#ШЕЪРИЯТ

ГУЛНИ РАНЖИТМА, КЎНГИЛ!

Гулдан баҳра ол, майли,
Болни ранжитма, кўнгил!
«Мевасиз, соясиз», деб,
Толни ранжитма, кўнгил!

Баёнга ўзим ҳоким,
Не демоқда бор эрким,
«Ё ҳақни айт, ё тур жим!»
Тилни ранжитма, кўнгил!

Ғийбат гапирган бўлма,
Ислоҳ эт, бузган бўлма,
Севгангга тикан бўлма,
Гулни ранжитма, кўнгил!

Бош баланд бўлганда ҳам,
Назаринг бўлсин қадам,
Кибрла юриб, эркам -
Йўлни ранжитма, кўнгил!

Мавлом берганда тойма,
Қайтиб олганда куйма,
Ўчоғинг ўтсиз қўйма,
Кулни ранжитма, кўнгил!

«Уф»лама ҳизматидан,
Ҳар ишдир ҳикматидан,
Соҳиби ҳурматидан,
Қулни ранжитма, кўнгил!

© Юнус Эмро

®️ Таржимон Маҳбубий

https://t.me/AbrorMuxtorAliy