मागच्या दोन-चार दिवसात पुण्यामध्ये ऑफलाईन टेस्ट सिरीजच्या प्रवेशप्रक्रिये दरम्यान असंख्य मुलांशी बोलणं झालं...अनेकांचा अभ्यास व्यवस्थित सुरु आहे असं दिसलं तर काही मुलं अधिक तणावात अभ्यास करत आहेत याची जाणीवही झाली... भेटताक्षणी कितीतरी मुलांना रडताना बघितलं...यशाने वारंवार दिलेली हुलकवणी, वाढतं वय, वैयक्तिक अडचणी,आर्थिक अडचणी, कौटुंबिक अडचणी ही त्याची कारणं होती... लेकरांच्या डोळ्यातला एक-एक थेंब हृदयावर घाव घालत होता...हे सगळं सुरु असताना सातत्याने एक गोष्ट जाणवत होती की अभ्यासच्या पातळीबरोबर मुलांसोबत मानसिक पातळीवर सक्षमपणे उभं राहणं भयंकर महत्वाचं आहे... तुझ्याकडे क्षमता आहे आणि तू हे करू शकतो हा विश्वास देणारं मुलांकडे कोणी नाहीये म्हणून मुलांमध्ये आत्मविश्वासाची कमी नेहमी जाणवतेय...मुलांचं मानसिक स्वास्थ चांगलं ठेवण्यासाठी आपण सुरवातीपासून धडपडत आहोतचं आणि इथूनपुढे अजून चांगल्या पद्धतीने आपण त्यावर काम करत राहू...आपण विविध उपक्रमातून अभ्यासाची बाजू भक्कम करत आहोतचं पण मानसिक पातळीवर काम करणं ही सध्या महत्वाची गरज आहे...लक्षात ठेवा की कोणत्याही गोष्टीमुळे हतबल होणं हा कधीच पर्याय नसतो... जिथं प्रश्न असतो तिथं उत्तर असतंच ना?? मार्ग काढून पुढ जाणं अधिक महत्वाचं आहे.. थोडा वेळ लागेल पण सगळं छान होईल हा विश्वास ठेवायला हवा... आयुष्यातला काही काळ वाईट असतो, पूर्ण आयुष्य नाही आणि हा वाईट काळ आजपर्यंत कोणाला चुकला नाही, ना मला, ना तुम्हाला... असो ठेवलेला संयम हा यशाच्या रस्त्याने घेऊन जातं असतो हे लक्षात ठेवा,आज इतकंच सांगेन..!!❤️

@रेवण..