේ. උත්තරය දන්නේ නෑ...🤷🏻♂
එක්කෝ මිනිස්සු ආදරයට ආත්මාර්ථකාමි. ඒහින්දා තමන් හොයන ආදරයේ අභිරහස වෙන කෙනෙක්ට දැනගන්න දෙන්නේ නෑ. ඒකේ ඉතින් වරදකුත් නෑ. ආදරය කියන්නේ මේකටයි කියලා පොදු සිද්ධාන්තවලින් සංකල්ප වලින් ලගු කරන්නත් බැරි හින්දා ආදරය කියන්නේ අදටත් අභිරහසක්.
🦧මන් හිතපු අදහස වැරදි ද කියන්න මන් දන්නෙ නෑ. ඒත් ආදරය තමා මේ ඇල්ගොරිතමේ ලොකුම බග් එක. මට සාපේක්ෂව ක්වොන්ටම් යාන්ත්‍රණ, කළු කුහර ගැන තේරුම්ගන්න එකට වඩා අමාරුයි ආදරය තේරුම් ගන්න.😅 මන් යනවා යන්න. වැස්සයි සීතලයි දැන් මට නිදිමතයි.
අඥාත පණිවිඩ දාන්ට: http://ngl.link/janiru_ransith07
🖊 Janiru Ransith
𝕊𝕔𝕚𝕖𝕟𝕔𝕖 𝔽𝕒𝕔𝕥𝕤 🧬🔬
0
Показать ещё
